كەڭ كولەمدى ورتاق تانىم قالىپتاستىرىپ، قۋاتتى بىرىككەن كۇش ۇيىستىرايىق (باسماقالا)

كوكتەم لەبى ەسكەن تاماشا ساتتە ساياسي كەڭەس مەملەكەتتىك 14 - كەزەكتى كوميتەتىنىڭ 3 - ءماجىلىسى سالتاناتپەن اشىلدى، 34 سالادان كەلگەن 2100 دەن استام مەملەكەتتىك ساياسي كەڭەس مۇشەسى استانادا باس قوسىپ، مەملەكەت ءىسىن بىرگە اقىلداستى. ءبىز ءماجىلىستىڭ اشىلعاندىعىن قىزۋ قۇتتىقتايمىز!

2024 – جىل وتە وزگەشە جىل بولدى، بوران – شاشىنى قاباتتاسقان سىناققا ءدوپ كەلدىك، بوران – شاشىندى جەڭىپ ايالسىز كۇرەس تە جۇرگىزدىك. سىرتقى قىسىم ارتىپ، ىشكى قيىنشىلىق كوبەيگەن كۇردەلى، قاتاڭ جاعداي الدىندا شي جينپيڭ جولداستى ۇيىتقى ەتكەن پارتيا ورتالىق كوميتەتى بۇكىل پارتيانى، بۇكىل ەلدەگى ءار ۇلت حالقىن ىنتىماقتاستىرىپ جانە باستاپ، وزگەرىسكە توتەپ بەرىپ، كەشەندى شارا قولدانىپ، قيىنشىلىقتاردى جەڭىپ، ۇدەرە العا تارتىپ، رەفورمانى جاپپاي تەرەڭدەتىپ، سىرتقا ەسىك اشۋدى كەڭەيتىپ، جوعارى ساپالى دامۋدى تىڭعىلىقتى ىلگەرىلەتىپ، جاڭاشا وندىرگىش كۇشتەردى ورنىقتى دامىتىپ، حالىق تۇرمىسىن قامتاماسىز ەتۋ تىڭعىلىقتى، پارمەندى بولدى، تۇتاس جىلدا ەكونوميكالىق، قوعامدىق دامۋدىڭ باستى نىسانا - مىندەتتەرى ءساتتى ورىندالىپ، جۇڭگو ۇلگىسىندەگى وسىزامانداندىرۋدا تىڭ دا نىق قادام تاستالدى. ەلىمىزدىڭ دامۋدا قول جەتكىزگەن تابىستارى وڭاي - وسپاق قولعا كەلمەگەن، ادامدى جەلپىندىرەدى، بۇل پارتيا ورتالىق كوميتەتىنىڭ ورتالىقتانعان ءبىر تۇتاس باسشىلىعىنىڭ بارلىق قىزمەتتى ويداعىداي ىستەۋدىڭ ءتۇبىرلى كەپىلى ەكەندىگىن تولىق دالەلدەدى. ءبىر ميلليارد 400 ميلليوننان استام حالىق پارتيانىڭ باسشىلىعىندا سەنىمدى بەكەمدەپ، ءبىر نيەتپەن ىنتىماقتاسىپ، ءار جاقتاعى بەلسەندى فاكتورلاردى دامۋدىڭ ناقتى ناتيجەسىنە اينالدىرۋعا قۇلشىنسا بولعانى، جۇڭگو ۇلگىسىندەگى وسىزامانداندىرۋدىڭ كەمەسى، ءسوز جوق، تولقىن جارا العا ىلگەرىلەپ، نىق قاداممەن الىسقا ساپار شەگەتىن بولادى.

