ءتۇزىمنىڭ ابزالدىعىن ساۋلەلەندىرىپ، ەكپىندەي ىلگەرىلەۋدىڭ كۇشىن ۇيىستىرايىق (باسماقالا)

ورتاق تانىمدى كەڭىنەن ۇيىستىرىپ، ۇلى ءىس تىندىرىپ، ءبىر نيەت، ءبىر تىلەكپەن جاۋاپكەرشىلىك ارقالاۋدى ايگىلەدى. 3 - ايدىڭ 10 - كۇنى مەملەكەتتىك ساياسي كەڭەس 14 - كەزەكتى كوميتەتىنىڭ 3 - ٴماجىلىسى ٴتۇرلى كەڭەستىك تارتىپتەردى تولىق ورىنداپ، بەيجيڭدە جەڭىسپەن جابىلدى. ٴبىز ٴماجىلىستىڭ تابىستى بولعاندىعىن قىزۋ قۇتتىقتايمىز!

بۇل زەيىن - زەردەنى، كۇش - قۋاتتى شوعىرلاندىرعان، شىنايى يگەرىپ، ناقتى ىستەگەن، ىنتىماقتاسا ەكپىندەي ىلگەرىلەگەن ءماجىلىس بولدى. ءماجىلىس كەزىندە جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ قاتارلى پارتيا مەن مەملەكەتتىڭ باسشى جولداستارى ءماجىلىستىڭ اشىلۋ جينالىسى مەن جابىلۋ جينالىسىنا قاتىناسىپ، ماجىلىسكە قاتىناسقان مۇشەلەرگە امانداستى ءارى بىرىككەن گرۋپپالاردىڭ تالقىسىنا قاتىناسىپ، مۇشەلەرمەن بىرگە مەملەكەت ىستەرىن اقىلداستى. قالىڭ ساياسي كەڭەس مۇشەلەرى مەملەكەتتىك ساياسي كەڭەس تۇراقتى كوميتەتىنىڭ قىزمەت بايانداماسىن جانە ۇسىنىس جوبا قىزمەتىنىڭ جاعدايى جونىندەگى باياندامانى تىڭداپ جانە قاراپ، مەملەكەتتىك 14 - كەزەكتى حالىق قۇرىلتايىنىڭ 3 - ماجىلىسىنە سىرتتاي قاتىناسىپ، ۇكىمەت قىزمەتىنەن باياندامانى، سونداي - اق باسقا دا قاتىستى باياندامالاردى تىڭداپ جانە تالقىلاپ، ىشكەرىلەي كەڭەسىپ، تالقى جۇرگىزىپ، ۇكىمەت ىسىنە بەلسەنە اقىل - كەڭەس بەرىپ، ۇكىمەت ىسىنە كەڭەس بەرۋدە سۇبەلى تابىستارعا قول جەتكىزدى. ”14 ـ بەسجىلدىق“ جوبا اياقتالاتىن جىلدا ءماجىلىس وڭ ەنەرگيا توپتاپ، رۋحتى سەرپىلتىپ، ەلىمىزدىڭ جالپى بارىستىق حالىق دەموكراتياسىنىڭ تۇزىمدىك ابزالدىعى مەن تاسقىنداعان ومىرشەڭدىك كۇشىن تولىق ايگىلەدى.

