وقۋ – اعارتۋ مينيسترلىگى ەمتيحان الۋ، وقۋشى قابىلداۋ، تاربيەلەۋ قۇرىلىمدارىن جونگە سالۋ تەبىنىن ارتتىردى

وقۋ – اعارتۋ مينيسترلىگى تاياۋدا «2025 – جىلعى جاي جوعارى مەكتەپتەرگە وقۋشى قابىلداۋ قىزمەتىن ويداعىداي ىستەۋ جونىندەگى ۇقتىرۋدى» باسىپ تاراتىپ، 2025 – جىلعى جاي جوعارى مەكتەپتەرگە وقۋشى قابىلداۋ قىزمەتى جونىندە ورنالاستىرۋ جاساپ، دامۋ مەن حاۋىپسىزدىكتى اناعۇرلىم ويداعىداي ءبىر تۇتاس جوسپارلاپ، جوعارى مەكتەپ ەمتيحانى رەفورماسىن اناعۇرلىم تەرەڭدەتىپ، جۇيەلى باسقارۋدى كۇشەيتىپ، ەمتيحان الۋ، وقۋشى قابىلداۋ قىزمەتىنىڭ حاۋىپسىز، ورنىقتى، ءتارتىپتى بولۋىنا كەپىلدىك ەتۋدى تالاپ ەتتى.

«ۇقتىرۋدا» مىنالار ورتاعا قويىلدى: وقۋشى قابىلداۋدىڭ، تەڭ دە ءادىل بولۋىن شىنايى قورعاپ، جوعارى مەكتەپتەردىڭ وقۋشى قابىلداۋداعى ءوزىن - ءوزى باقىلاۋ مەحانيزمىن اقاۋسىزداندىرىپ جانە كەمەلدەندىرىپ، مەكتەپتەردىڭ وقۋشى قابىلداۋ كوميتەتى قۇرىلىسىن كۇشەيتىپ، كوپ تاراۋ قاتىناسۋ، ءوزارا باقىلاۋ، تەجەۋ مەحانيزمىن كەمەلدەندىرۋ كەرەك. جەر ـ جەر، جوعارى مەكتەپتەر قوعامنىڭ باقىلاۋىن ىرىقتىلىقپەن قابىلداپ، ينفورماتسيانى جاريا ۇستاۋ كولەمىن، مازمۇنىن، ءتاسىلىن اناعۇرلىم ساپالىلاندىرىپ، قوعامدىق باقىلاۋ، اشكەرەلەۋ ارناسىن ىركىلىسسىزدەندىرۋ كەرەك.

«ۇقتىرۋدا» مىنالار باسا دارىپتەلدى: ەمتيحان الۋ، وقۋشى قابىلداۋ، كۋرس قۇرىلىمدارىن جونگە سالۋ تەبىنىن ارتتىرۋ كەرەك. جەر - جەردىڭ وقۋ - اعارتۋ اكىمشىلىك تاراۋلارىنىڭ، وقۋشى قابىلداۋ، ەمتيحان الۋ قۇرىلىمدارىنىڭ جانە ولاردىڭ قىزمەتكەرلەرىنىڭ جانە جوعارى مەكتەپتەردىڭ، تولىق ورتا ساتىسىنداعى مەكتەپتەردىڭ جانە ولاردىڭ وقىتۋشىلارىنىڭ ءار قايسى فورماداعى ەمتيحان الۋ، وقۋشى قابىلداۋ، كۋرس قيمىلدارىن جانە تالاپ كەستەسىن تولتىرۋعا اقىلى قىزمەت وتەۋىن ۇيىمداستىرۋىنا نەمەسە وعان قاتىناسۋىنا بولمايدى؛ وقۋ - اعارتۋ اقىل - كەڭەس بەرۋ قۇرىلىمدارىنىڭ، مەكتەپ سىرتىنداعى كۋرس قۇرىلىمدارىنىڭ نەمەسە جەكەلەردىڭ مەكتەپكە كىرىپ ەمتيحان الۋ، وقۋشى قابىلداۋ، اقىل - كەڭەس بەرۋ جانە جارناما جاريالاۋ، ۇگىتتىك قيمىلدارىن ورىستەتۋىنە جول بەرىلمەيدى؛ ەمتيحان بەرۋشىلەر مەن اتا - انالارعا قاتىستى قۇرىلىمداردىڭ نەمەسە جەكەلەردىڭ قاتىستى قيمىلدارىن ۇگىتتەۋگە، تانىستىرۋعا بولمايدى. جەر - جەر قوعامدىق كۋرس قۇرىلىمدارىنىڭ نەمەسە جەكەلەردىڭ ەمتيحان الۋ، وقۋشى قابىلداۋ، اقىل - كەڭەس بەرۋدى ورىستەتۋىن ارناعا ءتۇسىرىپ جونگە سالۋدى كۇشەيتىپ، جالعان ۇگىت، باعا الدامشىلىعى، ەمتيحاندا قارالىق ىستەۋگە ۇيىمداستىرۋ نەمەسە قاتىناسۋ، ەمتيحان الۋ، وقۋشى قابىلداۋ تارتىبىنە كەدەرگىلىك جاساۋ، ونى ءبۇلدىرۋ سياقتى بەلگىلەمەگە، زاڭعا قايشى ارەكەتتەرگە قاتاڭ سوققى بەرۋ كەرەك.

كەلۋ قاينارى: حالىق تورابى