ەمدەۋدى قامسىزداندىرۋ قاراجاتىنان بەلگىلەمەگە قايشى جۇمسالعان 16 ميلليارد 60 ميلليون يۋان قاراجاتتى قايتارىپ الدى 

2024 – جىلعى ەمدەۋدى قامسىزداندىرۋ قورىن باقىلاۋ – باسقارۋ اۋقىمى جونىندەگى اۋىس – كۇيىس ءماجىلىسى جانە كوك تىستى كىتاپتى جاريالاۋ ءماجىلىسى 10 – ايدىڭ 22 – كۇنى بەيجيڭدە اشىلىپ، «جۇڭگونىڭ ەمدەۋدى قامتاماسىزداندىرۋ قورىن باقىلاۋ – باسقارۋ ىستەرىنىڭ دامۋى تۋرالى بايانداما (2023 – 2024)» جاريالاندى.

ءتىلشىنىڭ اقپار جاريالاۋ ماجىلىسىنەن ۇعىسۋىنشا، مەملەكەتتىك ەمدەۋدى قامتاماسىزداندىرۋ مەڭگەرمەسىنىڭ ۇقتىرۋسىز تەكسەرۋى بۇكىل ەلىمىزدەگى بارلىق ولكەلەردى قامتىعان، بەلگىلەنگەن ەمدەۋ قۇرىلىمدارىنان 500 ورىن تەكسەرىلگەن. بيىل 1 – ايدان 9 – ايعا دەيىن، ەلىمىز بويىنشا ءار دارەجەلى ەمدەۋدى قامتاماسىزداندىرۋ تاراۋلارى ەمدەۋدى قامسىزداندىرۋ قاراجاتىنان بەلگىلەمەگە قايشى جۇمسالعان 16 ميلليارد 60 ميلليون يۋان اقشانى قايتارىپ العان.

كەلەسى قادامدا، مەملەكەتتىك ەمدەۋدى قامتاماسىزداندىرۋ مەڭگەرمەسى ۇقتىرۋسىز تەكسەرۋ ءورىسىن كەڭەيتۋ، وسى سالاداعىلاردىڭ ءوزىن – ءوزى تەكسەرۋى جانە وزگەرتۋدى شىنايى اتقارۋى، ىرىدەرەك ارقىلى باقىلاۋ – باسقارۋدى كۇشەيتۋ، ۇزاق مەرزىمدىك ءونىمدى مەحانيزمدى كەمەلدەندىرۋ، اشكەرەلەۋ تەبىنىن ارتتىرۋ قاتارلى جاقتاردا ۇزدىكسىز كۇش سالىپ، ەمدەۋدى قامسىزداندىرۋ قورىنىڭ حاۋىپسىزدىگىن باتىل، ويداعىداي قورعايدى.

كەلۋ قاينارى: حالىق تورابى