شي جينپيڭ قازانعا باردى

سول جەر ۋاقىتى 10 - ايدىڭ 22 - كۇنى تۇستە مەملەكەت ءتوراعاسى شي جينپيڭ ارناۋلى ۇشاقپەن قازان قالاسىنا باردى، الدا رەسەي فەدەراتسياسىنىڭ زۇڭتۇڭى پۋتيننىڭ ۇسىنىسىمەن بريكس ەلدەرى باسشىلارىنىڭ 16 - رەتكى ديدارلاسۋىنا قاتىناسادى. سۋرەتتە: شي جينپيڭ اۋەجايعا بارىپ قارسى العان رەسەي فەدەراتسياسى تاتارستان رەسپۋبليكاسىنىڭ اكىمى ميننيحانوۆپەن ىقىلاسپەن قول الىسۋدا.

سۋرەتتى شينحۋا اگەنتتىگىنىڭ ءتىلشىسى شيە حۋانچى تۇسىرگەن

«حالىق گازەتى»، 10 - ايدىڭ 22 – كۇنى، رەسەي قازان (تىلشىلەر لي جيانگۋاڭ، شيە رۇنجيا). سول جەر ۋاقىتى 10 - ايدىڭ 22 - كۇنى تۇستە مەملەكەت ءتوراعاسى شي جينپيڭ ارناۋلى ۇشاقپەن قازانعا باردى، الدا رەسەي فەدەراتسياسىنىڭ زۇڭتۇڭى پۋتيننىڭ ۇسىنىسىمەن بريكەس ەلدەرى باسشىلارىنىڭ 16 - رەتكى ديدارلاسۋىنا قاتىناسادى.

ارناۋلى ۇشاق قازان حالىقارالىق اۋەجايىنا قونعان كەزدە رەسەي فەدەراتسياسى تاتارستان رەسپۋبليكاسىنىڭ اكىمى ميننيحانوۆ، رەسپۋبليكانىڭ زۇڭليى پەسوشەن، قازان قالاسىنىڭ باستىعى مەتەشين جانە رەسەي سىرتقى ىستەر مينيسترلىگىنىڭ جوعارى دارەجەلى ءمانساپتىلارى اۋەجايدا ىستىق ىقىلاسپەن قارسى الدى. قۇرمەت قاراۋىلى قىزىل كىلەمنىڭ ەكى جاعىندا ساپ تۇزەپ قۇرمەت ءبىلدىردى، ۇلتتىق كيىم كيگەن رەسەي بويجەتكەندەرى ءداستۇرلى قۇرمەت سالتىمەن قارسى الدى.

ساي چي، ۋاڭ ي قاتارلى ساپارلاستارى وسى ۇشاقپەن بىرگە باردى.

جۇڭگونىڭ رەسەيدەگى باس ەلشىسى جاڭ حانحۇي دا اۋەجايعا بارىپ قارسى الدى.

«حالىق گازەتى»، 10 - ايدىڭ 22 – كۇنى، بەيجيڭ. 10 - ايدىڭ 22 - كۇنى تۇستەن بۇرىن مەملەكەت ءتوراعاسى شي جينپيڭ ارناۋلى ۇشاقپەن قازانعا باردى، الدا رەسەي فەدەراتسياسىنىڭ زۇڭتۇڭى پۋتيننىڭ ۇسىنىسىمەن بريكس ەلدەرى باسشىلارىنىڭ 16 - رەتكى ديدارلاسۋىنا قاتىناسادى.

شي جينپيڭگە سەرىك بولىپ جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، ورتالىق كوميتەت كەڭسە مەڭگەرمەسىنىڭ مەڭگەرۋشىسى ساي چي، جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ مۇشەسى، سىرتقى ىستەر مينيسترلىگىنىڭ مينيسترى ۋاڭ ي قاتارلىلار ساپارعا اتتاندى.

كەلۋ قاينارى: حالىق تورابى