ساياسي كەڭەس مەملەكەتتىك 14 - كەزەكتى كوميتەتى تۇراقتى كوميتەتىنىڭ 9 - ءماجىلىسى جالپى جيىنىن وتكىزدى

«حالىق گازەتى»، 10 - ايدىڭ 10 – كۇنى، بەيجيڭ (ءتىلشى جياڭ جيە). ساياسي كەڭەس 14 - كەزەكتى مەملەكەتتىك كوميتەتى تۇراقتى كوميتەتىنىڭ 9 – ءماجىلىسى 10 - ايدىڭ 10 – كۇنى تۇستەن بۇرىن جالپى جيىنىن وتكىزدى. جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك ساياسي كەڭەستىڭ ءتوراعاسى ۋاڭ حۋنيڭ قاتىناستى.

ساياسي كەڭەستىڭ ليۋ جيا - ي، فاڭ گۋاڭحۋا، ساۋ ۋەيشيڭ، جاڭ ي - جيۇڭ، لي لۇڭشي، دىڭ رۇڭليڭ، لاي ميڭ، جياڭ جيانگو، حۋ سىشى، جۋ شىڭليڭ، ياڭ جىنبين، جوۋ جۇڭحى، لي چۇن، جاڭ فۋميڭ قاتارلى 14 تۇراقتى مۇشەسى ماجىلىستە لەبىز ءبىلدىردى.

ساياسي كەڭەستىڭ تۇراقتى مۇشەلەرى ءبىر اۋىزدان مىنالاردى ءبىلدىردى: باس شۋجي شي جينپيڭنىڭ جۇڭگو حالىق ساياسي ءماسليحات كەڭەسى قۇرىلعاندىعىنىڭ 75 جىلدىعىن قۇتتىقتاۋ جينالىسىندا سويلەگەن ماڭىزدى سوزىندە حالىق ساياسي كەڭەسىنىڭ ايقىن جۇڭگوشا ەرەكشەلىگى مەن كورنەكتى ساياسي ابزالدىعى تەرەڭ بايىمدالىپ، كەڭەستىك دەموكراتيانى جاپپاي دامىتۋدىڭ ماندىك ەرەكشەلىگى مەن امالياتتىق تالابى تەرەڭ بايىمدالىپ، قازىرگى جانە بۇدان بىلايعى ءبىر مەزگىلدەگى حالىق ساياسي كەڭەسى قىزمەتىن ويداعىداي ىستەۋ جونىندە جاپپاي ورنالاستىرۋ جاسالىپ، جاڭا ءداۋىردىڭ جاڭا جورىعىندا حالىق ساياسي كەڭەس ىستەرىنىڭ جوعارى ساپالى دامۋىن ىلگەرىلەتۋگە العا باسۋ بەتالىسى كورسەتىلىپ، ءتۇبىرلى تياناق ازىرلەندى. باس شۋجي شي جينپيڭنىڭ ماڭىزدى ءسوزىنىڭ رۋحىن ىشكەرىلەي ۇيرەنىپ، ءتۇسىنىپ، باس شۋجي شي جينپيڭنىڭ حالىق ساياسي كەڭەس قىزمەتىن كۇشەيتۋ جانە جاقسارتۋ جونىندەگى ماڭىزدى يدەياسىن تولىق، دالمە - ءدال، جاپپاي دايەكتىلەندىرىپ، تياناقتاندىرىپ، ”ەكىنى تۇراقتاندىرۋدىڭ“ شەشۋشى ءمانىن تەرەڭ ءتۇسىنىپ، ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، حالىق ساياسي كەڭەسىنىڭ سيپاتى مەن ورنىنا تاباندى بولىپ، ارناۋلى كەڭەس قۇرىلىمىنىڭ رولىن اناعۇرلىم ويداعىداي ساۋلەلەندىرىپ، كەڭەستىك دەموكراتيانىڭ جان - جاقتى، كوپ ساتىلى، تۇزىمدەنىپ دامۋىن ىلگەرىلەتىپ، جۇرت تىلەگىن ۇيىستىرۋ، كۇش - قۋات توپتاۋ جاعىنا زەيىن - زەردەمەن كۇش سالىپ، مەملەكەتتى قۇدىرەتتەندىرۋ قۇرىلىسىنىڭ، ۇلتتىڭ گۇلدەنۋىنىڭ ەڭ ۇلكەن سەنترلەس شەڭبەرىن ويداعىداي سىزىپ، جوعارى ساپامەن مىندەت اتقارۋ ارقىلى رەفورمانى اناعۇرلىم جاپپاي تەرەڭدەتۋگە، جۇڭگو ۇلگىسىندەگى وسىزامانداندىرۋدى ىلگەرىلەتۋگە اناعۇرلىم ويداعىداي قىزمەت ەتۋ كەرەك.

