زاڭمەن باسقارۋ جونىندەگى ءتالىم - تاربيە ارقىلى ازامات جاسىنا تولماعانداردى قورعايىق (رەفورمانى ونان ارى تەرەڭدەتىپ، ەكپىندەي ىلگەرىلەۋدىڭ جاڭا ساپارى . ۋاكىلدەر مەن مۇشەلەردىڭ مىندەت وتەۋ حيكاياسى)

”ءسىزدىڭ الدىڭعى جولى بەرگەن ۇسىنىسىڭىز بويىنشا الەۋمەتتىك اۋماقتاعى زاڭمەن باسقارۋ جونىندەگى ساباقحانا ساباق باستادى!“ نيڭشيا حۇيزۋ اۆتونوميالى رايونى يىنچۋان قالاسىنداعى ءبىر الەۋمەتتىك اۋماقتاعى كادر ليۋ جيانگوعا حات جولدادى، حاتقا جاستار مەن ورەندەردەن 10 نەشە ادامنىڭ الەۋمەتتىك اۋماقتىڭ قيمىل بولمەسىندە قورالانا وتىرىپ ۇيرەنىپ جاتقان سۋرەتى قوسىلعان ەكەن، مۇنى كورگەندە ليۋ جيانگونىڭ جۇزىنەن قۋانىش لەبى ەستى.

مەملەكەتتىك ساياسي كەڭەس مۇشەسى، نيڭشيا ادۆوكاتتار قوعامىنىڭ باستىعى سالاۋاتىمەن، تاياۋ جىلداردان بەرى، ليۋ جيانگو ازامات جاسىنا تولماعانداردىڭ قىلمىس وتكىزۋىنىڭ الدىن الۋ سالاسىن تەكسەرۋ - زەرتتەۋ ءتۇيىنى ەتتى. ول جاعدايدى انىقتاۋ ءۇشىن ءبىرىنشى شەپكە ىشكەرىلەي ارالاسىپ، كوپتەگەن تاراۋلاردان جاعداي ۇعىسا باردى. وتباسىلىق باقىلاۋ ـ باسقارۋدىڭ كەمشىل بولۋى سەبەپتى تەرىس جولعا تۇسكەن ءبىر وسپىرىممەن اڭگىمەلەسكەننەن كەيىن، ول تولقۋلى كۇيدە بىلاي دەدى: ”ءبىر بالانى قۇتقارۋ ءبىر وتباسىن قۇتقارعانمەن بىردەي، ونان دا ماڭىزدىسى، قوعامنىڭ بولاشاعىن قورعاۋ سانالادى“.

تەكسەرۋ ـ زەرتتەۋ بارىسىندا، ليۋ جيانگو ءىشىنارا مەكتەپتەردە زاڭمەن باسقارۋ جونىندەگى ءتالىم - تاربيەنىڭ فورماعا اينالعانىن، نەگىزگى ساتىداعى سۋديالار ”كەڭشىلىك ەتۋ مەن قاتاڭ بولۋدى ۇشتاستىرۋ“ ولشەمىن يگەرە الماي داعدارىپ وتىرعانىن، ارناۋلى مەكتەپ قۇرىلىسى جاعىندا دا بايلىق قاينارى جەتكىلىكتى بولماۋ سىندى قيىنشىلىققا ءدوپ كەلىپ وتىرعاندىعىن بايقاعان. وتكەن ءبىر جىلدا ول 40 نەشە مەكتەپ پەن 20 عا جۋىق ءادىليالىق ورگاندى ارالاپ، قوعامدىق قىزمەتكەرلەر، اتا - انالار جانە جاستار مەن ورەندەر بولىپ 200 دەن استام اداممەن بۇكپەسىز اڭگىمەلەسكەن.

اۋىل - قىستاقتاعى ءبىر مەكتەپتە تەكسەرۋ - زەرتتەۋ جۇرگىزگەن كەزدە، مەكتەپ باستىعى ليۋ جيانگوعا بۇكپەسىزدىكپەن: ”مەكتەپتە اتا – اناسى سىرت جەرگە كەتكەن بالالار كوپ، ءبىراق بىزدە زاڭمەن باسقارۋ جاعىنداعى ءتالىم – تاربيە بەرەتىن وقىتۋشىلار مەن ءادىليالىق تاراۋلاردىڭ جەتەكشىلىگى جەتكىلىكتى ەمەس“ دەگەن. كوپ وتپەي، ليۋ جيانگو جەرگىلىكتى ايەلدەر بىرلەستىگىمەن، الەۋمەتتىك اۋماقتارمەن بىرلەسىپ ”مايسانى قورعاۋ ارەكەتىن“ باستاپ، ادۆوكات ەرىكتىلەردى نيڭشيانىڭ اۋىل ـ قىستاقتارىندا اتا –اناسى سىرت جەرگە كەتكەن بالالارعا پسيحولوگيالىق جاقتان جەتەكشىلىك ەتۋ جانە زاڭدىق جاقتان كومەك بەرۋ قيمىلىن ورىستەتۋگە ۇيىمداستىرعان.

ليۋ جيانگو كومەكتەسۋ، تاربيەلەۋ قىزمەتىنە دە بەلسەندى ات سالىسىپ جانە ونى ىلگەرىلەتىپ، قىلمىسقا شاتىلعان كوپتەگەن جاستار مەن ورەندەردىڭ جازا وتەۋ مەرزىمى تولعاننان كەيىن تۇرمىستىڭ دۇرىس ارناسىنا قايتا ورالۋىنا دەم بەردى جانە كومەكتەستى.

”ازامات جاسىنا تولماعانداردىڭ قىلمىس وتكىزۋىنەن ساقتانۋ ءۇشىن، وتباسى، مەكتەپ، قوعام، بىرگە قورعانىس تورىن قۇرۋ كەرەك“. بيىلعى مەملەكەتتىك ەكى ماجىلىستە ليۋ جيانگو ازامات جاسىنا تولماعانداردىڭ قىلمىس وتكىزۋىنەن ساقتانۋ جاعىنداعى ىقپالداستىق مەحانيزمىن كۇشەيتۋ جانە ارناۋلى مەكتەپ قۇرىلىسىن ىلگەرىلەتۋ جونىندەگى ۇسىنىس جوبانى تاپسىرۋدى جوسپارلادى.

كەلۋ قاينارى: حالىق تورابى