ەلىمىز عالىمدارى باكتەريانىڭ وسپەگە توتەپ بەرۋىنە قاتىستى شەشۋشى قاعيدانى تۇڭعىش رەت اشىپ كورسەتتى 

8 جىلدىق زەرتتەۋ ارقىلى جۇڭگو عىلىم اكادەمياسى شىنجىن وزىق تەحنيكانى زەرتتەۋ مەكەمەسى جۇڭگو عىلىم اكادەمياسى شاڭحاي قورەكتىك جانە دەنساۋلىق زەرتتەۋ ورنىنىڭ عىلىمي زەرتتەۋ ۇيىرمەسىمەن بىرلەسىپ، باكتەريانىڭ وسپەگە توتەپ بەرۋىنە قاتىستى شەشۋشى قاعيدانى تۇڭعىش رەت ايگىلەپ، باكتەريادان پايدالانىپ قاتەرلى وسپەنى ەمدەۋ جونىندە شىت جاڭا وي جەلىسىن ازىرلەدى، بۇل تابىس بۇگىن (3 – ايدىڭ 4 – كۇنى) حالىقارالىق عىلىمي جۋرنال «كلەتكا» جۋرنالىندا جاريالاندى.

سوناۋ 150 نەشە جىلدىڭ الدىندا، كەيبىر عالىمدار وسپەنى باكتەريا ارقىلى ەمدەگەن، ءبىراق باكتەريامەن ەمدەۋدەگى شەشۋشى بىرنەشە ماسەلە باستان - اياق شەشىلمەي كەلگەن، حاۋىپسىزدىگى مەن ورنىقتى ەمدەۋ ونىمدىلىگى كەمشىل بولعاندىقتان، كلينيكالىق سالاعا ءساتتى تۇردە قادام تاستاي الماعان بولاتىن.

زەرتتەۋ ۇيىرمەسى 8 جىل ۋاقىت جۇمساپ، وسپە مەن باكتەريا اراسىنداعى مۇنداي ”تىلدەسۋ مەحانيزمىن“ ءساتتى اشىپ كورسەتتى ءارى بۇل ەمدەۋ ءادىسىن كوپ ءتۇرلى حايۋانات مودەلىندە دالەلدەدى، ناتيجەدە مۇنداي ورگانيزمدى سينتەزدەۋ جولىمەن وزگەرتىلگەن باكتەريا كوپ ءتۇرلى وسپەنىڭ ءوسۋىن، قايتالاۋىن جانە جوتكەلۋىن كورنەكتى تۇردە تەجەي الاتىندىعى ايگىلەنگەن. (باس ستانسيا ورتالىق تەلەۆيزيا ءتىلشىسى شۋاي جۇنچۋان، رىن مەيمەي)

كەلۋ قاينارى: حالىق تورابى