الدىڭعى لەكتەگى جاڭادان گۇلدەنگەن سالالارداعى عىلىم - تەحنيكادا جاڭالىق اشۋدى كۇش سالا ىلگەرىلەتىپ، جاڭاشا وندىرگىش كۇشتەردى اناعۇرلىم ويداعىداي جەتىلدىرىپ، جوعارى ساپالى دامۋدى ىلگەرىلەتۋ كەرەك

شينحۋا اگەنتتىگى، 2 - ايدىڭ 25 – كۇنى، بەيجيڭ (ءتىلشى زوۋ ۋەي). جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەستىڭ زۇڭليى لي چياڭ 2 - ايدىڭ 25 - كۇنى جۇڭگو تەلەگرابىنا، جۇڭگو بىرلەسپە حابارلاسۋىنا، جۇڭگو جىلجىمالى حابارلاسۋىنا قاراستى كاسىپورىندارعا بارىپ عىلىم - تەحنيكادا جاڭالىق جاراتۋ قىزمەتىنە تەكسەرۋ - زەرتتەۋ جۇرگىزدى. ول بىلاي دەپ باسا دارىپتەدى: باس شۋجي شي جينپيڭنىڭ عىلىم - تەحنيكادا قۋاتتى ەل قۇرۋ جونىندەگى ماڭىزدى بايىمداۋىن ىشكەرىلەي دايەكتىلەندىرىپ، الدىڭعى لەكتەگى جاڭادان گۇلدەنگەن سالالاردى كوزدەي وتىرىپ، عىلىم - تەحنيكادا جاڭالىق اشۋدى كۇش سالا ىلگەرىلەتىپ، بيىك تۇرعىنى قۇلشىنا يەلەپ، ىرىقتىلىقتى يگەرىپ، عىلىم - تەحنيكادا جاڭالىق اشۋ ارقىلى كاسىپ سالاسىندا جاڭالىق اشۋعا جەتەكشىلىك ەتىپ، جاڭاشا وندىرگىش كۇشتەردى اناعۇرلىم ويداعىداي جەتىلدىرىپ، جوعارى ساپالى دامۋدى ىلگەرىلەتۋ كەرەك.

لي چياڭ الدىمەن جۇڭگو تەلەگرابى تيان - ي بۇلت عىلىم - تەحنيكا شەكتى سەرىكتەستىگىنە كەلىپ، تيان - ي بۇلت قۇرىلىسى، كۆانتتىق حابارلاسۋدىڭ دامۋى سياقتىلار جونىندەگى تانىستىرۋلاردى تىڭدادى. لي چياڭ بىلاي دەپ اتاپ كورسەتتى: قازىر جاڭا كەزەكتى عىلىم - تەحنيكا توڭكەرىسى مەن كاسىپ سالاسى وزگەرىسى توڭىرەگىندەگى باسەكە ءتىپتى دە شيەلەنىستى، ءسوز جوق، دەربەس جاڭالىق اشۋدى تاباندىلىقپەن ىلگەرىلەتىپ، ءتۇيىندى سالالاردى زەرتتەۋ - اشۋ، ورنالاستىرۋدى جەدەلدەتىپ، ءتول جاسامپازدىق، جەتەكشىلىك سيپاتتى تەحنيكالاردان قامال الۋدى جەدەلدەتۋ كەرەك. سۇرانىستى باعدار ەتۋدى كورنەكتىلەندىرىپ، قولدانۋدى جەتەكشى ەتىپ، جاڭا تەحنيكانىڭ ءار سالامەن توعىسا جاڭالىق اشۋىن ىلگەرىلەتىپ، كاسىپ سالاسىنىڭ تيبىن جاڭالاپ، دارەجەسىن جوعارىلاتۋعا جاڭا قوزعاۋشى قۋات ۇستەۋ كەرەك.

ليانتۇڭ ساندى مالىمەت زەردەلى شەكتى سەرىكتەستىگىندە لي چياڭ ونەركاسىپ ينتەرنەتىنىڭ دامۋى، ينتەرنەت حاۋىپسىزدىگى قۇرىلىسى سياقتىلار جونىندەگى مالىمەتتەردى تىڭدادى. لي چياڭ بىلاي دەپ اتاپ كورسەتتى: سيفرلى ەكونوميكا مەن ناقتى ەكونوميكانىڭ ىشكەرىلەي توعىسۋىن جەبەۋدى كوزدە ۇستاي وتىرىپ، جاڭاشا نەگىزدىك قۇرىلعى قۇرىلىسىن كۇشەيتىپ، ۇشان - تەڭىز ساندى مالىمەت پەن مول قولدانىلمالى كورىنىس سياقتى باسىمدىقتاردان ويداعىداي پايدالانىپ، ۇلگى كورسەتۋ رولىن ساۋلەلەندىرىپ، ورتا، شاعىن كاسىپورىنداردىڭ سيفرلاندىرۋ جاعىنان دەم بەرۋى ارناۋلى ارەكەتىن ويداعىداي اتقارىپ، اناعۇرلىم جاقسى كاسىپ سالاسى ەكولوگياسىن جاراتىپ، اناعۇرلىم جوعارى قۇنمەن ەكونوميكالىق دامۋدىڭ جاڭا كەڭىستىگىن كەڭەيتۋ كەرەك.

