قارتايعاندا كۇتىمدەلىپ، قارتايعاندا شاتتىققا بولەنىپ، قارتايعاندا رولىن ساۋلەلەندىرىپ، جۇڭگو ۇلگىسىندەگى وسىزامانداندىرۋدى ىلگەرىلەتۋگە ”اق سامايلىلاردىڭ كۇشىن“ قوسۋعا شابىتتاندىردى

جاۋاپ حات

”اق سامايلىلار ارەكەتىندەگى“ قارت ەرىكتىلەردىڭ ۋاكىلدەرى:

سالەمەتسىزدەر مە!

جازعان حاتتارىڭىزدى تاپسىرىپ الدىم. كوپ جىلدان بەرى كوپشىلىك ەرىكتى قىزمەت وتەۋ قيمىلىنا بەلسەنە قاتىناسىپ، بىلەتىندەرىمەن، ارتىقشىلىقتارىمەن نەگىزگى ساتىعا، بۇقاراعا قىزمەت وتەپ، قوعامعا وڭ ەنەرگيا تاراتىپ، جاڭا داۋىردەگى جۇڭگو قارتتارىنىڭ رۋحاني بەت - بەينەسىن ايگىلەدى.

قارتتار − پارتيا مەن مەملەكەتتىڭ باعالى بايلىعى. قالىڭ قارت دوستاردىڭ قارتايسا دا مۇراتىنان اينىمايتىن، قارتايسا دا قايسارلىق تانىتاتىن اقاۋسىز كوڭىل كۇي مەن العا باسۋ رۋحىن ساقتاپ، قارتايعاندا كۇتىمدەلىپ، قارتايعاندا شاتتىققا بولەنىپ، قارتايعاندا رولىن ساۋلەلەندىرىپ، جۇڭگو ۇلگىسىندەگى وسىزامانداندىرۋدى ىلگەرىلەتۋگە ”اق سامايلىلاردىڭ كۇشىن“ قوسۋىن ءۇمىت ەتەمىن. ءار دارەجەلى پارتكومدار مەن ۇكىمەتتەر قارتتار قىزمەتىنە ايرىقشا ءمان بەرىپ، نازاردى قارتتاردىڭ شۇعىل، قيىن، ۋايىمداعان، ءزارۋ ماسەلەلەرىنە شوعىرلاندىرىپ، ساياسات - شارالاردى كەمەلدەندىرىپ، تاماشا قوعامدىق ورتا جاراتىپ، قارتتاردىڭ تۇرمىسىن ويداعىداي قامتاماسىز ەتۋى، رولىن ويداعىداي ساۋلەلەندىرۋى، ۇقىق - مۇددەسىن ويداعىداي قورعاۋى كەرەك.

چۇڭياڭ مەرەكەسى تاياپ قالدى، سىزدەرگە جانە بۇكىل ەلدەگى قارت دوستارعا دەندەرىڭىز ساۋ، عۇمىرلارىڭىز ۇزاق بولسىن، تۇرمىستارىڭىز باقىتتى بولسىن دەگەن تىلەك بىلدىرەمىن!

شي جينپيڭ

2024 – جىلى 10 - ايدىڭ 9 – كۇنى

(شينحۋا اگەنتتىگى، 10 - ايدىڭ 10 - كۇنى، بەيجيڭ)

شينحۋا اگەنتتىگى، 10 - ايدىڭ 10 - كۇنى، بەيجيڭ. جۇڭحۋا ۇلتىنىڭ ءداستۇرلى مەرەكەسى چۇڭياڭ مەرەكەسى قارساڭىندا، جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ ”اق سامايلىلار ارەكەتىندەگى“ قارت ەرىكتىلەردىڭ ۋاكىلدەرىنە جاۋاپ حات جازىپ، ولاردى شىن ىقىلاسپەن شابىتتاندىردى، بۇكىل ەلدەگى قارتتارعا ىقىلاستى سالەم جولدادى.