ساياسي كەڭەس تۇراقتى كوميتەتىنىڭ مۇشەلەرى سوزىندە ”مادەنيەت سەنىمىمەن ءوزىن الۋەتتەندىرۋدى ىلگەرىلەتىپ، سوتسياليستىك مادەنيەتتىڭ تىڭ شۇعىلاسىن جاراتۋ» دەگەن تاقىرىپتا اقىل - كەڭەس بەردى. كوپشىلىك مىنالاردى ءبىلدىردى: شي جينپيڭ مادەنيەت يدەياسىن ىشكەرىلەي ۇيرەنىپ، دايەكتىلەندىرىپ، نازاردى جۇڭگو كوممۋنيستىك پارتياسى 20 - كەزەكتى ورتالىق كوميتەتى ءۇشىنشى جالپى ءماجىلىسىنىڭ مادەنيەت ءتۇزىلىس، مەحانيزمى رەفورماسىن تەرەڭدەتۋ جونىندەگى كەلەلى مىندەتتەرىنە شوعىرلاندىرىپ، جۇڭگوشا سوتسياليستىك مادەنيەت قۇرىلىسىن ىلگەرىلەتىپ، جاڭا داۋىردەگى مادەنيەت بورىشىن شىنايى ارقالايمىز؛ پارمەندى ۇيىستىرۋ قۋاتى مەن جەتەكشىلىك قۋاتىنا يە سوتسياليستىك يدەولوگيا ورناتىپ، سوتسياليستىك وزەكتى قۇن كوزقاراسىن جاپپاي امالياتتا ايگىلەپ، تۇتاس قوعامنىڭ وركەنيەت دەڭگەيىن جوعارىلاتامىز؛ الەۋمەتتىك مادەنيەتكە قىزمەت وتەۋ جۇيەسىن كەمەلدەندىرىپ، الەۋمەتتىك مادەنيەتكە قىزمەت وتەۋدىڭ ساپاسى مەن ونىمدىلىگىن جوعارىلاتىپ، مادەنيەت ىستەرى مەن مادەنيەت كاسىبىن گۇلدەندىرىپ، دامىتامىز؛ جالپىلىق اقپارات قۇرالدارىنىڭ تاراتۋ جۇيەسى قۇرىلىسىن ىلگەرىلەتىپ، نەگىزگى يدەيالىق قوعامدىق پىكىردى بەكەمدەپ، زورايتامىز؛ مەكتەپتەردىڭ يدەيا - ساياسي تاربيەسىن كۇشەيتىپ جانە جاقسارتىپ، ”ۇلكەن يدەيا - ساياسي ساباعىنان“ شەبەرلىكپەن پايدالانىپ، ءداۋىردىڭ جاڭا ادامدارىن جەتىلدىرەمىز؛ قاۋىرت عىلىم جالپىلاستىرۋ قىزمەت ارناسىن قالىپتاستىرىپ، جالپى حالىقتىڭ عىلىم - مادەنيەت ساپاسىن جوعارىلاتامىز؛ مادەني ەسكەرتكىشتەر بايلىعىن وزەك ەتكەن مادەنيەت مۇرالارىن قورعاۋ، جالعاستىرۋ جۇيەسىن ورناتىپ، اقاۋسىزداندىرىپ، وركەنيەتتەردىڭ اۋىس - كۇيىسىن جانە ءوزارا ۇلگى الۋىن ىلگەرىلەتىپ، جۇڭحۋا وركەنيەتىنىڭ تاراتۋ قۋاتىن، ىقپال كۇشىن نىعايتامىز.

مەملەكەتتىك ساياسي كەڭەس ءتوراعاسىنىڭ ورىنباسارى حى باۋشياڭ ءماجىلىستى باسقاردى.

جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ مۇشەسى، مەملەكەتتىك ساياسي كەڭەس ءتوراعاسىنىڭ ورىنباسارى شى تايفىڭ، مەملەكەتتىك ساياسي كەڭەس ءتوراعاسىنىڭ ورىنباسارلارى حۋ چۇنحۋا، شىن يۋەيۋە، ۋاڭ يۇڭ، جوۋ چياڭ، حى حوۋحۋا، لياڭ جىنيىڭ، باتىر، سۋ حۇي، شاۋ حۇڭ، گاۋ يۇنلۇڭ، چىن ۋ، مۋ حۇڭ، شيان حۇي، ۋاڭ دۇڭفىڭ، ۋاڭ گۋاڭچيان، چين بويۇڭ، جۋ يۇڭشين، ياڭ جىن ماجىلىسكە قاتىناستى.

كەلۋ قاينارى: حالىق تورابى