ۇلتتىق ىستەر قىزمەتى جونىندە، ۇكىمەت قىزمەتىنەن باياندامادا مىنالار باسا دارىپتەلدى 

ازيا 9 – كەزەكتى قىستىق سپورت جارىسىنا تىڭعىلىقتى دايىندالىپ، از ۇلتتاردىڭ مەملەكەتتىك 12 – كەزەكتى ءداستۇرلى سپورت جارىسى ءساتتى وتكىزىلىپ، ەلىمىزدىڭ سپورت ساڭلاقتارى پاريج وليمپياداسىندا شەكارا سىرتىندا جارىسقا قاتىناسۋ جاعىنداعى ەڭ جاقسى ناتيجەگە يە بولدى.

— لي چياڭ زۇڭليدىڭ 14 – كەزەكتى مەملەكەتتىك حالىق قۇرىلتايى 3 – ءماجىلىسىنىڭ اشىلۋ ماجىلىسىندە جاساعان ۇكىمەت قىزمەتىنەن باياندامادان الىندى (2025 – جىلى 3 – ايدىڭ 5 – كۇنى)

توڭكەرىستىك بايىرعى رايونداردىڭ، ۇلتتىق رايونداردىڭ جەدەل دامۋىنا قولداۋ كورسەتىلىپ، شەكاراداعى وڭىرلەردىڭ قۇرىلىسى كۇشەيتىلىپ، شەكارانى گۇلدەندىرىپ، حالىقتى اۋقاتتاندىرۋ، شەكارانى ورنىقتىرىپ، شەكارانى بەكەمدەۋ ىلگەرىلەتىلەدى.

— لي چياڭ زۇڭليدىڭ 14 – كەزەكتى مەملەكەتتىك حالىق قۇرىلتايى 3 – ءماجىلىسىنىڭ اشىلۋ ماجىلىسىندە جاساعان ۇكىمەت قىزمەتىنەن باياندامادان الىندى (2025 – جىلى 3 – ايدىڭ 5 – كۇنى)

ءبىز جۇڭحۋا ۇلتى ورتاق تۇلعا تانىمىن بەرىك ورناتۋدى نەگىزگى ارقاۋ ەتىپ، ۇلتتىق تەرريتوريالىق اۆتونوميا تۇزىمىنە تاباندى بولىپ جانە ونى كەمەلدەندىرىپ، ۇلتتار ىنتىماعى، العاباسارلىعى ىستەرىن ۇزدىكسىز ىلگەرىلەتىپ، ۇلتتىق رايونداردىڭ وسىزاماندانۋ قۇرىلىسىنىڭ اياق الىسىن جەدەلدەتۋىمىز كەرەك. پارتيانىڭ ءدىن قىزمەتىنىڭ نەگىزگى باعىتىنا تاباندى بولىپ، ەلىمىزدە ءدىننىڭ جۇڭگوشالانۋىن جۇيەلى ىلگەرىلەتىپ، ءدىني ىستەردى زاڭمەن جونگە سالۋدى كۇشەيتۋىمىز كەرەك. چياۋمين ىستەرى قىزمەت مەحانيزمىن كەمەلدەندىرىپ، شەتەلدەگى چياۋمين باۋىرلاستار مەن وتانعا ورالعان چياۋميندەردىڭ تۋىس ـ تۋعاندارىنىڭ زاڭدى ۇقىق ـ مۇددەسىن قورعاپ، ەل ءىشى ـ سىرتىنداعى جۇڭحۋا ۇلاندارىنىڭ شۇعىلالى ناتيجە جاراتۋداعى قۇدىرەتتى كۇشىن ۇيىستىرۋىمىز كەرەك.

— لي چياڭ زۇڭليدىڭ 14 – كەزەكتى مەملەكەتتىك حالىق قۇرىلتايى 3 – ءماجىلىسىنىڭ اشىلۋ ماجىلىسىندە جاساعان ۇكىمەت قىزمەتىنەن باياندامادان الىندى (2025 – جىلى 3 – ايدىڭ 5 – كۇنى)

كەلۋ قاينارى: حالىق تورابى