ەڭ جوعارى بولعاندا 200 مىڭ يۋان سيلىق بەرىلەدى! شينجياڭ ەمدەۋ، ءدارى ـ دارمەك قۇرىلىمدارىنىڭ ەمدەۋ قامسىزداندىرۋىنا قايشىلىق جاساۋ دەرەگىن جينايدى

ەمدەۋ، ءدارى ـ دارمەك قۇرىلىمدارىنىڭ ەمدەۋ ارەكەتىن اناعۇرلىم ارناعا ءتۇسىرىپ، ەمدەۋ قامسىزداندىرۋ الدامشىلىعىنا سوققى بەرۋدىڭ تەگەۋرىندى كۇيىن ۇزدىكسىز قالىپتاستىرۋ ءۇشىن، 9 ـ ايدىڭ 23 ـ كۇنى شينجياڭ ۇيعۇر اۆتونوميالى رايوندىق ەمدەۋدى قامتاماسىزداندىرۋ مەكەمەسىنىڭ تورابى حابارلاندىرۋ جاريالاپ، شينجياڭداعى قالىڭ بۇقارادان ەمدەۋ، ءدارى ـ دارمەك قۇرىلىمدارىنىڭ ەمدەۋ قامسىزداندىرۋىنداعى بەلگىلەمەگە قايشى دەرەكتەردى جينادى.

حابارلاندىرۋدا مىنالار ايقىن بەلگىلەندى: بەلگىلەنگەن ەمدەۋ قۇرىلىمدارىندا، بەلگىلەنگەن ءدارى ـ دارمەك دۇكەندەرىندە ”ەمدەۋ قامسىزداندىرۋ قورىن زاڭسىز پايدالانۋ“، ”كارتوچكا جيناپ، ۇرلاپ اقشا شىعارۋ“، ”ەمدەۋ قامسىزداندىرۋىنا قىزمەت وتەۋدى جالعاننان ەستەلىككە الۋ“ سياقتى ەمدەۋ قامسىزداندىرۋ قورىن بەلگىلەمەگە قايشى پايدالانۋ ارەكەتىنىڭ ورىن الىپ وتىرعاندىعىن اشكەرەلەپ، تەكسەرۋ ارقىلى راستالسا، بەلگىلەمەگە قايشىلىق جاساعان سومانىڭ بەلگىلى سالىستىرماسى بويىنشا سيلىق بەرىلەدى، ەڭ جوعارى بولعاندا 200 مىڭ يۋان سيلىق بەرىلەدى.

حابارلاندىرۋدا سونىمەن بىرگە شينجياڭ ۇيعۇر اۆتونوميالى رايوندىق جانە ءارقايسى ايماقتىق، وبلىستىق، قالالىق ەمدەۋ قامتاماسىزداندىرۋ مەكەمەلەرىنىڭ اشكەرەلەۋ تەلەفونى جاريالاندى.

حابارلاندىرۋدا بىلاي دەلىندى: كوپشىلىكتىڭ ەمدەۋ قامسىزداندىرۋ قورىن باقىلاۋ ـ باسقارۋ قىزمەتىنە بەلسەنە ات سالىسۋىن قارسى الامىز، اۆتونوميالى رايوندىق ەمدەۋدى قامتاماسىزداندىرۋ مەكەمەسى قاتىستى بەلگىلەمەلەر بويىنشا مالىمدەۋشىنىڭ جەكە ينفورماتسياسىن قاتاڭ قۇپيا ۇستاپ، ەمدەۋ قامسىزداندىرۋ قورىن زاڭعا، بەلگىلەمەگە قايشى پايدالانۋ ارەكەتىن زاڭ بويىنشا، بەلگىلەمە بويىنشا تەكسەرىپ ءبىر جاقتى ەتەدى.

كەلۋ قاينارى: حالىق تورابى