تيجارات نەگىزگى تۇلعالارىنا سايادى! مەملەكەتتىك دامۋ – رەفورما كوميتەتى كاسىپورىندارعا شىنايى كومەكتەسىپ، ”ەكىگە تيىم سالۋدى“ ايقىن تۇراقتاندىردى 

جاڭادان ورتاعا قويىلعان ءبىرقىدىرۋ ساياساتتار جونىندەگى ناقتى شارالار قازىر جەدەل ءارى جان – جاقتىلى تياناقتاندىرىلۋدا. مەملەكەتتىك دامۋ – رەفورما كوميتەتى 10 – ايدىڭ 23 – كۇنى مىنانى بىلدىرگەن: كاسىپورىندارعا كومەكتەسۋ تەبىنىن شىنايى ارتتىرىپ، تيجارات جۇرگىزۋ ورتاسىن بەلسەندىلىكپەن جاقسارتۋ كەرەك، بەلگىلەمەگە قايشى تۇردە سىرت جەردە زاڭ اتقارۋعا جانە پايدانى كوزدەپ زاڭ اتقارۋعا بولمايدى، الباتى اقشالاي ايىپ سالۋعا، الباتى تەكسەرۋگە، الباتى تەكسەرىپ پەشەتتەۋگە بولمايدى.

كاسىپورىندارعا قاتىستى زاڭ اتقارۋداعى ”ۇقساس دەلوعا ۇقسامايتىن جازا قولدانۋ“، ”ءبىر ءتۇرلى دەلولارعا ءار ءتۇرلى جازا قولدانۋ“ قاتارلى ماسەلەلەرگە باعىتتاي وتىرىپ، مەملەكەتتىك دامۋ – رەفورما كوميتەتىنىڭ ايتۋىنشا، مەملەكەتتىك باقىلاۋ ورگاندارىمەن، ءادىليا ورگاندارىمەن سايكەسە وتىرىپ، كەڭەسۋ – سايكەسۋ مەحانيزمىن قۇرعان، كاسىپورىندارعا ساياتىن بەلگىلەمەگە قايشى تۇردە سىرت جەردە زاڭ اتقارۋ جانە پايدانى كوزدەپ زاڭ اتقارۋ، سونداي – اق، الباتى اقشالاي ايىپ سالۋ، الباتى تەكسەرۋ، الباتى تەكسەرىپ پەشەتتەۋ قاتارلى ماسەلەلەردى شەشىم ەتۋدى ىلگەرىلەتەدى؛ سونىمەن بىرگە، قاتىستى تاراۋلارمەن جانە جەرگىلىكتى دامۋ – رەفورما جۇيەسىمەن بىرگە جەرگىلىكتى ورىننىڭ اقشالاي ايىپ سالۋدان، ءمۇسادىرالاۋدان كىرگىزگەن كىرىسىنىڭ جاعدايىنا باقىلاۋ جانە ەسكەرتۋ جۇرگىزۋدى كۇشەيتەدى.

كەلەسى قادامدا، مەملەكەتتىك دامۋ – رەفورما كوميتەتى بازاردى باقىلاۋ – باسقارۋ مەن زاڭ اتقارۋدى ءبىرتۇلعالاندىرۋدى ۇزدىكسىز ىلگەرىلەتىپ، باقىلاۋ – باسقارۋ مەن زاڭ اتقارۋ ارەكەتىنە جەتەكشىلىك ەتۋدى كۇشەيتىپ، زاڭ اتقارۋ ارەكەتىن جۇيەگە ءتۇسىرۋدى كەمەلدەندىرىپ، زاڭ اتقارۋ تاراۋلارىنىڭ ”نەنى ىستەۋىنە بولاتىنىن، نەنى ىستەۋىنە بولمايتىنىن“ ايقىن تۇراقتاندىرىپ، ءتۇرلى تيجارات نەگىزگى تۇلعالارىنىڭ الاڭسىز تيجارات جۇرگىزۋىنە شارت – جاعداي ازىرلەيدى. (باس ستانسيا ورتالىق تەلەۆيزيا تىلشىلەرى ليۋ بايشۋان، جاڭ يجين حابارلايدى)

كەلۋ قاينارى: حالىق تورابى