ماڭىزدى ەسكەرتۋ! كاسىپتىك - تەحنيكالىق اتاق باعالاۋدىڭ ”جالپى بارىسىن ۋاكىلەتتىكپەن ءبىتىرۋ“، ”اقشا جۇمساپ، وتۋگە كەپىلدىك ەتۋ“ دەگەندەردىڭ بارلىعى جالعان ۇگىت

تاياۋدا، توراپتا كاسىپتىك - تەحنيكالىق اتاق باعالاۋدىڭ ”جالپى بارىسىن ۋاكىلەتتىكپەن ءبىتىرۋ“، ”اقشا جۇمساپ، وتۋگە كەپىلدىك ەتۋ“، ”دارەجە اتتاتىپ ءوتىنىش بەرۋ“، ”ىشكى بايلانىس“ سياقتى كاسىپتىك - تەحنيكالىق اتاقتى ۋاكىلدىك ٴبىتىرۋ قۇرىلىمدارى جارىققا شىقتى. بۇل قۇبىلىسقا قاراتا بەيجيڭ قالالىق ادام كۇشى بايلىعى جانە قوعامدىق قامتاماسىزداندىرۋ مەكەمەسى استە سەنبەۋدى، الدانىپ قالماۋدى ەسكەرتتى!

ماڭىزدى ەسكەرتۋ

بەيجيڭ قالالىق ادام كۇشى بايلىعى جانە قوعامدىق قامتاماسىزداندىرۋ مەكەمەسى مىنانى ەسكەرتتى: بەيجيڭ قالالىق ادام كۇشى بايلىعى جانە قوعامدىق قامتاماسىزداندىرۋ مەكەمەسى ءتۇرلى كاسىپتىك - تەحنيكالىق اتاق باعالاۋ كۋرستارىن اشپايدى ءارى ونى ءارقانداي قۇرىلىمعا مىندەتتەمەيدى. اتالمىش ”جالپى بارىسىن ۋاكىلەتتىكپەن ءبىتىرۋ“، ”اقشا جۇمساپ، وتۋگە كەپىلدىك ەتۋ“ دەگەندەردىڭ ءبارى جالعان ۇگىت، تىزىمدەلۋشىنىڭ ۋاكىلدىك باعالاۋ قۇرىلىمى ارقىلى جالعان ماتەريال ساتىپ الىپ، كاسىپتىك اتاق ءوتىنىش ەتسە، اۋىر زارداپقا تاپ بولادى.

ەگەر دانەكەر ورگاندار ”وتۋگە كەپىلدىك ەتۋ “ دەگەندى تاراتىپ ۋاكىلدىك اتاق بىتىرسە، ينتەرنەت حاۋىپسىزدىگى جانە ينفورماتسيالاندىرۋ تاراۋلارىنا، بازار باسقارۋ تاراۋلارىنا اشكەرەلەۋگە بولادى؛ اقى قايتارۋ داۋى تۋىلسا، حالىق سوت مەكەمەسىنە اقى تالاپ ەتۋ داۋى تۋرالى ارىز بەرۋىنە بولادى؛ كوپشىلىك الدامشىلىق قىلمىسىن قوعام حاۋىپسىزدىك ورگاندارىنا مالىمدەۋىنە بولادى.

ادام كۇشى بايلىعى جانە قوعامدىق قامتاماسىزداندىرۋ تاراۋلارى قوعام حاۋىپسىزدىگى، بازاردى باقىلاۋ ـ باسقارۋ، ينتەرنەت حاۋىپسىزدىگى جانە ينفورماتسيالاندىرۋ سياقتى تاراۋلارمەن سايكەسىپ، قاتىستى دانەكەر سياقتى قوعامدىق قۇرىلىمداردىڭ زاڭسىز ارەكەتتەرىن زاڭ بويىنشا جازالاپ، ءبىر جاقتى ەتىپ، جالعان توراپ بەتىن اشۋعا، جالعان ۇگىت جۇرگىزۋگە، توقتام تۇزاعىن قۇرۋعا، جالعان اتاق باعالاۋ، جالعان كۋالىك جاساۋ، ساتۋ سياقتى تارتىپكە، زاڭعا، بەلگىلەمەگە قايشى ماسەلەلەرگە قاتاڭ سوققى بەرىپ، دارىندىلاردى باعالاۋدىڭ ستيلى پاك، سالتى دۇرىس ورتاسىن كۇش سالا قالىپتاستىرادى.

قالىڭ كاسىپتىك ـ تەحنيكالىق دارىندىلاردىڭ قىراعىلىقتى ارتتىرىپ، وسەك ـ اياڭعا سەنبەۋىن، الدانىپ قالۋدان ساقتانۋىن ءۇمىت ەتەمىز!

كەلۋ قاينارى: حالىق تورابى