قاتىستى ورىندار ەگىستىك جەردى يەلەپ الۋ، زاڭسىز كەن قازۋ، ورمان مەن جايىلىمدى ءبۇلدىرۋ قاتارلى ىستەرگە بايلانىستى مىنا 14 جەردىڭ جاۋاپتىلارىن شوعىرلى تۇردە شاقىرىپ سويلەستى 

ءتىلشىنىڭ 10 – ايدىڭ 24 – كۇنى جاراتىلىستىق بايلىق مينيسترلىگىنەن ۇعىسۋىنشا، مەملەكەتتىك جاراتىلىستىق بايلىق مينيسترلىگىنىڭ باس قاداعالاۋشىسىنىڭ اماناتتاۋىمەن، مەملەكەتتىك جاراتىلىستىق بايلىق سالاسىنداعى ارناۋلى ورىنباسار باس قاداعالاۋشى 2024 – جىلى جاراتىلىستىق بايلىققا قاتىستى قاداعالاۋ قىزمەتى بارىسىندا زاڭ – تۇزىمگە قايشى كورنەكتى ماسەلەلەر بايقالعان 12 ايماق دارەجەلى قالا مەن 2 اۋدان دارەجەلى قالانىڭ (رايون) جاۋاپتىلارىن بەيجيڭگە شوعىرلى تۇردە شاقىرىپ سويلەستى.

وسى رەتكى شوعىرلى تۇردە شاقىرىپ سويلەسۋگە شاقىرىلعان جەرلەر: ىشكى موڭعۇل اۆتونوميالى رايونى تۇڭلياۋ قالاسى، لياۋنيڭ ولكەسى يىڭكوۋ قالاسى، جيلين ولكەسى چاڭچۇن قالاسى، جىجياڭ ولكەسى شاۋشيڭ قالاسى، فۋجيان ولكەسى جاڭجوۋ قالاسى، جياڭشي ولكەسى يچۇن قالاسى، حىنان ولكەسى جوۋكوۋ قالاسى، حۋبەي ولكەسى ۋحان قالاسى، گۋاڭدۇڭ ولكەسى جانجياڭ قالاسى، گۋاڭشي جۋاڭزۋ اۆتونوميالى رايونى بايسى قالاسى، سىچۋان ولكەسى داجوۋ قالاسى، گانسۋ ولكەسى لۇڭنان قالاسى قاتارلى 12 ايماق دارەجەلى قالا، سونداي – اق، لياۋنيڭ ولكەسى داليان قالاسى لۇيشۇنكوۋ رايونى، گۋيجوۋ ولكەسى چيانشينان وبلىسى شيڭ – ي قالاسى سىندى اۋدان دارەجەلى 2 قالا (رايون).

مەملەكەتتىك جاراتىلىستىق بايلىقتى قاداعالاۋ قۇرىلىمدارى بۇل جەرلەردىڭ ەگىستىك جەردى قورعاۋ جانە ەكولوگيالىق ورتانى قورعاۋ جاقتارىندا ساقتالعان كورنەكتى ماسەلەلەردى بەتپە – بەت كورسەتىپ، قاتاڭ سىنداپ، ايماق – قالا دارەجەلى ۇكىمەت ورىندارىن ماسەلەلەر مەن ونىڭ سەبەپتەرى جونىندە تەرەڭ تولعانۋعا، مۇقياتتىقپەن ساباق الىپ، ماسەلەلەردى قاتاڭ جونگە سالۋعا، وزگەرتۋگە قۋزادى.

كەلۋ قاينارى: حالىق تورابى