شيزاڭ كوپ ءتۇرلى شارانى قاتار قولدانىپ، مادەنيەت، ساياحات كاسىپ سالاسىن دامىتتى (سەنىمدى بەكەمدەپ، رەفورمانىڭ، دامۋدىڭ جاڭا ءورىسىن اشايىق)

شياڭگاڭعا قايتىپ كەلگەنىنە كوپ كۇن بولسا دا، 75 جاستاعى قالا تۇرعىنى لياڭ چوۋتيڭ وتكەندەگى شيزاڭ ساپارىنەن ەسىنەن شىعارار ەمەس

بيىل 2 - ايدىڭ 19 - كۇنى «لحاسا - چىڭدۋ تيانفۋ - شياڭگاڭ» تۇڭعىش كەزەكشى ۇشاعى شياڭگاڭ حالىقارالىق اۋەجايىنا قوندى، لحاسادان شياڭگاڭعا باراتىن تۇڭعىش وڭىرلىك اۋە جەلىسى رەسمي اشىلدى. زاڭزۋ مادەنيەتىنىڭ قۇدىرەتىن سەزىنۋ ءۇشىن لياڭ چوۋتيڭ ۇشاق بەلەتىن ساتىپ الدى.

”دۇنيەگە نازار سالساق، شيزاڭداي ادامدى باۋراپ الاتىن قانشا جەر بار؟“ بۇدالا سارايى، داجاۋ بۇتحاناسى سياقتى جەرلەردى ارالاپ، تۇڭعىش رەت شيزاڭعا ساياحاتتاي كەلگەن لياڭ چوۋتيڭنىڭ كوز اياسى كەڭەيدى، ”شيزاڭ قايتالاي كەلۋگە تاتيتىن جەر ەكەن! مەن كوپتەگەن دوستارىممەن وسى رەتكى ۇمىتىلماس ساپاردى ءبولىستىم“ دەدى ول اسەرلەنە.

باس شۋجي شي جينپيڭ بىلاي دەپ باسا دارىپتەدى: ”مادەنيەت ارقىلى ساياحاتتى سومداۋعا، ساياحات ارقىلى مادەنيەتتى ايگىلەۋگە تاباندى بولىپ، مادەنيەت پەن ساياحاتتىڭ توعىسا دامۋىن ىلگەرىلەتۋ كەرەك“. باس شۋجي شي جينپيڭنىڭ ماڭىزدى نۇسقاۋىنىڭ رۋحىن ىشكەرىلەي دايەكتىلەندىرىپ، تياناقتاندىرعان شيزاڭ جاراتىلىستىق كورىنىستى، تاريحي مادەنيەتتى، ۇلتتىق سالت - سانانى توعىستىرىپ، ەرەكشەلىككە يە، سۇرىپتالعان جولمەن جۇرۋگە تاباندى بولىپ، مادەنيەت پەن ساياحاتتىڭ ىشكەرىلەي توعىسا دامۋىن ىلگەرىلەتىپ، مادەنيەت ساياحات كاسىبىن حالىقتى اۋقاتتاندىرىپ، شيزاڭدى گۇلدەندىرۋدىڭ تىرەكتى كاسىپ سالاسىنا اينالدىرۋعا قۇلشىندى.

مادەنيەت قۋاتىنا تاباندى بولىپ، سارا مادەنيەت ساياحاتى ماركاسىن جاراتتى.

جۇلدىزدى اسپاندى شىمىلدىق، تاۋ - وزەندەردى كورىنىس ەتتى، كوزدىڭ جاۋىن الاتىن ساراي الدىندا، ۇلتتار ىنتىماعىنىڭ اسەرلى حيكايالارى تارتىمدى بەينەلەنۋدە... 3 - ايدىڭ 23 - كۇنى كەشتە لحاسا وزەنىنىڭ جاعاسىندا، باۋدۇڭ تاۋىنىڭ باۋرايىندا زاڭزۋ مادەنيەتىنىڭ كولەمدى تاريحي داستان تەاترى «ۋىنچىڭ حانشانىڭ» 13 - رەتكى تۇڭعىش قويىلىمى باستالدى، كورەرمەندەردىڭ شاتتىق ءۇنى تولاستامادى.

«ۋىنچىڭ حانىشانى» تاماشالاۋ قازىر كوپتەگەن ساياحاتشىلاردىڭ لحاساعا كەلۋدەگى ءسوزسىز باراتىن نىسانىنا اينالدى. «ۋىنچىڭ حانشانىڭ» تەاترىنا سۇيەنىپ، لحاسا تەاترحانا تۇرعان جەر سىجۋەلين قىستاعىندا ۇلتتىق سالت - سانا كوشەسىن، ساياحات نەگىزگى تاقىرىپتىق باقشاسىن قۇرىپ، قاتىستى مادەنيەت جاسامپازدىعى ونىمدەرىن اشىپ، ”تاماقتانۋ، جاتىن ورىن، ءجۇرىس - تۇرىس، ساياحاتتاۋ، زات ساتىپ الۋ، كوڭىل اشۋ“ ورگانيكالى توعىسقان مادەنيەت - ساياحات جالپى كاسىپ سالاسى تىزبەگىن قالىپتاستىردى. بۇل تەاتر قويىلعاننان بەرى كونسەرت جانە باقشا رايونىنىڭ ساياحات نىساندارى قابىلداعان ساياحاتشى سانى 32 ميلليون ادام - رەتتەن اسىپ، جەرگىلىكتى قىستاق تۇرعىندارىنا شامامەن 500 ميلليون يۋان ەڭبەكاقى تاراتىلدى.