جۇڭگو ۇلگىسىندەگى وسىزامانداندىرۋ − بۇكىل حالىقتىڭ ورتاق ءىسى، سونداي – اق وعان بۇكىل جۇڭحۋا ۇلاندارىنىڭ ورتاق ارمانى جۇكتەلگەن، نەشە ۇرپاق ادامداردىڭ ورتاق كۇرەسى سىڭگەن. قازىر قۇدىرەتتى ەل قۇرۋ قۇرىلىسى ايبىندى كارتينانى جايىپ، شەكسىز نۇرلى بولاشاق جارىققا شىقتى، جۇڭحۋا ۇلتى بوگەۋ بەرمەس قاداممەن ۇلى گۇلدەنۋگە قادام تاستادى. نىساناعا جاقىنداعان سايىن ستراتەگيالىق تاباندىلىقتى ساقتاپ، قۇدىرەتتى بىرىككەن كۇش توپتاپ، بارلىق جۇڭحۋا ۇلاندارىن بىرگە وي جۇگىرتۋگە، بىرگە ىستەۋگە جۇمىلدىرۋ كەرەك. جۇڭگوشا سوتسياليزمگە تاباندى بولۋ جانە ونى دامىتۋ − ورتاق يدەيالىق - ساياسي نەگىزدى بەكەمدەۋدىڭ ارقاۋى، شي جينپيڭ جاڭا ءداۋىر جۇڭگوشا سوتسياليزم يدەياسى − ساياسي كەڭەس قىزمەتىن ءبىر تۇتاس مەڭگەرۋدىڭ باس باعدارلاماسى، جۇڭگو كوممۋنيستىك پارتياسىنىڭ باسشىلىعىنا تاباندى بولۋ − حالىق ساياسي كەڭەس ىستەرى دامۋىنىڭ، العا باسۋىنىڭ ءتۇبىرلى كەپىلى. ساياسي دەڭگەيدى جوعارىلاتىپ، سيپاتىن، ورنىن مىقتاپ يگەرىپ، پارتيانىڭ باسشىلىعىن، بىرلىكساپتى، كەڭەستىك دەموكراتيانى ورگانيكالى ۇشتاستىرۋعا تاباندى بولىپ، جۇڭگو كوممۋنيستىك پارتياسى ورتالىق كوميتەتىنىڭ شەشىمدەرىن، ورنالاستىرۋلارىن جانە حالىق ساياسي كەڭەس قىزمەتىنە قويعان تالاپتارىن تياناقتاندىرىپ، ەل ءىشى - سىرتىنداعى جۇڭحۋا ۇلاندارىنىڭ اقىل - پاراساتى مەن كۇش - قۋاتىن ۇيىستىرۋ ساياسي جاۋاپكەرشىلىگىن شىنايى ارقالاسا، حالىق ساياسي كەڭەسى جۇڭگو ۇلگىسىندەگى وسىزامانداندىرۋدى ىلگەرىلەتۋگە كەڭ كولەمدە جۇرت تىلەگىن، ورتاق تانىمدى، اقىل ـ پاراساتتى، كۇش ـ قۋاتتى ۇيىستىرىپ، پارتيا مەن مەملەكەت ىستەرىنىڭ دامۋىنا تىڭ دا اناعۇرلىم زور ۇلەس قوسا الادى.

ىنتىماق − كۇش، ىنتىماق بولعاندا عانا جەڭىسكە جەتۋگە بولادى. ءبىز ىلگەرىلەتەتىن مەملەكەتتى قۇدىرەتتەندىرۋ قۇرىلىسى، ۇلتتى گۇلدەندىرۋ ۇلى ءىسى استە تىنىش ورتادا تابىسقا جەتۋ ەمەس، گۇل كومكەرگەن، قول شاپالاق سوعىلعان ورىندا ءلاززات الۋ ەمەس، العا باسۋ جولىندا، ءسوز جوق، قيىنشىلىق، قاتەر، بوران - شاشىن بولادى، اۋەلى، دۇلەي تولقىندار دا كەزدەسەدى. ىنتىماقتاسا كۇرەس جاساۋ − جۇڭگو حالقىنىڭ تاريحي ۇلى ىستەردى جاراتۋىندا، ءسوز جوق، باسىپ وتەتىن جولى. پارتيانىڭ باسشىلىعىندا ءبىر باعىتتا ويلاپ، ءبىر باعىتتا كۇش سالىپ، ەڭ ۇلكەن سەنترلەس شەڭبەردى ويداعىداي سىزساق بولعانى، ىستەي المايتىن ءىس، جەڭە المايتىن قيىنشىلىق بولمايدى. ەڭ كەڭ كولەمدى وتانشىلدىق بىرلىكساپ ۇيىمى رەتىندە حالىق ساياسي كەڭەسى ۇلى ىنتىماق پەن ۇلى بىرلىككە تاباندى بولىپ، بىردەيلىك پەن الۋان تۇرلىلىكتىڭ قاتىناسىن دۇرىس شەشۋگە تاباندى بولىپ، ىنتىماقتاسا كۇرەس جۇرگىزۋدىڭ ورتاق يدەيالىق - ساياسي نەگىزىن ۇزدىكسىز بەكەمدەپ، جۇڭحۋا ۇلاندارىنىڭ ۇلى ىنتىماعىن سانالى تۇردە جەبەپ، جۇمىلدىرۋعا بولاتىن بارلىق بەلسەندى فاكتورلاردى جۇمىلدىرىپ، ىنتىماقتاسۋعا بولاتىن بارلىق كۇشتەرمەن ىنتىماقتاسىپ، جۇڭگو ارمانىن ءبىر نيەت، ءبىر تىلەكپەن بىرگە جۇزەگە اسىرۋدىڭ تەلەگەي كۇش - قۋاتىن قالىپتاستىرۋدى ىلگەرىلەتۋى كەرەك.

