شينجياڭ نوسەردەن ساقتانۋدىڭ كوك ءتۇستى ساقتىق سيگنالىن جاريالادى

جۇڭگو اۋا رايى تورابىنىڭ ەڭ جاڭا ساقتىق سيگنالىنا نەگىزدەلگەندە، 9 ـ ايدىڭ 25 ـ كۇنى ساعات 16 دان 11 مينۋت وتكەندە، شينجياڭ اۋا رايى ستانسياسى نوسەردەن ساقتانۋدىڭ كوك ءتۇستى ساقتىق سيگنالىن جاريالاعان.

مەجەمەن 9 - ايدىڭ 25 - كۇنى تۇننەن 28 - كۇنى تۇنگە دەيىن، ىلە اڭعارىنىڭ وڭتۇستىك بولەگى، شىعىس بولەگى، بۇراتالا وبلىسى، تارباعاتاي ايماعىنىڭ وڭتۇستىك بولەگى، اقسۋ ايماعىنىڭ سولتۇستىگىندەگى تاۋلى وڭىرلەر، بايىنعولىن موڭعۇل اۆتونوميالى وبلىسىنىڭ تاۋلى وڭىرلەرى، قۇمىل قالاسىنىڭ سولتۇستىك بولەگى قاتارلى جەرلەردىڭ ءىشىنارا وڭىرلەرىندە نوسەر جاۋادى (تەڭىز دەڭگەيىنەن 1500 مەتردەن جوعارى تاۋلى وڭىردە جاڭبىر سوڭى جاڭبىر ارالاس قارعا نەمەسە قارعا اينالادى)، جاۋىن - شاشىن مولشەرى 25 تە 45 ميلليمەتر بولادى، جوعارىدا ايتىلعان وڭىرلەردە قىسقا ۋاقىتتىق كۇشتى جاۋىن - شاشىن پايدا بولادى، 8 بالدان جوعارى ناجاعايلى بوران، بۇرشاق سياقتى كۇشتى كونۆەكسيالىق اۋا رايىنىڭ مۇمكىندىگى ءبىرشاما زور، لاي تاسقىنى، جەر كوشكىنى سياقتى گەولوگيالىق اپاتتاردىڭ اۋا رايى حاۋىپ - قاتەرى دارەجەسى جوعارى بولادى، الدىن الۋدى كۇشەيتۋ كەرەك.

اۋا رايى تاراۋلارى مىنانى ەسكەرتتى: تەڭىز دەڭگەيىنەن ورتاشا بيىك تاۋلى وڭىرلەردە جاڭبىر جاۋىپ، جاڭبىر سوڭى جاڭبىر ارالاس قارعا نەمەسە قارعا اينالادى، جول تايعاق بولادى، ءىشىنارا جول بولەكتەرىندە مۇز قاتىپ، كورۋ دارەجەسى تومەندەۋى مۇمكىن، بۇل ساياحات پەن قاتىناس ءجۇرىس ـ تۇرىسىنا ءتيىمسىز ىقپال جاسايدى، ساياحات كورىنىس ءوڭىرى مەن مايتاۋ ـ كۇشار تاس جولى سياقتى ساياحات جەلىلەرىنىڭ حاۋىپسىزدىگىن باسقارۋدى كۇشەيتۋ كەرەك.

كەلۋ قاينارى: حالىق تورابى