داۋىرمەن بىرگە العا باسىپ، وتانمەن بىرگە قۇلشىنا ىلگەرىلەدى، 75 جىلدىق شۇعىلالى بارىستى باسىپ وتكەن حالىق ساياسي كەڭەسى تاسقىنداعان ومىرشەڭدىك كۇشىن ۇزدىكسىز ايگىلەدى. وتكەن ءبىر جىلدا، ”مەملەكەتتىڭ زور ىستەرىن“ ارقاۋ ەتە وتىرىپ ۇكىمەت ءىسىن كەڭەسۋ قيمىلدارىن ۇيىمداستىرۋدان، ورىستەتۋدەن مۇشەلەردىڭ مىندەت اتقارۋداعى 6000 تۇردەن اساتىن ”حالىق ءۇشىن قىزمەت ەتۋ“ قيمىلىن ىشكەرىلەي ورىستەتۋگە دەيىن، حالىق ساياسي كەڭەسى پارتيانىڭ باسشىلىعىنا تاباندى بولىپ، شي جينپيڭ جاڭا ءداۋىر جۇڭگوشا سوتسياليزم يدەياسىن باستان - اياق جەتەكشى ەتىپ، پارتيا 20 - قۇرىلتايىنىڭ جانە پارتيا 20 - كەزەكتى ورتالىق كوميتەتى ەكىنشى، ءۇشىنشى جالپى ماجىلىستەرىنىڭ رۋحىن جاپپاي دايەكتىلەندىرىپ، باس شۋجي شي جينپيڭنىڭ ماڭىزدى نۇسقاۋى مەن حالىق ساياسي كەڭەس قىزمەتىن كۇشەيتۋ جانە جاقسارتۋ جونىندەگى ماڭىزدى يدەياسىن ىشكەرىلەي ۇيرەنىپ، دايەكتىلەندىرىپ، باس شۋجي شي جينپيڭنىڭ جۇڭگو حالىق ساياسي ءماسليحات كەڭەسى قۇرىلعاندىعىنىڭ 75 جىلدىعىن قۇتتىقتاۋ جينالىسىندا سويلەگەن ماڭىزدى ءسوزىنىڭ رۋحىن ىشكەرىلەي ۇيرەنىپ، دايەكتىلەندىرىپ، حالىق ساياسي كەڭەسىنىڭ سيپاتىنا، ورنىنا تاباندى بولىپ، ارناۋلى كەڭەس قۇرىلىمىندىق رولىن ساۋلەلەندىرۋگە تاباندى بولىپ، نازاردى پارتيا مەن مەملەكەتتىڭ وزەكتى مىندەتىنە شوعىرلاندىرىپ، مىندەت اتقارىپ، جاۋاپكەرشىلىكتى ادا ەتىپ، رەفورما جاساپ، جاڭالىق اشۋ رۋحىمەن مىندەت اتقارۋ قابىلەتى قۇرىلىسىن ىلگەرىلەتىپ، ساياسي كەڭەسۋ، دەموكراتيالىق باقىلاۋ، ۇكىمەت ىسىنە ارالاسۋ، ۇكىمەت ءىسىن كەڭەسۋ دەڭگەيىن جوعارىلاتىپ، پارتيا مەن مەملەكەت ىستەرىنىڭ دامۋىنا تىڭ ۇلەس قوستى. اماليات حالىق ساياسي كەڭەسى جۇڭگو كوممۋنيستىك پارتياسىنىڭ باسشىلىعىنداعى ساياسي ۇيىم رەتىندە عىلمي، ءونىمدى، جارامدى تۇزىمدىك ورنالاستىرۋ ەكەنىن، تەرەڭ مادەنيەتتىك نەگىزگە، نازاريالىق نەگىزگە، امالياتتىق نەگىزگە، ايقىن جۇڭگوشا ەرەكشەلىككە جانە كورنەكتى ساياسي ابزالدىققا يە ەكەنىن دالەلدەدى.

