الدىڭعى ەكى ايدا ەلەكترلى ۆەلوسيپەتتىڭ كونەسىن جاڭاسىنا اۋىستىرۋ ساياساتى بويىنشا ميلليوننان استام ەلەكترلى ۆەلوسيپەت جاڭالاندى 

حالىق گازەتىنىڭ ءتىلشىسى ۋاڭ جۇنليڭ 3 – ايدىڭ 3 – كۇنى بەيجيڭنەن حابارلايدى. ءتىلشىنىڭ 3 - ايدىڭ 3 – كۇنى ساۋدا مينيسترلىگىنەن ۇعىسۋىنشا، بۇكىل ەلىمىز بويىنشا ەلەكترلى ۆەلوسيپەدتىڭ كونەسىن جاڭاسىنا اۋىستىرۋ قىزمەتى ورنىقتى، ءتارتىپتى اتقارىلعان، بيىل 1 - ايدان 2 - ايعا دەيىن، كونە ەلەكترلى ۆەلوسيپەتتەن ءبىر ميلليون 19 مىڭى ساتىپ الىنىپ، جاڭاسىنان ءبىر ميلليون 19 مىڭى ساتىلعان، جاڭا ەلەكترلى ۆەلوسيپەتتىڭ ساتىلىم سوماسىن شامامەن 2 ميلليارد 660 ميلليون يۋان جەبەگەن. ەلەكترلى ۆەلوسيپەدتىڭ كونەسىن جاڭاسىنا اۋىستىرۋ ساياساتى وتكەن جىلى اتقارىلعاننان بەرى، كونە ەلەكترلى ۆەلوسيپەتتەن جيىنى 2 ميلليون 400 مىڭى ساتىپ الىنىپ، جاڭاسىنان 2 ميلليون 400 مىڭى ساتىلعان. جاڭا ەلەكترلى ۆەلوسيپەتتىڭ ساتىلىم سوماسىن شامامەن 6 ميلليارد 400 ميلليون يۋان جەبەگەن.

2025 - جىلى 1 – ايدا، ساۋدا مينيسترلىگى قاتارلى 5 تاراۋ «2025 - جىلعى ەلەكترلى ۆەلوسيپەدتىڭ كونەسىن جاڭاسىنا اۋىستىرۋ قىزمەتىن ويداعىداي ىستەۋ جونىندەگى ۇقتىرۋدى» بىرگە باسىپ تاراتىپ، 1 – ايدىڭ 1 – كۇنىنەن باستاپ كونەسىن جاڭاسىنا اۋىستىرۋ قىزمەتىن جالعاستى ورىستەتۋدى ايقىنداعان. ساتۋشى ورىندار جاعىنان الىپ قاراعاندا، قازىر 40 مىڭنان استام دۇكەن كونەسىن جاڭاسىنا اۋىستىرۋ قىزمەتىنە قاتىناسقان، ولاردىڭ باسىم كوپ ساندىسى جەكە ونەركاسىپشىلەر مەن ساۋداگەرلەر جانە شاعىن - ۇساق كاسىپورىندار بولىپ، بازارداعىلاردىڭ ات سالىسۋ بەلسەندىلىگى ونان ارى جوعارىلاعان. ساتىلىم ۇردىسىنەن قاراعاندا، 2 - ايدا اۋىستىرۋ مولشەرى 863 مىڭعا جەتىپ، وتكەن جىلعى ايلىق ساتىلىم مولشەرىنىڭ ەڭ جوعارى شەگىنەن (732 مىڭ ەلەكترلى ۆەلوسيپەت) اسىپ، جەر – جەردە ساتىلىم ءۇردىسى كورنەكتى تەزدەگەن.

كەلۋ قاينارى: حالىق تورابى