مەملەكەتتىك دامۋ جانە رەفورما كوميتەتى ورتالىقتىڭ جىلۋ ورنىنا جۇمىس بەرۋىنە 5 ميلليارد يۋان قارجى قوستى

شينحۋا اگەنتتىگىنىڭ 2 – ايدىڭ 13 – كۇنى بەيجيڭنەن بەرگەن حابارى. ءتىلشىنىڭ 2 –ايدىڭ 13 – كۇنى مەملەكەتتىك دامۋ جانە رەفورما كوميتەتىنەن ۇعىسۋىنشا، مەملەكەتتىك دامۋ جانە رەفورما كوميتەتى بىرنەشە كۇننىڭ الدىندا 2025 – جىلعى جىلۋ ورنىنا جۇمىس بەرۋگە ورتالىقتىڭ مەجە ەسەبىنەن 5 ميلليارد يۋان قارجى بوساتىپ، جەرگىلىكتى ورىنداردىڭ جىلۋ ورنىنا جۇمىس بەرۋ نىسانىنان 1008 ىن اتقارۋىنا قولداۋ كورسەتىپ، اۋىل – قىستاقتاعى كەدەيلىكتەن ارىلعان 123 مىڭ ادامدى جانە باسقا دا تومەن كىرىستى قاۋىمدى ينجەنەريا نىسانى قۇرىلىسىنا قاتىناستىرۋدى جوسپارلاعان. تاراتىلعان ەڭبەكاقىسى ءبىر ميلليارد 710 ميلليون يۋاننان استى.

وسى توپتاعى قارجى قوسۋ جوسپارىندا قيىنشىلىعى بار وڭىرلەردەگى ءتۇيىندى قاۋىمعا نازار اۋدارىلىپ، ”قيىنشىلىققا ۇشىراعاندارعا جاردەم بەرۋ“، ”اپاتتان قۇتقارۋ، شۇعىل جاعدايدان قۇتقارۋ“ كۇشەيتىلدى. قارجى نەگىزىنەن كەدەيلىكتەن ارىلعان 832 اۋدان قاتارلى دامۋى كەنجەلەگەن وڭىرلەرگە جۇمسالادى ءارى مەملەكەتتىڭ اۋىل - قىستاقتى گۇلدەندىرۋدەگى ءتۇيىندى سۇيەمەلدەنەتىن اۋداندارعا، توڭكەرىستىك بايىرعى رايوندارعا، باسقا جەرگە كوشىرۋدەن كەيىنگى سۇيەمەلدەۋ مىندەتى ءبىرشاما اۋىر، سونداي - اق جاراتىلىستىق اپاتتىڭ ىقپالىنا ءبىرشاما زور ۇشىراعان وڭىرلەرگە بەيىمدەلىپ، ەڭبەككۇش ىستەتۋ مولشەرى زور، تەحنيكالىق شارتى تومەن، قۇرىلىس ماشينالارىمەن جۇمىس ىستەۋى از اۋىل - قىستاق شاعىن نەگىزدىك قۇرىلعىلار قۇرىلىسى نىساندارىنا ءتۇيىندى تۇردە قولداۋ كورسەتىلەدى. تومەن كىرىستى بۇقارانى، اسىرەسە، اۋىل ـ قىستاقتاعى كەدەيلىكتەن ارىلعان ادامداردى، قايتا كەدەيلەسۋدەن ساقتانۋدى باقىلاۋ ـ تەكسەرۋ وبيەكتىلەرىن، اپات سەبەبىنەن كومەك قاجەت ەتەتىن ادامداردى، باسقا جەرگە كوشىرىپ كەدەيلىكتەن ارىلتقان بۇقارانى الدىمەن قابىلداپ، نىسان قۇرىلىسىنا ات سالىسىپ، ٴۇيىنىڭ ماڭىنان جۇمىسقا ورنالاستىرىپ، كىرىستى ارتتىرادى.