كوكجوتەلدەن ساقتانۋ جانە ونى تىزگىندەۋ كۇشەيتىلەدى 

شينحۋا اگەنتتىگىنىڭ ءتىلشىسى گۋ تيانچىڭ 12 – ايدىڭ 26 – كۇنى بەيجيڭنەن حابارلايدى. جۋىرداعى جىلداردان بەرى دۇنيە ءجۇزى بويىنشا جانە ەلىمىزدە كوكجوتەل ىندەتىنىڭ قايتا كوبەيۋى، ەلىمىزدە بىرنەشە ايلىق نارەستەلەر مەن وقۋ جاسىنداعى بالالار اراسىندا اۋرۋدىڭ تارالۋ حاۋپىنىڭ ءبىرشاما جوعارىلاۋى سىندى جاعدايعا بايلانىستى، بىرنەشە ايلىق بالالار مەن وقۋ جاسىنداعى بالالاردىڭ يممۋنيتەت قۋاتىن اناعۇرلىم كۇشەيتۋ ءۇشىن، مەملەكەتتىك اۋرۋدىڭ الدىن الۋ جانە ونى تىزگىندەۋ مەڭگەرمەسى قاتارلى 6 تاراۋ 2025 – جىلى 1 – ايدىڭ 1 – كۇنىنەن باستاپ، ەلىمىز كولەمىندە كوكجوتەل – بۋما – سىرەسپە ۇشەۋىنىڭ بىرلەستىرىلگەن ۆاكسيناسىن ەگۋ تارتىبىنە رەتتەۋ جۇرگىزەدى.

مەملەكەتتىك اۋرۋدىڭ الدىن الۋ جانە ونى تىزگىندەۋ مەڭگەرمەسىنىڭ تورابى 12 – ايدىڭ 26 – كۇنى جاريالاعان «مەملەكەتتىك يممۋنيتەت جوسپارىنداعى كوكجوتەل ۆاكسيناسى مەن بۋما – سىرەسپە ۆاكسيناسىنىڭ ءتارتىبىن رەتتەۋگە قاتىستى قىزمەتتەر جونىندەگى ۇقتىرۋىنا» ساي، وسى جولعى رەتتەۋدە قازىر اتقارىلىپ وتىرعان 3 ايلىق، 4 ايلىق، 5 ايلىق، 18 ايلىق بالالاردىڭ اربىرىنە جابىسپالى كلەتكاسىز كوكجوتەل – بۋما – سىرەسپە بىرلەستىرىلگەن ۆاكسيناسىن (تومەندە كوكجوتەل – بۋما – سىرەسپە ۆاكسيناسى دەلىنەدى) ءبىر رەت ەگۋ جانە 6 جاستاعى بالالارعا جابىسپالى كلەتكاسىز كوكجوتەل – بۋما – سىرەسپە بىرلەستىرىلگەن ۆاكسيناسىن ءبىر رەت ەگۋ سىندى يممۋنيتەت ءتارتىبى 2 ايلىق، 4 ايلىق، 6 ايلىق، 18 ايلىق، 6 جاستاعى بالالاردىڭ اربىرىنە كوكجوتەل – بۋما – سىرەسپە ۆاكسيناسىن ءبىر رەت ەگۋ سىندى يممۋنيتەت تارتىبىنە وزگەرتىلەدى.

كەلۋ قاينارى: حالىق تورابى