«باس شۋجي شي جينپيڭنىڭ ۇلت قىزمەتىن كۇشەيتۋ جانە جاقسارتۋ جونىندەگى ماڭىزدى يدەياسىن ۇيرەنۋ وقۋلىعى» باسپادان شىعىپ تاراتىلدى

شينحۋا اگەنتتىگى، 2 - ايدىڭ 13 - كۇنى، بەيجيڭ. جۇڭگو كوممۋنيستىك پارتياسى ورتالىق كوميتەتىنىڭ بىرلىكساپ قىزمەتى ءبولىمى، مەملەكەتتىك ۇلت ىستەرى كوميتەتى ۇيىمداستىرىپ قۇراستىرعان «باس شۋجي شي جينپيڭنىڭ ۇلت قىزمەتىن كۇشەيتۋ جانە جاقسارتۋ جونىندەگى ماڭىزدى يدەياسىن ۇيرەنۋ وقۋلىعىن» (قىسقاشا «وقۋلىق» دەلىنەدى) تاياۋدا حالىق باسپاسى، ۇلتتار باسپاسى بىرلەسىپ باسپادان شىعاردى، بۇكىل ەلدە تاراتىلدى.

پارتيا 18 - قۇرىلتايىنان بەرى شي جينپيڭ جولداستى ۇيىتقى ەتكەن پارتيا ورتالىق كوميتەتى ”ەكىنى ۇشتاستىرۋعا“ تاباندى بولىپ، ماركسيزمدىك ۇلت نازارياسىنىڭ جۇڭگوشالانۋىن، زامانالانۋىن ۇزدىكسىز ىلگەرىلەتىپ، جۇڭحۋا ۇلتى ورتاق تۇلعا تانىمىن بەرىك ورناتۋدى جاڭا داۋىردەگى پارتيانىڭ ۇلت قىزمەتىنىڭ نەگىزگى جەلىسى، ۇلتتىق وڭىرلەردىڭ ءتۇرلى قىزمەتتەرىنىڭ نەگىزگى جەلىسى ەتۋدى ايقىن العا قويىپ، باس شۋجي شي جينپيڭنىڭ ۇلت قىزمەتىن كۇشەيتۋ جانە جاقسارتۋ جونىندەگى ماڭىزدى يدەياسىن قالىپتاستىردى، پارتيانىڭ ۇلت قىزمەتىندە جاڭا تاريحي تابىستارعا قول جەتكىزۋگە جەتەكشىلىك ەتتى. «وقۋلىق» جالپى 14 تاراۋعا ءبولىنىپ، تاريحي ورىن، ماڭىزدى مىندەت، قىزمەت نەگىزگى جەلىسى، ماڭىزدى قامتاماسىزدىق سياقتى جاقتاردان باس شۋجي شي جينپيڭنىڭ ۇلت قىزمەتىن كۇشەيتۋ جانە جاقسارتۋ جونىندەگى ماڭىزدى يدەياسىنىڭ وزەكتى ءمانى، رۋحاني ءمانى، باي مازمۇنى جانە امالياتتىق تالابى جونىندە تۇسىنىك جاسادى.

«وقۋلىقتىڭ» باسپادان شىعۋى قالىڭ پارتيا مۇشەلەرىنىڭ، كادرلاردىڭ، بۇقارانىڭ باس شۋجي شي جينپيڭنىڭ ۇلت قىزمەتىن كۇشەيتۋ جانە جاقسارتۋ جونىندەگى ماڭىزدى يدەياسىن ىشكەرىلەي ۇيرەنىپ، بەينەت پەن زەينەتتى بىرگە وتكەرەتىن، داڭق پەن نامىستا بىرگە بولاتىن، اششى - تۇششىنى بىرگە تاتاتىن، تاعدىرلاس بولاتىن ورتاق تۇلعا ۇستانىمىن بەرىك ورناتىپ، ۇلى وتاندى، جۇڭحۋا ۇلتىن، جۇڭحۋا مادەنيەتىن، جۇڭگو كوممۋنيستىك پارتياسىن، جۇڭگوشا سوتسياليزمدى وسكەلەڭ دارەجەدە شىنايى مويىنداۋىنا ءتيىمدى.

كەلۋ قاينارى: حالىق تورابى