شى تايفىڭ بەيجيڭدە بانچان ەردەني چوجيدجەبپەن كەزدەستى

«حالىق گازەتى»، 2 - ايدىڭ 13 – كۇنى، بەيجيڭ (ءتىلشى لي چاڭيۇي). 2 - ايدىڭ 13 - كۇنى جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ مۇشەسى، ورتالىق كوميتەت بىرلىكساپ ءبولىمىنىڭ باستىعى شى تايفىڭ بەيجيڭدە بانچان ەردەني چوجيدجەبپەن كەزدەستى.

شى تايفىڭ بانچاندى جانە زاڭزۋلار وڭىرىندە تارالعان بۇددا ءدىنى سالاسىنداعى قايراتكەرلەردى زاڭزۋ كالەندىرىنداعى جاڭا جىلمەن قۇتتىقتادى، بانچاننىڭ وتكەن ءبىر جىلدا قولعا كەلتىرگەن ناتيجەلەرىن تۇراقتاندىردى، ونىڭ شي جينپيڭ جاڭا ءداۋىر جۇڭگوشا سوتسياليزم يدەياسىن دەن قويا ۇيرەنىپ، ساياسي ساپاسىن، ءبىلىم ورەسىن جانە بۇددا ءدىنى ءبىلىمىن ىشكەرىلەي جوعارىلاتىپ، ساياسي سەنىمدى بەكەمدەپ، يدەيادا، ساياسيدا، ارەكەتتە شي جينپيڭ جولداستى ۇيىتقى ەتكەن پارتيا ورتالىق كوميتەتىمەن باستان - اياق وسكەلەڭ ءبىر اۋىزدىلىقتى ساقتاۋىن، جۇڭحۋا ۇلتى ورتاق تۇلعا تانىمىن سانالىلىقپەن بەرىك ورناتىپ، جۇڭحۋا ۇلتى ورتاق تۇلعا قۇرىلىسىنا بەلسەنە ات سالىسۋىن، ەلىمىزدە ءدىندى جۇڭگوشالاندىرۋدى جۇيەلى ىلگەرىلەتۋ، ءدىن ىستەرىن زاڭمەن باسقارۋدى كۇشەيتۋ جاقتارىندا بەلسەندى رول اتقارۋىن ءۇمىت ەتتى.

بانچان مىنانى ءبىلدىردى: زاڭزۋلار وڭىرىندە تارالعان بۇددا ءدىنى سالاسىنىڭ وتاندى ءسۇيۋ، ءدىندى ءسۇيۋ داستۇرىنە مۇراگەرلىك ەتەمىن جانە ونى ساۋلەلەندىرەمىن، باستان – اياق باتىلدىقپەن وتاننىڭ تۇتاستىعى مەن ۇلتتار ىنتىماعىن قورعايتىن، جۇڭگو كوممۋنيستىك پارتياسىنىڭ باسشىلىعىن قولدايتىن وتانشىل بولامىن.

كەلۋ قاينارى: حالىق تورابى