حاينان ەركىن ساۋدا پورتى وزەكتى ساياساتىنىڭ تياناقتاندىرىلۋىن جەدەل ىلگەرىلەتتى (سەنىمدى بەكەمدەپ، رەفورمانىڭ، دامۋدىڭ تىڭ ءورىسىن اشايىق)

شياۋچانتان كەمەجايىن كەڭەيتىپ سالۋ قۇرىلىسىنىڭ ناق مايدانىندا بيىكتىگى كىسى بويىنداي كەلەتىن، ءبىر كيلومەتر ۇزىندىقتاعى قۇبىر جولى تەڭىزدەن قۇرلىققا دەيىن سوزىلىپ، 300 دەن استام قۇرىلىس جۇمىسشىسى سۋ مەن قۇرلىقتىڭ ەكى جۇمىس ورنىنان قاتار ىلگەرىلەپ، 140 مىڭ شارشى مەتردەن استام جۇمىس الاڭىنا سەمەنت قاتىرىلىپ بولدى.

”پورت كولشىگىن ارشۋ جانە تاياز سۋ تازالاۋ قىزمەتى ەڭ سوڭعى شەشۋشى كەزەڭگە ءوتتى، ياڭپۋ پورتىنىڭ كەڭەيتىپ سالىنعان كەمەتۇراعى وندىرىسكە قوسىلىپ، جۇمىس جۇرگىزۋگە ساناۋلى كۇن قالدى“ دەپ تانىستىردى حاينان كەمەجاي شەكتى سەرىكتەستىگى ياڭپۋ ورتالىق پورتتى كەڭەيتىپ سالۋ ينجەنەريا نىسانىنىڭ جاۋاپتىسى وۋ جىۋاڭ.

2024 - جىلى 12 - ايدا باس شۋجي شي جينپيڭ حاينان ولكەلىك پارتكوم مەن ولكەلىك ۇكىمەتتىڭ قىزمەت مالىمەتىن تىڭداعاندا بىلاي دەپ باسا دارىپتەدى: ”نازاردى ساۋدا، قارجى قوسۋ، شەكارا اتتاعان قارجى اينالىمى، ادامداردىڭ كىرىپ - شىعۋى، تاسىمال بارىس - كەلىسى ەركىندىگىن، قولايلىلىعىن جانە ساندى مالىمەتتىڭ حاۋىپسىز، ءتارتىپتى اينالىمىن جۇزەگە اسىرۋعا شوعىرلاندىرىپ، حالىقارالىق جوعارى دەڭگەيدەگى ەكونوميكا - ساۋدا ەرەجەسىنە تۋرالانىپ، ءتۇزىم سيپاتتى ەسىك اشۋدى زور كۇشپەن ىلگەرىلەتىپ، بازارلانعان، زاڭمەن باسقارىلاتىن، حالىقارالانعان بىرەگەي شارۋاشىلىق - ساۋدا ورتاسىن تۇلعالاۋ كەرەك“. ”حاينان ەركىن ساۋدا پورتى وزەكتى ساياساتىنىڭ تياناقتاندىرىلۋىن جەدەل ىلگەرىلەتىپ، ءتۇرلى دايىندىق قىزمەتتەرىن دەن قويا ويداعىداي ىستەپ، كەدەندى جابىق كۇيدە جۇرگىزۋ جۇمىسىنىڭ ورنىقتى، ءتارتىپتى بولۋىنا شىنايى كەپىلدىك ەتۋ كەرەك“.

بيىل جىل باسىندا حاينان ولكەلىك پارتكوم بۇكىل ولكەدەگى ەركىن ساۋدا پورتىنىڭ كەدەندىك جابىق جۇمىس جۇرگىزۋىن ىلگەرىلەتۋ جينالىسىن اشىپ، كەدەندىك جابىق جۇمىس جۇرگىزۋ ”اتويشىسىن“ ىسكە قوستى.

ياڭپۋ پورتىندا تۇيىندە سىناق ەتۋ ساياساتىنىڭ تياناقتانۋىنا ىلەسە، العاشقى ساۋدا اسەر وسى ارادان بۇكىل ولكەگە قاراي بەت الدى ءارى كولەمدىك اسەر تۋدىردى: جاڭا ماتەريال، تەڭىزدەگى جەل ەلەكترىنىڭ جاڭا ەنەرگياسى، بيولوگيالىق ءدارى - دارمەك، استىق، ماي، ازىق - تۇلىك مانەرلەۋ سياقتى كوپ ءتۇرلى كاسىپ كۇيىنىڭ دامۋىنا بايلانىستى، حايناننىڭ تۇڭعىش 100 ميلليارد يۋاندىق وزىق جاساۋ كاسىپ سالاسى شوعىرى جەدەل ەڭسە كوتەردى.

