شي جينپيڭ ۆيەتنامنىڭ جاڭادان تاعايىندالعان مەملەكەت ءتوراعاسى لياڭ چياڭعا قۇتتىقتاۋ تەلەگرامماسىن جولدادى

شينحۋا اگەنتتىگى، 10 - ايدىڭ 22 – كۇنى، بەيجيڭ. 10 - ايدىڭ 22 - كۇنى مەملەكەت ءتوراعاسى شي جينپيڭ لياڭ چياڭعا تەلەگرامما جولداپ، ونىڭ ۆيەتنام سوتسياليستىك رەسپۋبليكاسىنىڭ ءتوراعاسى بولىپ تاعايىندالعاندىعىن قۇتتىقتادى.

شي جينپيڭ بىلاي دەپ اتاپ كورسەتتى: تاياۋ جىلداردان بەرى مەن ۆيەتنامداعى باسشى جولداستارمەن تىعىز ستراتەگيالىق بايلانىستى ساقتاپ، جۇڭگو - ۆيەتنام قارىم - قاتىناسىنىڭ ستراتەگيالىق مانگە يە تاعدىرلاس ورتاق تۇلعا ورناتۋدىڭ جاڭا داۋىرىنە وتۋىنە بىرگە جەتەكشىلىك ەتتىم. بيىل 8 - ايدا باس شۋجي سۋلين جۇڭگودا ءساتتى ساپاردا بولدى، مەن ونىمەن ىشكەرىلەي پىكىرلەسىپ، جۇڭگو - ۆيەتنام تاعدىرلاس ورتاق تۇلعاسى قۇرىلىسىن تەرەڭدەتۋ جونىندە ماڭىزدى ورتاق تانىمعا كەلدىك. تاياۋدا ءسىز جۇڭگوعا ساپارلاي كەلگەنىڭىزدە، مەن سىزبەن جۇڭگو مەن ۆيەتنامنىڭ جان - جاقتى ستراتەگيالىق سەلبەستىگىن ىلگەرىلەتۋ جونىندە پىكىر اۋىستىرىپ، جۇڭگو مەن ۆيەتنامنىڭ قارىم - قاتىناسىن ستراتەگيالىق دەڭگەيدەن يگەرىپ، تۋ ۇستاپ، باعدار بەلگىلەۋ رولىن ساۋلەلەندىرىپ، ەكى جاقتى قارىم - قاتىناستىڭ دۇرىس ارنامەن العا دامۋىنا شىنايى كەپىلدىك ەتۋگە ماقۇل بولدىق. ەكى جاق ەكى پارتيانىڭ، ەكى ەلدىڭ جوعارى جىكتەگىلەرىنىڭ ورتاق تانىمىن بىرگە ويداعىداي تياناقتاندىرىپ، جۇڭگو مەن ۆيەتنامنىڭ جان - جاقتى ستراتەگيالىق سەلبەستىگىنىڭ اناعۇرلىم كوپ ناقتى جەتىستىكتەرگە قول جەتكىزۋىن ىلگەرىلەتىپ، ەكى ەلدىڭ وسىزاماندانۋ اياق الىسىنا دەم بەرۋى كەرەك. جۇڭگو جاق ۆيەتنامنىڭ ءوز ەلىنىڭ مەملەكەت جاعدايىنا ۇيلەسەتىن سوتسياليزم جولىمەن ويداعىداي ءجۇرۋىن باتىل قولدايدى، ۆيەتنام جاقتىڭ ۆيەتنام كوممۋنيستىك پارتياسىنىڭ 14 - قۇرىلتايىنا ويداعىداي دايىندالۋىن قولدايدى. مەن جۇڭگو - ۆيەتنام قارىم - قاتىناسىنىڭ دامۋىنا ايرىقشا ءمان بەرەمىن، مەملەكەت ءتوراعاسى لياڭ چياڭمەن بىرگە قۇلشىنىپ، جۇڭگو - ۆيەتنام تاعدىرلاس ورتاق تۇلعاسى قۇرىلىسىنىڭ تەرەڭدەۋىنە، ناقتىلانۋىنا جەتەكشىلىك ەتىپ، ەكى ەل حالىقتارىنا اناعۇرلىم مول ىرىس - قۇت جاراتۋدى قالايمىن.

كەلۋ قاينارى: حالىق تورابى