ەۆروپا وداعى ليۆان مەن يزرايلدى سوعىستى دەرەۋ توقتاتۋعا ۇندەدى

شينحۋا اگەنتتىگىنىڭ 9 – ايدىڭ 22 - كۇنى برۋسسەلدەن بەرگەن حابارى. ەۆروپا وداعىنىڭ سىرتقى ىستەر جانە حاۋىپسىزدىك ساياساتىنىڭ جوعارى دارەجەلى ۋاكىلى بولەلي 9 – ايدىڭ 22 – كۇنى ليۆان مەن يزرايلدىڭ شەكاراسىنداعى "كوك لەنيانىڭ" ەكى جاعىندا سوعىستى دەرەۋ توقتاتىپ، ءتىپتى دە ۇلكەن ادامگەرشىلىك داعدارىسىنىڭ تۋىلۋىنان ساقتانۋعا ۇندەدى.

بولەلي سول كۇنى مالىمدەمە جاريالاپ، ەۆروپا وداعى ليۆان مەن يزرايل جاعدايىنىڭ اۋىرلاسۋىنا ەرەكشە نازار اۋدارىپ وتىر. ليۆان مەن يزرايلدىڭ جاي بۇقاراسى اۋىر بوداۋ بەرۋدە، جالپى بەتتىك سوعىس تۋىلا قالسا، ولار تاعى دا ەڭ اۋىر زيانكەستىككە ۇشىرايدى. جالپى بەتتىك سوعىستان ديپلوماتيالىق جاراستىرۋ ارقىلى ساقتانۋعا كۇش سالۋ كەرەك دەگەندى ايتتى.

سول كۇنى، انگليا سىرتقى ىستەر ءۋازىرى لامي لابوۋرستەر پارتياسىنىڭ جىلدىق ماجىلىسىندە يزرايل مەن ليۆان قۇدايشىلدار پارتياسى ورتاسىنداعى شۇعىل اۋقىمنىڭ ۇزدىكسىز ۋشىعۋى ادامدى الاڭداتاتىندىعىن ءبىلدىردى. ”ءبىزدىڭ تاراپتارعا جەتكىزگەن احپارىمىز وتە ايقىن: ءبىز ەكى جاقتىڭ سوعىستى دەرەۋ توقتاتۋىن تالاپ ەتەمىز، وسىلاي بولعاندا عانا، يزرايل مەن ليۆان جاي بۇقاراسىنىڭ مەكەنىنە قايتا ورالىپ، بەيبىتشىلىك پەن حاۋىپسىزدىك ورتاسىندا تۇرمىس كەشىرۋىنە قولايلىلىق جاراتۋعا بولادى.“

وسى ايدىڭ 17 - كۇنى جانە 18 - كۇنى ليۆاندا حابارلاسۋ جابدىقتارىن پارتىلاتۋ وقيعاسى ارت - ارتىنان تۋىلىپ، 37 ادام قازا بولىپ، 3000 عا جۋىق ادام جارالاندى. ليۆان جاق يزرايلدىڭ قوپارىلىس وقيعاسىن جوسپارلاعانىن كورسەتتى، يزرايل بۇعان اشىق جاۋاپ قايتارمادى. 9 – ايدىڭ 20 - كۇنى يزرايل ليۆاننىڭ استاناسى بەيرۋتتىڭ وڭتۇستىك قالا ماڭىنا باسقارىلمالى بومبىمەن ”ءتۇيىندى سوققى“ بەرىپ، ليۆان قۇدايشىلدار پارتياسىنىڭ كەمىندە ەكى جوعارى دارەجەلى اسكەري قولباسشىسىن قامتىعان 37 ادامدى ولتىرگەن. 9 – ايدىڭ 21 – كۇنى يزرايل ارمياسى ليۆاننىڭ وڭتۇستىگىنە تاعى دا كەڭ كولەمدى سوققى بەردى. 9 – ايدىڭ 22 – كۇنى، ليۆان قۇدايشىلدار پارتياسى يزرايلدىڭ سولتۇستىگىندەگى رامادەۆي اۋا ارميا بازاسىنا جانە اۋەجايىنا ەكى رەت باسقارمالى بومبى اتتى.

كەلۋ قاينارى: حالىق تورابى