كەڭەستىك دەموكراتيا − جالپى بارىستىق حالىق دەموكراتياسىنىڭ ماڭىزدى قۇرامداس بولەگى. باس شۋجي شي جينپيڭ بىلاي دەپ اتاپ كورسەتكەن بولاتىن: ”كەڭەستىك دەموكراتيانى جاپپاي دامىتۋدا پارتيانىڭ جاپپاي باسشىلىعىنا تاباندى بولىپ، جۇڭگوشا سوتسياليستىك ساياسي دامۋ جولىنان اۋىتقىماۋ كەرەك“. جاساندى زەردە، تومەن كەڭىستىك ەكونوميكاسى سياقتى جاڭاشا وندىرگىش كۇشتەردى جەدەل دامىتۋدان ەكونوميكانىڭ، قوعامنىڭ جاسىل، تومەن كومىرتەكتى تيپكە بۇرىلىس جاساۋىن، ودان حالىقتىق شارۋاشىلىقتىڭ جوعارى ساپالى دامۋىن جەبەۋگە دەيىن، ءماجىلىس كەزىندە ساياسي كەڭەس مۇشەلەرى ”مەملەكەتتىڭ زور ىسىمەن“، حالىقتىڭ ءجىتى قاداعالاپ وتىرعان ىستەرىمەن تىعىز بايلانىستىرىپ، جاقسى ۇسىنىستار قويىپ، جاقسى ءۇن قاتىپ، ەلىمىزدىڭ كەڭەستىك دەموكراتياسىنىڭ وزگەشە ابزالدىعىن تولىق ايگىلەدى. بولاشاقتى بەتكە العاندا، دەموكراتيانى ساۋلەلەندىرۋ مەن ىنتىماقتى نىعايتۋدىڭ ءوزارا توعىسۋى، ۇكىمەت ىسىنە اقىل - كەڭەس بەرۋ مەن ورتاق تانىمدى ۇيىستىرۋدىڭ قوس باعىتتا كۇش سالۋى ءتارتىپ مەحانيزمىن ونان ارى كەمەلدەندىرىپ، كەڭەستىك دەموكراتيانىڭ كەڭ كولەمدى، كوپ ساتىلى تۇزىمدەنىپ دامۋىن ۇزدىكسىز ىلگەرىلەتىپ، ساياسي كەڭەسۋ، دەموكراتيالىق باقىلاۋ، ۇكىمەت ىسىنە ارالاسۋ، ۇكىمەت ءىسىن كەڭەسۋ قابىلەتىن جوعارىلاتىپ، كەڭەسۋ ارقىلى شىن مانىندە ءادىس - امال، ورتاق تانىم، سۇيىسپەنشىلىك، ىنتىماق قالىپتاستىرا الساق، جوعارى ساپالى كەڭەسۋ، جوعارى دەڭگەيدە ۇسىنىس قويۋ ارقىلى جۇڭگو ۇلگىسىندەگى وسىزامانداندىرۋ قۇرىلىسىنىڭ جالپى جاعدايىنا اناعۇرلىم ويداعىداي قىزمەت وتەي الامىز.

بەلگىلەنگەن كۇرەس نىساناسىنا قاراي اتتانعان ”جۇڭگو اتتى“ الىپ كەمە جانار مايىن تولتىرا قۇيىپ، رولدى مىقتى ۇستاپ، قايراتتى تاسقىنداتىپ، جەلكەن جايىپ الىس ساپارعا اتتاندى. شي جينپيڭ جولداستى ۇيىتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، شي جينپيڭ جاڭا ءداۋىر جۇڭگوشا سوتسياليزم يدەياسىن جاپپاي دايەكتىلەندىرىپ، ”ەكىنى تۇراقتاندىرۋدىڭ“ شەشۋشى ءمانىن تەرەڭ ءتۇسىنىپ، ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، ءبىر نيەتپەن قيىنشىلىقتان قامال الىپ، ءورىس اشا العا ىلگەرىلەپ، جۇڭگو ۇلگىسىندەگى وسىزامانداندىرۋدى ىلگەرىلەتۋدىڭ جاڭا جورىعىندا تىڭ دا اناعۇرلىم زور شۇعىلالى تابىستار جاراتايىق.

كەلۋ قاينارى: حالىق تورابى