قانداي ادامداردىڭ كاسىپتىك كۋرس قوسىمشا قاراجاتىن الۋىنا بولادى؟ قانداي شارتتارعا ساي كەلۋى كەرەك؟ 

ساياسات وبيەكتىلەرى

قايتا كەدەيلەسۋدەن ساقتانۋ جاعىندا باقىلاۋعا الىنعان وبيەكتىلەر، سول جىلى جوعارى مەكتەپتەن وقۋ بىتىرگەندەر (مۇندا تەحنيكالىق مەكتەپتەردىڭ جوعارى دارەجەلى كلاسىنان، كانديدات تەحنيكتەر كلاسىنان، تەحنيكتەر كلاسىنان جانە وزگەشە ءتالىم – تاربيە مەكتەپتەرىنىڭ كاسىپتىك وقۋ – اعارتۋ تۇرىندەگى كاسىپتەرىنەن وقۋ بىتىرگەندەر قامتىلادى)، قالا مەن اۋىلداعى جالعاستى جوعارىلاپ وقي الماعان ورتالاۋ، ورتا مەكتەپتەن وقۋ تاۋىساتىن جىلدىقتاعى وقۋشىلار، اۋىل – قىستاقتاعى اۋىل شارۋاشىلىعىنان باسقا كاسىپكە ويىستىرىلعان جۇمىسكەرلەر، قالا – قالاشىقتاعى تىزىمگە الىنعان جۇمىسسىزدار، جۇمىستانۋى قيىن ادامدار ت.ب.

ساياسات مازمۇنى

التى ءتۇرلى ادامدار جۇمىستانۋشىلاردىڭ ونەرىن جەتىلدىرۋ كۋرسىنا جانە شارۋاشىلىق قۇرۋ كۋرسىنا قاتىناسقان سوڭ، بەلگىلەمەگە ساي كەلەتىن كۋالىككە (كاسىپتىك تولىمدىلىق كۋالىگى، كاسىپتىك ونەردىڭ دارەجەلىك كۋالىگى، ارناۋلى كاسىپتىك قابىلەت كۋالىگى، كۋرستىڭ تولىمدىلىق كۋالىگى) يە بولسا، ولارعا كاسىپتىك كۋرس قوسىمشا قاراجاتى بەرىلەدى.

كاسىپورىندار جاڭادان قىزمەتكە قابىلداعان التى تۇردەگى ادامدار كاسىپورىنمەن ءبىر جىلدان استام مەرزىمدەگى ەڭبەك توقتامىن جاساعان بولسا ءارى ەڭبەك توقتامىنا قول قويعان كۇننەن باستاپ ءبىر جىل ۋاقىت ىشىندە، كاسىپورىننىڭ وزىنە قاراستى كۋرس قۇرىلىمىنا نەمەسە ۇكىمەت تانيتىن كۋرس قۇرىلىمىنا سۇيەنە وتىرىپ، قىزمەت ورنىنا قاجەتتى ونەرىن جەتىلدىرسە، كۋرستان سوڭ كۋالىككە يە بولعان جاعدايدا جۇمىسشى – قىزمەتكەردىڭ وزىنە نەمەسە كاسىپورىنعا بەلگىلى ولشەم بويىنشا كاسىپتىك كۋرس قوسىمشا قاراجاتى بەرىلەدى.

مەملەكەتتىڭ قاتىستى بەلگىلەمەلەرىنە ساي، كاسىپورىنداردىڭ جاڭا تيپتەگى شاكىرت تۇزىمىندەگى كۋرسىنا، تەحنيكتەر كۋرسىنا قاتىناسقان كاسىپورىنداعى جۇمىسشى – قىزمەتكەرلەر كۋرستان كەيىن كۋالىككە يە بولسا، كاسىپتىك كۋرس قوسىمشا قاراجاتى بەرىلەدى. بەلگىلەمە بويىنشا نىساندىق تۇزىمدەگى كۋرس مىندەتىن ارقالاعان كۋرس قۇرىلىمدارىنا بەلگىلى ولشەم بويىنشا كاسىپتىك كۋرس قوسىمشا قاراجاتى بەرىلەدى.

كۋرس قوسىمشا قاراجاتى جاعىندا ”الدىمەن تولەي تۇرىپ، سوڭىنان تولىقتاۋ“ جانە ”سەنىمدىلىكتەن پايدالانىپ تولەۋ“ قاتارلى ادىستەر قولدانىلىپ، ءاربىر ادامنىڭ ەڭ كوپ بولعاندا 3 رەت يگىلىكتەنۋىنە بولادى.

ساياسات ولشەمى

جەر – جەر جەرگىلىكتى جاعدايعا قاراي تۇراقتاندىرادى.

ساياساتتىڭ شەكتى مەرزىمى

ۇزاق ۋاقىت بويى اتقارىلادى.

كەلۋ قاينارى: حالىق تورابى