باس شۋجي شي جينپيڭ بىلاي دەپ باسا دارىپتەدى: ”جۇڭگو ۇلگىسىندەگى وسىزامانداندىرۋ بارىسىندا، ارايلى كۇندەر عانا ەمەس، داۋىلدى نوسەر، اۋەلى، سۇراپىل تولقىن دا بولادى. ءبىز ستراتەگيالىق تاباندىلىقتى ساقتاپ، بۇكىل جۇڭحۋا پەرزەنتتەرىنىڭ ىنتىماقتاسا كۇرەس جاسايتىن قۋاتتى بىرىككەن كۇشىن ۇيىستىرىپ، تولقىن جارا ىلگەرىلەپ، ەرلىكپەن العا تارتىپ، مەملەكەتتى قۇدىرەتتەندىرۋ قۇرىلىسى، ۇلتتى گۇلدەندىرۋ ۇلى ءىسىن ۇزدىكسىز العا ىلگەرىلەتۋىمىز كەرەك“. قازىر دۇنيە ءجۇزى وزگەرىسى، ءداۋىر وزگەرىسى، تاريحي وزگەرىس ۇزدىكسىز كەڭەيىپ جانە تەرەڭدەپ، ەلىمىزدىڭ رەفورما، دامۋ، ورنىقتىلىق مىندەتى بۇرىن بولىپ كورمەگەن دارەجەدە جاپالى دا اۋىر بولىپ وتىر، زەيىن - زەردەنى، كۇش - قۋاتتى ونان ارى شوعىرلاندىرىپ، بۇكىل ەلدەگى ءار ۇلت حالقىنىڭ ۇلى ىنتىماعىن ۇزدىكسىز بەكەمدەپ، ەل ءىشى - سىرتىنداعى جۇڭحۋا ۇلاندارىنىڭ ۇلى ىنتىماعىن كۇشەيتۋدى شۇعىل قاجەت ەتىپ وتىر. ەڭ كەڭ كولەمدى وتانشىلدىق بىرلىكساپ ۇيىمى رەتىندە، حالىق ساياسي كەڭەسىنىڭ بورىشى داڭقتى، جاۋاپكەرشىلىگى بار. ىنتىماق پەن دەموكراتيا سىندى ەكى ۇلكەن نەگىزگى تاقىرىپقا، پارتيانىڭ باسشىلىعىن، بىرلىكساپتى، كەڭەسۋ ۇلگىسىندەگى دەموكراتيانى ورگانيكالى ۇشتاستىرۋعا تاباندى بولىپ، حالىق ساياسي كەڭەسىنىڭ كورنەكتى ساياسي ابزالدىعىن اناعۇرلىم تولىق ساۋلەلەندىرىپ، پارتيا ورتالىق كوميتەتىنىڭ شەشىمدەرى مەن ورنالاستىرۋلارىن جانە حالىق ساياسي كەڭەسى قىزمەتىنە قويعان تالاپتارىن تياناقتاندىرۋ، ەل ءىشى - سىرتىنداعى جۇڭحۋا ۇلاندارىنىڭ اقىل - پاراساتى مەن كۇش - قۋاتىن ۇيىستىرۋ سىندى ساياسي جاۋاپكەرشىلىكتى شىنايى ارقالاعاندا، جۇڭگو ۇلگىسىندەگى وسىزامانداندىرۋدى ىلگەرىلەتۋ ءۇشىن جۇرت تىلەگىن، ورتاق تانىمدى، اقىل - پاراساتتى، كۇش - قۋاتتى اناعۇرلىم كەڭ كولەمدە ۇيىستىرۋعا بولادى.

