مەملەكەتتىك حالىق قۇرىلتايىنىڭ ۋاكىلى شى بيڭچي: ءار جەردىڭ قالىڭمال سوماسىنىڭ جوعارى شەگى ولشەمىن بەلگىلەۋىن ۇسىنىس ەتەمىن

ورتالىق راديو تورابىنىڭ 3 – ايدىڭ 3 – كۇنى بەيجيڭنەن بەرگەن حابارى. تاياۋدا مەملەكەتتىك حالىق قۇرىلتايىنىڭ ۋاكىلى، حىبەي ولكەسى حىجيان قالاسى شيڭسۇن قالاشىعى داجۋاڭ قىستاعى پارتيا ياچەيكاسىنىڭ شۋجيى شى بيڭچي ورتالىق راديو تورابىنىڭ ارناۋلى سۇحباتىن قابىلداعاندا، ول بيىلعى مەملەكەتتىك ەكى ماجىلىستە ناشار سالت ـ سانانى وزگەرتۋدى ۇزدىكسىز ىلگەرىلەتۋ جونىندە ۇسىنىس قوياتىندىعىن ايتتى.

قىستاق پارتيا ياچەيكاسىنىڭ شۋجيى رەتىندە، شى بيڭچي ناشار سالت ـ سانانى وزگەرتۋ قۇرىلىسىنا ۇزاق ۋاقىت نازار اۋدارعان. تەكسەرۋ - زەرتتەۋ جانە قىزمەت بارىسىندا، ول ”قيساپسىز قالىڭمال“، توي – تومالاق، ءولىم – ءجىتىم ىستەرىن استا – توك وتكىزۋ، كوزسىزدىكپەن باسەكەلەسۋ قاتارلى ناشار ادەتتەردىڭ اۋىل - قىستاق وڭىرلەرىندە ءبىرشاما كورنەكتى ەكەندىگىن، ”ۇيلەنۋدەن كەدەيلەسۋ“، ”ۇيلەنۋدەن قايتا كەدەيلەسۋ“ جايتتەرى اۋىق - اۋىق تۋىلىپ، بۇقاراعا اۋىر اۋىرتپالىق اكەلگەندىگىن، بۇقارانىڭ وسى ماسەلەلەردى جونگە سالۋ قاجەتى توتەنشە كوكەي كەستى بولىپ وتىرعاندىعىن بايقايدى. ”قيساپسىز قالىڭمال“ جونىندە شى بيڭچي ءار جەردىڭ قالىڭمال سوماسىنىڭ جوعارى شەگى ولشەمىن بەلگىلەپ، جەرگىلىكتى ورىننىڭ كىسى باسىنا تۋرا كەلەتىن جىلدىق كىرىسىنىڭ ەكى ەسەسىنەن اسىرماۋدى ۇسىنىس ەتتى. مۇنان سىرت، سترەولىق ۇيىمدىق جۇيە ورناتىپ، اۋىل – قىستاقتىڭ ءوزىن – ءوزى باسقارۋ ۇيىمى قۇرىلىسىن كۇشەيتۋگە جەتەكشىلىك ەتۋدى ۇسىنىس ەتتى. اۋىل - قىستاقتاردا –توي -تومالاق، ٴولىم -ٴجىتىم ىستەرى القالار كەڭەسى، قىستاق تۇرعىندارى كەڭەسى قاتارلى ۇيىمداردىڭ ەسكى سالت - سانانى وزگەرتۋ مازمۇنىن قىستاق ەرەجەسىنە ەنگىزۋىن ىلگەرىلەتۋدى ۇسىنىس ەتتى.

”قاتىستى مينيسترلىكتەر مەن كوميتەتتەر اۋدان (قالا، رايون) جوبانى ويداعىداي جاساۋعا جەتەكشىلىك ەتىپ، تۇرلىشە جىككە، وڭىرگە جانە ۇلتقا باعىتتاي وتىرىپ ولشەم جوبالاپ، قىستاق ەرەجەسى، حالىق شارتى ارقىلى الەۋمەتتىك ءتارتىپ پەن تاماشا سالتتى قورعاۋ كەرەك.“ شى بيڭچي بىلاي دەدى: وركەنيەتتى ورىن قۇرۋ امالياتتىق قيمىلىنا جەتەكشىلىك ەتۋدى كۇشەيتىپ، وركەنيەتتى قىستاق ـ قالاشىق، جۇلدىز دارەجەلى وركەنيەتتى وتباسى قاتارلى بۇقارالىق سيپاتتى قيمىلداردى كەڭ كولەمدە ورىستەتىپ، قۇن كوزقاراسىنىڭ وزدەسۋىن جەبەۋ كەرەك.

كەلۋ قاينارى: حالىق تورابى