14 - كەزەكتى مەملەكەتتىك حالىق قۇرىلتايى تۇراقتى كوميتەتىنىڭ 14 - ءماجىلىسى بەيجيڭدە جابىلدى

«حالىق گازەتى»،2 - ايدىڭ 25 - كۇنى بەيجيڭ (ءتىلشى پىڭ بو). 14 - كەزەكتى مەملەكەتتىك حالىق قۇرىلتايى تۇراقتى كوميتەتىنىڭ 14 - ءماجىلىسى 2 - ايدىڭ 25 - كۇنى تۇستەن بۇرىن بەيجيڭدەگى حالىق سارايىندا جابىلدى. كوميتەت باستىعى جاۋ لىجي ءماجىلىستى باسقاردى.

تۇراقتى كوميتەت قۇرامىنداعىلاردان 161 ادام ماجىلىسكە قاتىناستى، ماجىلىسكە قاتىناسقان ادام سانى زاڭدا بەلگىلەنگەن ادام سانىنا ۇيلەسەدى.

ءماجىلىس مەملەكەتتىك حالىق قۇرىلتايى تۇراقتى كوميتەتىنىڭ قىزمەت بايانداماسى نۇسقاسىن پرينسيپتىك جاقتان ماقۇلدادى. كوميتەت باستىقتارى ءماجىلىسى كوميتەت باستىعى جاۋ لىجيدى تۇراقتى كوميتەت اتىنان مەملەكەتتىك 14 - كەزەكتى حالىق قۇرىلتايىنىڭ 3 - ماجىلىسىنە قىزمەتتەن بايانداما جاساۋعا ۇسىنىس ەتتى.

ءماجىلىس مەملەكەتتىك حالىق قۇرىلتايى تۇراقتى كوميتەتى ۋاكىلدەردىڭ تولىمدىلىعىن تەكسەرۋ كوميسسياسىنىڭ ءىشىنارا ۋاكىلدەردىڭ ۋاكىلدىك تولىمدىلىعى جونىندەگى بايانداماسىن داۋىسقا سالىپ ماقۇلدادى.

ءماجىلىس داۋىسقا سالۋ ارقىلى لوۋ ياڭشىڭدى مەملەكەتتىك حالىق قۇرىلتايى وقۋ - اعارتۋ، عىلىم - تەحنيكا، مادەنيەت، دەنساۋلىق ساقتاۋ كوميتەتىنىڭ ورىنباسار مەڭگەرۋشى مۇشەلىگىنە، ۋاڭ مىڭحۇيدى مەملەكەتتىك حالىق قۇرىلتايى ورتا جانە بايلىقتى قورعاۋ كوميتەتىنىڭ ورىنباسار مەڭگەرۋشى مۇشەلىگىنە تاعايندادى؛ لي گاۋدى مەملەكەتتىك حالىق قۇرىلتايى ورتا جانە بايلىقتى قورعاۋ كوميتەتىنىڭ ورىنباسار مەڭگەرۋشى مۇشەلىگىنەن قالدىردى؛ جاڭ شينميندى مەملەكەتتىك حالىق قۇرىلتايى تۇراقتى كوميتەتىنىڭ ورىنباسار باس حاتشىلىعىنا تاعايىندادى .

ءماجىلىس داۋىسقا سالۋ ارقىلى گاۋ شياۋليدى ەڭ جوعارى حالىق سوتى مەكەمەسىنىڭ ورىنباسار باستىقتىعىنا تاعايىندادى.

ءماجىلىس تاعى باسقا دا مىندەتكە تاعايىنداۋ، مىندەتىنەن قالدىرۋ جوباسىن داۋىسقا سالىپ ماقۇلدادى.

ءماجىلىس 14 - كەزەكتى مەملەكەتتىك حالىق قۇرىلتايى 3 - ءماجىلىسىنىڭ كەڭەستىك ءتارتىپ جوباسىن، ءتوراعالار القاسى مەن باس حاتشى ەسىمدىگى جوباسىن داۋىسقا سالىپ ماقۇلداپ، 14 - كەزەكتى مەملەكەتتىك حالىق قۇرىلتايى 3 - ءماجىلىسىنىڭ دايىندىق جيىنىنىڭ قاراۋىنا ۇسىنۋدى ۇيعاردى؛ 14 - كەزەكتى حالىق قۇرىلتايى ءۇشىنشى ماجىلىسىنە سىرتتاي قاتىناساتىنداردىڭ ەسىمدىگى سياقتىلاردى داۋىسقا سالىپ ماقۇلدادى.

مەملەكەتتىك حالىق قۇرىلتايى تۇراقتى كوميتەتى باستىعىنىڭ ورىنباسارلارى لي حۇڭجۇڭ، ۋاڭ دۇڭميڭ، شياۋ جيە، جىڭ جيانباڭ، ديڭ جۇڭلي، حاۋ ميڭجين، ساي دافىڭ، حى ۋەي، ۋ ۋەيحۋا، تيە نيڭ، پىڭ چيڭحۋا، جاڭ چيڭۋەي، لوساڭ جياڭسۇن، شوكىرات زاكىر، باس حاتشى ليۋ چي ماجىلىسكە قاتىناستى.

مەملەكەتتىك كەڭەستىڭ مۇشەسى ۋ جىڭلۇڭ، ەڭ جوعارى حالىق سوتى مەكەمەسىنىڭ باستىعى جاڭ جۇن، ەڭ جوعارى حالىق پروكۋراتۋراسىنىڭ باس پروكۋرورى يىڭ يۇڭ، مەملەكەتتىك باقىلاۋ - تەكسەرۋ كوميتەتىندەگى جاۋاپتى جولداس، مەملەكەتتىك حالىق قۇرىلتايى ارناۋلى كوميتەتتەرىنىڭ مۇشەلەرى، ولكەلىك، اۆتونوميالى رايوندىق، توتە قاراستى قالالىق حالىق قۇرىلتايى تۇراقتى كوميتەتتەرىندەگى جاۋاپتى جولداستار، تەتە ولكە دارەجەلى قالالىق حالىق قۇرىلتايى تۇراقتى كوميتەتتەرىندەگى ءبىر ءبولىم نەگىزگى جاۋاپتى جولداستار، قاتىستى تاراۋلارداعى جاۋاپتى جولداستار قاتارلىلار ماجىلىسكە سىرتتاي قاتىناستى.

جابىلۋ جيىنىنان كەيىن مەملەكەتتىك 14 - كەزەكتى حالىق قۇرىلتايىنىڭ تۇراقتى كوميتەتى 15 - رەتكى ارناۋلى تاقىرىپتاعى لەكسياسىن وتكىزدى، كوميتەت باستىعى جاۋ لىجي باسقاردى. ورتالىق قوعامدىق قىزمەت ءبولىمى باستىعىنىڭ ورىنباسارى ليۋ جىڭ «باس شۋجي شي جينپيڭنىڭ ماڭىزدى بايىمداۋلارىن ىشكەرىلەي ۇيرەنىپ، دايەكتىلەندىرىپ، نەگىزگى ساتىنى باسقارۋدى وسىزامانداندىرۋدى تىڭعىلىقتى ىلگەرىلەتەيىك» دەگەن تاقىرىپتا لەكسيا جاسادى.

كەلۋ قاينارى: حالىق تورابى