”جاڭادان كەڭەيتىپ سالىنعان 200 مىڭ توننالىق كەمەجايعا دۇنيە جۇزىندەگى ەڭ ۇلكەن تيەۋىش قوراپتى كەمە توقتاي الادى، سونىمەن بىرگە، 150 مىڭ توننالىق تاعى ءبىر كەمەجاي تىڭنان قوسىلادى“. ياڭپۋ قاتىناس كەمەجاي مەكەمەسى زات اينالىمى ءبولىمىنىڭ قىزمەتكەرى ما چىنلۇڭ بىلاي دەدى: بيىل ياڭپۋ كەمەجايى ”دوستار شەڭبەرىن“ ۇزدىكسىز كەڭەيتىپ، 54 تيەۋىش قوراپتى كەزەكشى كەمە لەنياسىن ورنىقتى جۇرگىزۋمەن بىرگە، گۋاڭدۇڭ - شياڭگاڭ - اۋمىن ۇلكەن شىعاناق رايونىمەن ىرىقتى تۇردە ۇشتاسىپ، شىكوۋ كەمەجايىمەن، جانجياڭ كەمەجايىمەن ”قاتارلاسا جۇرەتىن پورت“ زات اينالىمى ۇلگىسىن سىناق رەتىندە اتقارادى.

ليڭشۇي اۋدانى سيفرلى جاڭا قۇرىلىس، كاسىپ سالاسى جاڭا تۇعىرى، شەكارا اتتاعان جاڭا تىزبەك جولىن جەتەكشى ەتىپ، تەڭىز استى اقىل - پاراسات ەسەپتەۋ تۇعىرىن العا قويدى، 2024 - جىلى سيفرلى مادەنيەت كاسىپ سالاسى ”0 دەن 1 گە دەيىنگى“ قامال الۋدى جۇزەگە اسىردى، شەشۋشى بولىكتەردىڭ شارۋاشىلىق كىرىسى سايكەس مەزگىلدەگىدەن %66 ارتتى.

”قازىر كوپتەگەن ولكە دارەجەلى تاراۋلار جالپى بارىسقا نازار اۋدارىپ، قولداۋ كورسەتىپ جانە قىزمەت وتەپ وتىر“. ليڭشۇي اۋداندىق پارتكومنىڭ شۋجيى ۋ حايفىڭ تانىستىرىپ بىلاي دەدى: حاينان ولكەلىك ادام كۇشى بايلىعى جانە قوعامدىق قامتاماسىزداندىرۋ مەڭگەرمەسى، قوعام حاۋىپسىزدىگى مەڭگەرمەسى، عىلىم – تەحنيكا مەڭگەرمەسى سياقتى تاراۋلار ناق مايدانعا بارىپ، شەتەلدىك قىزمەتكەرلەرگە ەڭبەكاقى بەرۋ، شەكارادان كىرۋ ۆيزاسىنىڭ ۋاقىت شەگى سياقتى ماسەلەلەردى ناقتى شەشتى، ونەركاسىپ جانە ينفورماتسيالاندىرۋ مەڭگەرمەسى ساندى مالىمەت كاسىپ سالاسى نىساندارىنىڭ تياناقتانۋىن تۇيىندە سىناق ەتۋگە ۇيىمداستىردى، وقۋ – اعارتۋ مەڭگەرمەسى باعىتتامالى كومەكتەسەتىن جوعارى مەكتەپتەردىڭ ستۋدەنتتەرىن باقشاعا پراكتيكاعا كىرۋگە ۇيىمداستىردى، ساۋدا ىستەرى مەڭگەرمەسى شەكارا اتتاعان ەلەكتروندىق ساۋدا جالپىلىق سىناق رايونىنىڭ ءوتىنىش بەرۋىنە سايكەستى قولداۋ كورسەتتى.

بىرنەشە كۇننىڭ الدىندا حاينان ولكەسى وتكەلدى جابىق ۇستاۋ جۇمىسىندا بار كۇشپەن جەڭىسكە جەتۋدىڭ العاشقى قامال الۋ قىزمەتى ءماجىلىسىن اشىپ، ۋاقىت مەزەتىن تىعىز ارقاۋ ەتىپ، ءتۇرلى ءادىس - امالمەن مىعىم كۇش جەتىلدىرىپ، ساياساتتى تياناقتاندىرىپ، ونىمدىلىككە قول جەتكىزۋ، سىناۋ - جاتتىعۋ جانە زەرتتەۋ، ساپالىلاندىرۋ جاعىنا كۇش سالىپ، وتكەلدى جابىق ۇستاۋ جۇمىسىنىڭ ونىمدىلىگىن ەكونوميكانىڭ جوعارى ساپالى دامۋىندا ايگىلەۋدى ورتاعا قويدى.

كەلۋ قاينارى: حالىق تورابى