كەڭ كولەمدى ورتاق تانىم ۇيىستىرۋدىڭ، قۋاتتى بىرىككەن كۇش توپتاۋدىڭ تەتىگى وزەكتى ارقاۋ ەتۋگە، جالپى جاعدايعا قىزمەت ەتۋگە تاباندى بولۋدا. بيىل − ”14 - بەسجىلدىق“ جوبا اياقتالاتىن جىل، ءبىز ورنىقتىلىق بارىسىندا ىلگەرىلەۋ قىزمەت جالپى ارناسىنا تاباندى بولىپ، جوعارى ساپالى دامۋدى زەيىن - زەردەنى شوعىرلاندىرا وتىرىپ ويداعىداي يگەرىپ، جوعارى دەڭگەيلى عىلىم - تەحنيكادا ءوز كۇشىنە سۇيەنۋدى، ءوزىن الۋەتتەندىرۋدى ىلگەرىلەتىپ، ەكونوميكالىق، قوعامدىق دامۋدىڭ تاماشا اۋقىمىن ساقتاپ، ”14 - بەسجىلدىق“ جوبانىڭ نىسانالارىن، مىندەتتەرىن جوعارى ساپامەن ورىنداپ، ”15 - بەسجىلدىقتىڭ“ تاماشا باستاماسىن جۇزەگە اسىرۋعا بەرىك نەگىز قالاۋىمىز كەرەك. بۇل حالىق ساياسي كەڭەسىنىڭ مىندەتىن اتقارىپ، جاۋاپكەرشىلىگىن ادا ەتۋىنە، رولىن ساۋلەلەندىرۋىنە تىڭ دا اناعۇرلىم جوعارى تالاپتار قويدى. حالىق ساياسي كەڭەسى دارىندىلار شوعىرلانۋ، اقىل - پاراسات شوعىرلانۋ ابزالدىعىنا يە، ساياسي كەڭەس مۇشەلەرى − پارتيا مەن ۇكىمەتتىڭ سالاداعى جۇرتىشلىقپەن بايلانىس جاسايتىن دانەكەرى. قالىڭ ساياسي كەڭەس مۇشەلەرىنىڭ مەملەكەت ءۇشىن مىندەت اتقارۋ، حالىق ءۇشىن جاۋاپكەرشىلىگىن ادا ەتۋ سۇيىسپەنشىلىگىنەن جازباي، ءىستى كوكەيدە ساقتاپ، جاۋاپكەرشىلىكتى ارقالاپ، زەيىن - زەردەنى، كۇش - قۋاتتى ۇيىستىرۋ، شەشىم جاساۋ، اقىل - كەڭەس بەرۋ، كەڭەستىك دەموكراتيا، مەملەكەتتى جونگە سالۋدىڭ ءبىرىنشى شەبىنىڭ ناقتى امالياتىنا سانالى تۇردە ات سالىسىپ، رەفورمانى اناعۇرلىم جاپپاي تەرەڭدەتۋ، جوعارى ساپالى دامۋدى ىلگەرىلەتۋ سياقتىلاردى تىعىز ارقاۋ ەتىپ، ىشكەرىلەي تەكسەرۋ - زەرتتەۋ جۇرگىزىپ، ۇكىمەت ءىسىن اقىلداسىپ، جۇڭگو ۇلگىسىندەگى وسىزامانداندىرۋدى ىلگەرىلەتۋگە شىنايى اقىل - كەڭەس بەرىپ، تاماشا ءادىس - امال كورسەتۋىن ءۇمىت ەتەمىز.

ەل بىرلىگىنەن قامال تۇرعىزىپ، اسقار اسۋدان اسىپ، ءبىر نيەت، ءبىر تىلەكتە بولا وتىرىپ قات - قابات وتكەلدەن وتەيىك. قازىر جۇڭگو ۇلگىسىندەگى وسىزامانداندىرۋ جاپپاي ىلگەرىلەتىلۋدە، جۇڭحۋا ۇلتى بوگەۋ بەرمەس قاداممەن ۇلى گۇلدەنۋگە قادام تاستادى. ءداۋىر جاۋاپكەرشىلىكتى ارقالاپ، ميلليونداعان جۇڭحۋا ۇلاندارىن قول ۇستاسا العا باسۋعا ۇندەيدى. ءبىز شي جينپيڭ جولداستى ۇيىتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، شي جينپيڭ جاڭا ءداۋىر جۇڭگوشا سوتسياليزم يدەياسىن جاپپاي دايەكتىلەندىرىپ، ”ەكىنى تۇراقتاندىرۋدىڭ“ شەشۋشى ءمانىن تەرەڭ ءتۇسىنىپ، ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، ءبىر نيەت، ءبىر تىلەكتە بولىپ، كوپ بولىپ كۇش سالىپ، مەملەكەتتى قۇدىرەتتەندىرۋ قۇرىلىسىن، ۇلتتى گۇلدەندىرۋ ۇلى ءىسىن ۇزدىكسىز العا ىلگەرىلەتۋىمىز كەرەك.

ءماجىلىستىڭ تولىق تابىستى بولۋىن تىلەيمىز!

كەلۋ قاينارى: حالىق تورابى