شي جينپيڭ بىلاي دەپ اتاپ كورسەتتى: كوپ جىلدان بەرى كوپشىلىك ەرىكتى قىزمەت وتەۋ قيمىلىنا بەلسەنە قاتىناسىپ، بىلەتىندەرىمەن، ارتىقشىلىقتارىمەن نەگىزگى ساتىعا، بۇقاراعا قىزمەت وتەپ، قوعامعا وڭ ەنەرگيا تاراتىپ، جاڭا داۋىردەگى جۇڭگو قارتتارىنىڭ رۋحاني بەت - بەينەسىن ايگىلەدى.

شي جينپيڭ بىلاي دەپ باسا دارىپتەدى: قارتتار − پارتيا مەن مەملەكەتتىڭ باعالى بايلىعى. قالىڭ قارت دوستاردىڭ قارتايسا دا مۇراتىنان اينىمايتىن، قارتايسا دا قايسارلىق تانىتاتىن اقاۋسىز كوڭىل كۇي مەن العا باسۋ رۋحىن ساقتاپ، قارتايعاندا كۇتىمدەلىپ، قارتايعاندا شاتتىققا بولەنىپ، قارتايعاندا رولىن ساۋلەلەندىرىپ، جۇڭگو ۇلگىسىندەگى وسىزامانداندىرۋدى ىلگەرىلەتۋگە ”اق سامايلىلاردىڭ كۇشىن“ قوسۋىن ءۇمىت ەتەمىن. ءار دارەجەلى پارتكومدار مەن ۇكىمەتتەر قارتتار قىزمەتىنە ايرىقشا ءمان بەرىپ، نازاردى قارتتاردىڭ شۇعىل، قيىن، ۋايىمداعان، ءزارۋ ماسەلەلەرىنە شوعىرلاندىرىپ، ساياسات - شارالاردى كەمەلدەندىرىپ، تاماشا قوعامدىق ورتا جاراتىپ، قارتتاردىڭ تۇرمىسىن ويداعىداي قامتاماسىز ەتۋى، رولىن ويداعىداي ساۋلەلەندىرۋى، ۇقىق - مۇددەسىن ويداعىداي قورعاۋى كەرەك (جاۋاپ حاتتىڭ تولىق مازمۇنى بولەك جاريالاندى).

”اق سامايلىلار ارەكەتى“ − مەملەكەتتىك قارتتار كوميتەتى 2003 - جىلى باستاعان قارتتاردىڭ ەرىكتى قىزمەت وتەۋ قيمىلى، مۇندا باستىسى ءار سالاداعى ساقا ماماندار، قارت پروفەسسورلار ۇيىمداستىرىلىپ، دامۋدا ارتتا قالعان رايوندارعا كومەك بەرىلەدى. قازىرگە دەيىن بۇكىل ەل بويىنشا ”اق سامايلىلار ارەكەتىنە“ قاتىناسقان قارت ەرىكتىلەر جالپى 7 ميلليون ادام - رەتتەن اسىپ، 4 مىڭنان استام كومەك نىسانىن ورىستەتتى، ”اق سامايلىلار ارەكەتى“ قارتتاردىڭ رولدارىن ساۋلەلەندىرۋىن جەبەۋدەگى ماڭىزدى تۇعىرلاردىڭ بىرىنە اينالدى. تاياۋدا ”اق سامايلىلار ارەكەتىندەگى“ قارت ەرىكتىلەردىڭ ۋاكىلى باس شۋجي شي جينپيڭگە حات جازىپ، ەرىكتى قىزمەت وتەۋگە قاتىناسۋ جاعدايىنان مالىمەت بەرىپ، ارتىقشىلىقتارىن ۇزدىكسىز ساۋلەلەندىرىپ، قوعامعا قارىمجى قايتارىپ، جۇڭگو ۇلگىسىندەگى وسىزامانداندىرۋدى ىلگەرىلەتۋگە كۇش قوسۋ بەكىمدەرىن بىلدىرگەن بولاتىن.

كەلۋ قاينارى: حالىق تورابى