ەڭ جوعارى حالىق سوتى: زاڭعا اۋىر دارەجەدە قايشىلىق جاساعاندار نەمەسە سەنىمدىلىكتەن ايرىلاتىن ارەكەتتەردى وتكىزگەندەر سەنىمدىلىكتەن ايرىلعانداردىڭ قارا تىزىمدىگىنە ەنگىزىلەدى 

3 – ايدىڭ 10 – كۇنى تۇستەن كەيىن، ەڭ جوعارى حالىق سوتى اتقارۋشى مەكەمەسىنىڭ باستىعى حۋاڭ ۋىنجۇن 2025 – جىلعى ەكى ماجىلىستەگى «ەڭ جوعارى حالىق سوتىنىڭ قىزمەتىنەن باياندامانى» تۇسىندىرۋگە قاتىستى جالپىلىق مەديالارعا ارنالعان جەلىلەس تىكە تاراتىلىمدىق سۇحباتتىڭ 3 – رەتكى قيمىلىندا تانىستىرۋىنشا، ”شارا اتقارىلعان ادامدار“ دەگەنىمىز ”سەنىمدىلىكتەن ايرىلعاندىقتان شارا اتقارىلعان ادامدار“ دەگەندى بىلدىرمەيدى.

حۋاڭ ۋىنجۇن بىلاي دەپ باسا دارىپتەدى: شارا اتقارىلعان ادامدار دەگەندە دالەل ـ سپاتتى جالعاننان جاساۋ، زورلىق – زومبىلىق ىستەۋ، قوقانلوقى كورسەتۋ قاتارلى تاسىلدەرمەن شارا اتقارۋعا كەدەرگىلىك جاساعانداردى، قارسىلىق كورسەتكەندەردى كورسەتەدى؛ جالعان ارىز ـ شاعىم بەرۋ، جالعان تورەلىك ايتۋ نەمەسە مال ـ مۇلىكتى جاسىرۋ، جوتكەۋ قاتارلى تاسىلدەرمەن شارا اتقارۋدان جالتارۋ قاتارلى 6 ءتۇرلى جاعدايدىڭ ءبىرى بايقالعاندا عانا قاتىستى ادامدى سەنىمدىلىكتەن ايرىلعانداردىڭ تىزىمدىگىنە ەنگىزۋگە بولادى. مىنە بۇدان شارا اتقارىلاتىن ادامنىڭ سەنىمسىزدىك تىزىمدىگىنە ەنگىزىلۋىنىڭ العى شارتى زاڭعا اۋىر دارەجەدە قايشىلىق جاساۋ جانە سەنىمدىلىكتەن ايرىلاتىن ارەكەتتى ىستەۋ ەكەندىگىن كورۋگە بولادى.

حۋاڭ ۋىنجۇن مىنانى ءبىلدىردى: اتقارۋعا ماجبۇرلەۋ بارىسىندا، ءسوز جوق، ءتيىستى ادەپتىلىك پەن بايسالدىلىقتى ساقتاۋ، ءسوز جوق، جان ـ جاقتى باقىلاۋ ارقىلى جۇيەلى قىزمەت ىستەۋ كەرەك. جۋىرداعى جىلداردان بەرى، حالىق سوتى سەنىمدىلىكتەن ايرىلعانداردى جازالاپ ساقتاندىرۋدى دارەجەگە، تۇرگە ايىرۋ، مەرزىم شەگىن ۇزارتۋ جانە تيىم سالۋ بۇيرىعىن ءبىر رەت كۇشىنەن قالدىرۋ مەحانيزمىن اتقارۋ ارقىلى اتقارۋ قىزمەتىنىڭ مەيىرىمگە تولى، ريتىمدى، سۇيىسپەنشىلىككە يە بولۋىنا مۇمكىندىك جاساعان. (باس ستانسيا ورتالىق تەلەۆيزيا ءتىلشىسى شي دانني)

كەلۋ قاينارى: حالىق تورابى