مەملەكەتتىك ەمدەۋدى قامسىزداندىرۋعا قاتىستى جاڭا كەزەكتى كەلىسسوز الدا باستالادى 

مەملەكەتتىك ەمدەۋدى قامتاماسىزداندىرۋ مەڭگەرمەسى 10 – ايدىڭ 24 – كۇنى جاريالاعان اقپاراتقا قاراعاندا، 2024 – جىلعى ەمدەۋدى قامسىزداندىرۋ تىزىمدىگى جونىندە بەتپە – بەت كەلىسسوز وتكىزۋ \ باسەكەلەسە باعا كورسەتۋ 10 – ايدىڭ 27 – كۇنىنەن 30 – كۇنىنە دەيىن بەيجيڭدە وتكىزىلەدى، مەجەمەن 11 – ايدا رەتتەۋ ناتيجەسى جاريالانادى، جاڭا نۇسقاداعى ءدارى – دارمەكتەر تىزىمدىگى 2025 – جىلى 1 – ايدىڭ 1 – كۇنىنەن باستاپ اتقارىلادى.

وسىنىڭ الدىندا، « مەملەكەتتىك ەمدەۋدى قامسىزداندىرۋ كولەمىندەگى ءدارى – دارمەكتەردىڭ 2024 - جىلعى تىزىمدىگىنە رەتتەۋ جۇرگىزۋ قىزمەتى جونىندەگى جوباعا» ساي، 7 – ايدىڭ 1 – كۇنى مەملەكەتتىك ەمدەۋدى قامتاماسىزداندىرۋ مەڭگەرمەسى قۇرىلعاننان بەرگى 7 – رەتكى مەملەكەتتىك ەمدەۋدى قامسىزداندىرۋ كولەمىندەگى ءدارى – دارمەكتەر تىزىمدىگىن رەتتەۋ رەسمي باستالدى، فورمالىق جاقتان تەكتەپ تەكسەرۋ، مامانداردىڭ باعالاپ تەكسەرۋى، ناتيجەسىن تۇراقتاندىرۋ باسقىشتارى ارقىلى جيىنى 162 ءتۇرلى جاپپاي پايدالانىلاتىن ءدارى – دارمەكتىڭ كەلىسسوزگە \ باسەكەلەسە باعا كورسەتۋگە قاتىناستىرىلاتىنى تۇراقتاندىرىلعان. جۋىردان بەرى، ەمدەۋدى قامسىزداندىرۋدى باسقارۋ، ءدارى – دارمەك ەكونومياسى قاتارلى جاقتارداعى مامانداردى ۇيىمداستىرىپ، جەكە – جەكە جۇمىسشى – قىزمەتكەرلەردىڭ \ تۇرعىنداردىڭ ەمدەۋدى قامسىزداندىرۋقورىنا جاسايتىن ىقپالى جانە ءدارى – دارمەك ەكونومياسى قاتارلى جاقتاردان كەلىسسوزگە \ باسەلەكەستىرە باعا كورسەتۋگە قاتىناستىرىلاتىن ءدارى – دارمەكتەرگە ءتۇيىندى تۇردە ەسەپتەۋ جۇرگىزگەن. وسى مەزگىلدە، ماماندار گرۋپپاسىنىڭ ۋاكىلدەرى بارلىق قاتىستى كاسىپورىندارمەن جەكە – جەكە سويلەسىپ، ەسەپتەۋ وي جەلىسى مەن باستى تۇيىندەر تۋرالى پىكىرلەسىپ، كاسىپورىنداردىڭ ۇسىنىس – پىكىرلەرىن تولىق تىڭداپ، ەسەپتەۋ قىزمەتىنىڭ عىلىميلىعىن، ۇيلەسىمدىلىگىن اناعۇرلىم جوعارىلاتقان.

مەملەكەتتىك ەمدەۋدى قامتاماسىزداندىرۋ مەڭگەرمەسىنىڭ تانىستىرۋىنشا، 2023 – جىلى كەلىسسوز ارقىلى ەمدەۋدى قامسىزداندىرۋ تىزىمدىگىنە جاڭادان 105 ءدارى قوسىلعان، الدىڭعى ءۇش توقساندا 7 ميلليون 978 مىڭ ادامدى (رەت) تيىمدىلىككە كەنەلتكەن، 9 – ايدا ءدارى – دارمەكتەردىڭ ساتىلىم سوماسى 1 – ايداعىدان 7 ەسە ارتقان. 6 جىلدان بەرى، كەلىسسوز ارقىلى جاڭادان 446 ءدارى تىزىمدىككە قوسىلعان، كەلىسسوز كولەمىندە ەمدەۋدى قامسىزداندىرۋ قورىنان جيىنى 340 ميلليارد يۋان جۇمسالىپ، 800 ميلليون ادامدى (رەت) تيىمدىلىككە كەنەلتكەن، قاتىستى ءدارى – دارمەكتەردەن 500 ميلليارد يۋاندىق ءدارى – دارمەكتىڭ ساتىلىمىن جەبەگەن. ساناققا قاراعاندا، قازىر ەلىمىز بويىنشا ۇكىمەت قاراستىلىعىنداعى ەمحانالار ساتىپ العان ءدارى – دارمەكتەر ىشىندە، تىزىمدىك كولەمىندە ءدارى – دارمەك ساتىپ الۋ سوماسىنىڭ سالىستىرماسى %90 تەن اسقان.

كەلۋ قاينارى: حالىق تورابى