جۇڭگو جىلجىمالى حابارلاسۋىنىڭ جاڭالىق اشۋ ورتالىعىندا لي چياڭ 6G تەحنيكاسىن زەرتتەپ اشۋ، قولدانۋ، ەسەپتەۋ قۋاتى توراپتىق ورنالاستىرۋ تۇعىرىنىڭ قۇرىلىسى سياقتى جاعدايلاردى ۇعىستى. لي چياڭ بىلاي دەدى: 5G دى كولەمدەندىرىپ قولدانۋدى جەدەلدەتۋمەن بىرگە، 6G تەحنيكاسىن زەرتتەۋ مەن ولشەمدى زەرتتەپ جاساۋدى جەدەل ىلگەرىلەتىپ، الدىڭعى قاتارداعى ابزالدىقتى بەكەمدەۋ جانە كەڭەيتۋ كەرەك. ەسەپتەۋ قۋاتى بايلىعىنىڭ ورنالاسۋىن بەلسەنە ساپالىلاندىرىپ، پايدالانۋ ونىمدىلىگىن جوعارىلاتىپ، كەڭ كولەمدە قابىلداۋدى ىلگەرىلەتىپ، ەسەپتەۋ قۋاتىنداعى قامداۋ مەن قاجەتسىنۋدىڭ سايكەسپەۋى سياقتى ماسەلەلەردى ويداعىداي شەشىپ، حالىقتىق كاسىپورىندارعا، ورتا، شاعىن كاسىپورىندارعا اناعۇرلىم جاقسى قىزمەت وتەۋ جانە تىرەك ازىرلەۋ كەرەك.

تەكسەرۋ - زەرتتەۋ بارىسىندا لي چياڭ اڭگىمە ءماجىلىسىن اشتى. جۇڭگو تەلەگرابىنداعى، جۇڭگو بىرلەسپە حابارلاسۋىنداعى، جۇڭگو جىلجىمالى حابارلاسۋىنداعى جاۋاپتى جولداستاردىڭ ءسوزىن تىڭداعاننان كەيىن لي چياڭ بىلاي دەپ اتاپ كورسەتتى: قازىر جاساندى زەردە سياقتى وزىق تەحنيكالار جەدەل دامىپ، دۇنيە جۇزىنە تەرەڭ وزگەرىس اكەلۋدە. جاڭا جاعداي، جاڭا مىندەت، جاڭا تالاپ الدىندا، 3 كاسىپورىن جاۋاپكەرشىلىك سەزىمىن، كوكەي تەستىلىك سەزىمىن شىن مانىندە كۇشەيتىپ، جاڭالىق اشۋ ارقىلى دامۋعا دەم بەرۋگە تاباندى بولىپ، اناعۇرلىم زور تابىستارعا قول جەتكىزۋگە كۇش سالىپ، كاسىپورىنداردى الۋەتتەندىرۋگە، ساپالىلاندىرۋعا، ۇلعايتۋعا اناعۇرلىم بەرىك نەگىز قالاپ، ەلىمىزدىڭ جوعارى دەڭگەيدەگى عىلىم - تەحنيكادا ءوز كۇشىنە سۇيەنۋدى، ءوزىن الۋەتتەندىرۋدى جۇزەگە اسىرۋىنا، جاڭادان گۇلدەنگەن كاسىپ سالالارىن دامىتىپ، زورايتۋىنا اناعۇرلىم پارمەندى تىرەك ازىرلەۋى كەرەك. ورايدى بەلسەنە مىقتى يگەرىپ، جاڭا بۋىن ينفورماتسيالىق حابارلاسۋ تەحنيكاسىن كۇش سالا دامىتىپ، ”جاساندى زەردە + دى“ ىشكەرىلەي ىلگەرىلەتىپ، جاساۋ كاسىبىنىڭ سيفرلانىپ تۇرلەنۋىن جەبەپ، سان سالالى كاسىپتى دامىتۋ كەرەك. ۇزدىكسىز قامال الىپ، نازاردى ولقىلىقتارعا، ءالسىز تۇستارعا شوعىرلاندىرىپ، ۇسىنىلىم تەبىنىن ارتتىرىپ، ءتۇيىندى مىندەتتەردى جەدەل ىلگەرىلەتىپ، اناعۇرلىم كوپ ماندىك ىلگەرىلەۋشىلىككە ەرتەرەك قول جەتكىزۋ كەرەك. رەفورمانى تەرەڭدەتىپ، ومىرشەڭدىك كۇشكە دەم بەرىپ، ەڭبەكاقى مامىلەسى، جەتىستىكتەردى كادەگە جاراتۋ، عىلمي زەرتتەۋدى ۇيىمداستىرۋ ءتاسىلى سياقتى جاقتاردا ىزدەنىستى كۇشەيتىپ، عىلىم - تەحنيكا قىزمەتكەرلەرىنىڭ بەلسەندىلىگىن، جاسامپازدىعىن جۇمىلدىرۋ كەرەك. جەتەكشىلىك رولدى ساۋلەلەندىرىپ، سەلبەسىپ جاڭالىق اشۋ مەن كاسىپ سالاسى سەلبەستىگىن ۇيىمداستىرۋشى بولىپ، قولدانىس ورتاسىن اشىپ، بىرلەسىپ زەرتتەۋ - اشۋدى كۇشەيتىپ، نەگىزدىك تىرەكتى ويداعىداي ىستەپ، جوعارى، تومەنگى اعارداعى كاسىپورىنداردى، اسىرەسە، ورتا، شاعىن كاسىپورىنداردى بىرگە ىستەۋگە جەتەكتەپ، جاڭالىق اشۋ ونىمدىلىگىن ۇزدىكسىز جوعارىلاتىپ، جاڭالىق اشۋدىڭ وزىندىك قۇنىن تومەندەتىپ، جاڭالىق اشۋ قابىلەتىن كۇشەيتۋ كەرەك.

جاڭ گوچيڭ، ۋ جىڭلۇڭ تەكسەرۋ – زەرتتەۋدە بىرگە بولدى.

كەلۋ قاينارى: حالىق تورابى