ىلەنىڭ باسىم كوپ جەرىنىڭ ءىشىنارا وڭىرلەرىندە نوسەر جاۋادى، قالىڭ قار جاۋادى

9 - ايدىڭ 23 – كۇنى، ىلە وبلىستىق اۋا رايى ستانسياسى ۋيچات الەۋمەتتىك تەكشەسىنىڭ حابارىنا قاراعاندا، الداعى بىرنەشە كۇندە ىلە اڭعارىندا جاپپاي قار – جاڭبىر جاۋادى، تاۋلى وڭىردە جاڭادان جاۋعان قاردىڭ قالىڭدىعى 10 دا 15 سانتيمەترگە جەتەدى.

الدىن الا مالىمەتتە كورسەتىلۋىنشە، 9 - ايدىڭ 25 - كۇنى تۇننەن 26 - كۇنى تۇنگە دەيىن ىلە اڭعارىنىڭ باتىس بولەگىندەگى جازىق رايونداردا از جاڭبىر جاۋادى؛ سولتۇستىك بولەكتەگى تاۋ بوكتەرى، شىعىس بولەگى، وڭتۇستىك بولەگى قاتارلى جەرلەردە نوسەر نەمەسە قار جاۋادى، تەڭىز دەڭگەيىنەن 1800 مەتردەن جوعارى وڭىرلەردە جاڭبىر جاۋىپ سوڭى جاڭبىر ارالاس قارعا نەمەسە قارعا اينالادى؛ موڭعۇلكۇرە اۋدانى، تەكەس اۋدانى، توعىزتاراۋ اۋدانى، نىلقى اۋدانىنىڭ شىعىس بولەگى، كۇنەس اۋدانىنىڭ شىعىس بولەگى قاتارلى جەرلەردىڭ ءىشىنارا وڭىرلەرىندە نوسەر جاۋادى، قار جاۋادى، جاۋىن - شاشىن مولشەرى 25 تە 40 ميلليمەترگە جەتەدى، جالپى جاۋعان قار مولشەرى 15 تە 20 ميلليمەترگە جەتەدى، تاۋلى رايونداردا جاڭادان جاۋعان قاردىڭ قالىڭدىعى 10 دا 15 سانتيمەترگە جەتەدى، قيىس باتىستان 4 تە 5 بال جەل سوعادى.

9 – ايدىڭ 27 – كۇنى كۇندىزدەن تۇنگە دەيىن، ىلە اڭعارىنىڭ باتىس بولەگىندە كۇن اشىق بولىپ، ارا - تۇرا بۇلتتايدى، شىعىس بولەگى، وڭتۇستىك بولەگى قاتارلى جەرلەردە كۇن بۇلتتى بولىپ، سەبەزگى جاڭبىر نەمەسە قار جاۋادى، جەل كۇشى 3 بال بولادى.

اۋا رايى تاراۋلارىنىڭ مەجەلەۋىنشە، ىلە اڭعارىنىڭ وسى رەتكى اۋا تەمپەرتۋراسىنىڭ وزگەرىسى 8 سەلتسي گرادۋس اينالاسىندا تومەندەيدى، مەجەمەن 9 – ايدىڭ 28 – كۇنى، 29 - كۇنى جازىق رايونداردىڭ ەڭ تومەنگى تەمپەراتۋراسى 1 دە 3 سەلتسي گرادۋس بولادى؛ موڭعۇلكۇرە اۋدانى، تەكەس اۋدانى، نىلقى اۋدانى قاتارلى جەرلەردە نولدەن تومەن 3 تە 0 سەلتسي گرادۋس اينالاسىندا بولادى، تاۋلى رايونداردىڭ ءىشىنارا جەرلەرىندە نولدەن تومەن 5 سەلتسي گرادۋستان تومەن بولادى، ىلە اڭعارلارىندا ۇقساماعان دارەجەدە قىراۋ ۇسىگى جۇرەدى.

كەلۋ قاينارى: حالىق تورابى