ەمحانانىڭ جۇمىسى توقتاتىلىپ، ەمحانا باستىعى قاتارلى 15 ادامعا قىلمىستىق ىستەر بويىنشا ماجبۇرلەۋ شارالارى اتقارىلدى! ۋشي قالاسى جاريالاعان ەڭ جاڭا حابارلاندىرۋ 

9 – ايدىڭ 24 – كۇنى، جياڭسۋ ولكەسى ۋشي قالالىق ەمدەۋدى قامتاماسىزداندىرۋ مەكەمەسى قاتىستى جاعداي جونىندە حابارلاندىرۋ شىعارعان، ۋشي قالاسى حۇڭچياۋ ەمحاناسىنىڭ ەمدەۋدى قامسىزداندىرۋ قاراجاتىن الدامكوستىكپەن پايدالانعانى نەگىزىنەن تەكسەرىلىپ تۇراقتاندىرىلعان، اتالعان ەمحانانىڭ زاڭدىق ۋاكىلى، ەمحانا باستىعى قاتارلى دەلوعا قاتىستى 15 ادامعا قوعام حاۋىپسىزدىگى تاراۋلارى زاڭ بويىنشا قىلمىستىق ىستەرگە ساي ماجبۇرلەۋ شارالارىن اتقارعان. حابارلاندىرۋدىڭ تولىق مازمۇنى مىناداي:

جۋىردا، ۋشي قالالىق ەمدەۋدى قامتاماسىزداندىرۋ مەكەمەسى قوعام حاۋىپسىزدىگى، دەنساۋلىق ساقتاۋ – سالاماتتىق تاراۋلارى قاتارلى ورىندارمەن بىرگە ۋشي قالاسى حۇڭچياۋ ەمحاناسىنىڭ ەمدەۋدى قامسىزداندىرۋ قاراجاتىن الدامكوستىكپەن پايدالانۋى ماسەلەسى جونىندە جان – جاقتى تەكسەرۋ جۇرگىزۋدى جالعاستىرعان، قازىر اتالعان ەمحانانىڭ ەمدەۋدى قامسىزداندىرۋ قاراجاتىن الدامكوستىكپەن پايدالانعانى نەگىزىنەن تەكسەرىلىپ تۇراقتاندىرىلعان. 9 – ايدىڭ 22 – كۇنى ۋشي قالالىق ەمدەۋدى قامتاماسىزداندىرۋ مەكەمەسى بۇل ەمحانانىڭ ەمدەۋدى قامسىزداندىرۋداعى بەلگىلەنگەن ەمحانا تولىمدىلىعىن كۇشىنەن قالدىرعان، قوعام حاۋىپسىزدىگى ورگاندارى قىلمىستىق ىستەر بويىنشا دەلو تۇرعىزعان. 9 – ايدىڭ 23 – كۇنى، ۋشي قالاسى حۇڭچياۋ ەمحاناسىنىڭ زاڭدىق ۋاكىلى، ەمحانا باستىعى قاتارلى دەلوعا قاتىستى 15 ادامعا قوعام حاۋىپسىزدىگى تاراۋلارى زاڭ بويىنشا قىلمىستىق ىستەرگە ساي ماجبۇرلەۋ شارالارىن اتقارعان. اتالعان حالىق باسقارۋىنداعى ەمحانانىڭ جۇمىسى توقتاتىلعان.

وسىنىڭ الدىندا، جياڭسۋ ولكەسى ۋشي قالاسى حۇڭچياۋ ەمحاناسىنىڭ راديواكتيۆتىك سۋرەت ءبولىمىنىڭ شيپاگەرى شىن اتى – ءجونى بويىنشا احۋالدى اڭىس ەتىپ، بىلتىردان باستاپ، ەمحانا جۇيەسىندە ولاردىڭ بولىمىندە مۇلدە راديوگرافيكالىق سۋرەتكە ءتۇسىپ تەكسەرىلمەگەن ناۋقاستاردىڭ اۋرۋ تاريحى پايدا بولعانىن ايتقان، ولار ءارى ەمحانادا اسپاپپەن تەكسەرىلمەگەن ءارى راديوگرافيكالىق سۋرەت بولىمىنە قويىلعان ارحيۆىنىڭ ءنومىرى دە جوق، اۋرۋ تاريحى جازىلعان ەستەلىككە ”سۋرەتكە ساي دياگنوز قويىلدى“ دەپ جازىلعان. بۇل شيپاگەر وسى ىسكە قاتىستى ناۋقاستاردىڭ اۋرۋ تاريحى تالاي رەت وزگەرتىلگەن بولۋى مۇمكىن، بۇل اۋرۋ تاريحىن جالعاننان جاساپ، ەمدەۋ قامسىزداندىرۋىن الدامكوستىكپەن پايدالانۋعا جاتادى دەپ كۇماندانعان.

سۋرەتتە: 72 جاستاعى ياڭ XX تىڭ، 62 جاستاعى چيۋ XX تىڭ ىشكى مۇشەلەرىنىڭ راديوگرافيكالىق سۋرەتى 25 جاستاعى يە X تىڭ راديوگرافيكالىق سۋرەتىمەن ۇپ – ۇقساس بولعان.

كەلۋ قاينارى: حالىق تورابى