مادەنيەتتىڭ كۇش ۇستەۋى شيزاڭنىڭ مادەنيەت، ساياحات كاسىبىنىڭ دامۋىنا تىڭ ءورىس اشتى. 2024 – جىلى شيزاڭنىڭ مادەنيەت كاسىپ سالاسىنىڭ ءونىم قۇنى 11 ميلليارد 144 ميلليون يۋانعا جەتىپ، سايكەس مەزگىلدەگىدەن %23.8 ارتتى؛ ەل ءىشى – سىرتىنان جالپى 63 ميلليون 891 مىڭ ادام – رەت ساياحاتشى قابىلداپ، سايكەس مەزگىلدەگىدەن %15.81 ارتتى؛ ساياحاتقا 74 ميلليارد 593 ميلليون يۋان قارجى جۇمسالىپ، سايكەس مەزگىلدەگىدەن %14.5 ارتتى.

بازاردى نىشان ەتۋگە تاباندى بولىپ، تۇتاس ءوڭىر بويىنشا تۇتاس ماۋسىمدىق ساياحات جاعدايىن قالىپتاستىردى.

”قىستا شيزاڭعا كەلسەڭىز، A دارەجەلى ساياحات كورىنىس وڭىرلەرىن اقىسىز ساياحاتتايسىز!“ وتكەن جىلى قىستا مۇنداي ينفورماتسيا قوعامدىق قارىم - قاتىناس تۇعىرىندا قىزۋ تارالىپ، تۇتىنۋشىلاردىڭ نازارىن جاپپاي اۋداردى. ساياحاتتىڭ سايابىر كەزىندە ءتىپتى دە كۇسەت بولۋىن ۇزدىكسىز ىلگەرىلەتۋ ءۇشىن، شيزاڭ ءۇرتىس 7 جىل ”قىستا شيزاڭدى ساياحاتتاۋ“ قيمىلىن ورىستەتىپ، ءبىر قىدىرۋ ”سيلاۋ، تولىقتاۋ، تيىمدىلىك جاساۋ“ ساياساتىن العا قويىپ، ءتىپتى دە كوپ ساياحاتشىنى باۋرادى.

ساياحات كاسىبىنىڭ ”ءبىر جەر، ءبىر ماۋسىمنان“ ”تۇتاس ءوڭىر، جالپى ماۋسىمعا“ قاراي بۇرىلىس جاساۋىن ىلگەرىلەتۋ ءۇشىن، شيزاڭ وڭىرلىك ىقپالداستىقتى كورنەكتىلەندىرىپ، G318 سياقتى شيزاڭعا كىرىپ - شىعاتىن نەگىزگى جولدار بويىنداعى مادەنيەت - ساياحات الەۋمەتتىك قىزمەت وتەۋ دەڭگەيىن كۇش سالا جوعارىلاتىپ، ساياحاتشىلاردىڭ ءجۇرىس - تۇرىسىن ۇزدىكسىز جاقسارتتى؛ سارا ءونىم ەرەكشەلىگىن كورنەكتىلەندىرىپ، ”يۇننان - شيزاڭ تاس جولىمەن دۇنيە ءجۇزىنىڭ جوتاسىندا ءوز كولىگىمەن ساياحاتتاۋ“، ”لحاسا قالاسىنىڭ سەيىل - سەرۋەنى“، ”ەڭ كوركەم تيانحۋ كولى ساياحاتى“ سياقتى سارا ساياحات جەلىلەرىن اشىپ، ”قىستا شيزاڭدى ساياحاتتاۋ“ سياقتى قيمىلداردى ورىستەتىپ، ونىمدەرمەن قامداۋدى ۇزدىكسىز مولايتتى.

مادەنيەت ارقىلى ساياحاتتى سومداۋعا، ساياحات ارقىلى مادەنيەتتى ايگىلەۋگە تاباندى بولعان شيزاڭ اناعۇرلىم اشىق، سيىسىمدى، ومىرشەڭدىك كۇشكە تولى دۇنيە جۇزىلىك ساياحات نىسانالى جەرىن جەدەل قۇرۋدا. بيىل شيزاڭ ەرەكشە مادەنيەت - ساياحات كاسىپ سالاسىن جەتىلدىرۋ ينجەنەرياسىن ىشكەرىلەي اتقارىپ، ءبىر توپ تاڭداۋلى كورىنىس ءوڭىرىن، مادەنيەت - ساياحات ءدالىزىن جانە ساياحات ايگىلى اۋدانىن قۇرىپ، ساياحاتتىڭ دەنە تاربيە، اۋىل شارۋاشىلىعى، قاتىناس، ساۋدا سياقتى سالالارمەن ىشكەرىلەي توعىسۋىن جەبەيدى. بيىل جىل سوڭىنا دەيىن مادەنيەت كاسىپ سالاسىنىڭ ءونىم قۇنىن %20 تەن استام ارتتىرىپ، ەل ءىشى - سىرتىنان كەلەتىن ساياحاتشىلاردى جانە ساياحاتتاۋعا جۇمسالاتىن قارجىنى جالپى قاراجاتى جەكە - جەكە %17 جانە %16 تەن استام ارتتىرۋعا قۇلشىنباق.

كەلۋ قاينارى: حالىق تورابى