شي جينپيڭ تەلەگرامما جولداپ، سايىدتىڭ تۋنيستىڭ زۇڭتۇڭى بولىپ تاعى دا سايلانعاندىعىن قۇتتىقتادى

شينحۋا اگەنتتىگى، 10 - ايدىڭ 10 - كۇنى، بەيجيڭ. 10 - ايدىڭ 9 - كۇنى مەملەكەت ءتوراعاسى شي جينپيڭ كايس سايىدقا تەلەگرامما جولداپ، ونىڭ تۋنيس رەسپۋبليكاسىنىڭ زۇڭتۇڭى بولىپ تاعى دا سايلانعاندىعىن قۇتتىقتادى.

شي جينپيڭ بىلاي دەپ اتاپ كورسەتتى: جۇڭگونىڭ تۋنيسپەن ءداستۇرلى دوستىعى تەرەڭ. تاياۋ جىلداردان بەرى ءبىزدىڭ بىرگە جەتەكشىلىك ەتۋىمىزدە، ەكى ەلدىڭ قارىم - قاتىناسى اقاۋسىز، ورنىقتى دامىپ، ءار سالاداعى اۋىس - كۇيىسى مەن سەلبەستىگى اسا ناتيجەلى بولىپ، ءداستۇرلى دوستىعى ۇزدىكسىز تەرەڭدەدى. 2024 - جىلى 5 - ايدا ءسىز جۇڭگودا ءساتتى مەملەكەتتىك ساپاردا بولدىڭىز، مەن سىزبەن بىرگە جۇڭگو مەن تۋنيستىڭ ستراتەگيالىق سەرىكتەستىك قارىم - قاتىناس ورناتقاندىعىن جاريالاپ، ەكى ەل قارىم - قاتىناسىنىڭ تىڭ ساتىعا كوتەرىلۋىن ىلگەرىلەتتىك. مەن جۇڭگو - تۋنيس قارىم - قاتىناسىنىڭ دامۋىنا ايرىقشا ءمان بەرەمىن، سىزبەن بىرگە قۇلشىنىپ، بيىل ەكى ەلدىڭ ديپلوماتيالىق قارىم - قاتىناس ورناتقاندىعىنىڭ 60 جىلدىعىن وراي ەتىپ، جۇڭگو مەن تۋنيستىڭ دوستىعىن ۇزدىكسىز جالعاستىرىپ، ءار سالاداعى اۋىس - كۇيىستى، سەلبەستىكتى تەرەڭدەتىپ، جۇڭگو مەن تۋنيستىڭ ستراتەگيالىق سەرىكتەستىك قارىم - قاتىناسىنىڭ ورنىقتى، باياندى بولۋىن ىلگەرىلەتۋدى قالايمىن.

كەلۋ قاينارى: حالىق تورابى