وقۋ – اعارتۋ مينيسترلىگى 2025 – جىلى جوعارى مەكتەپتەن وقۋ بىتىرگەندەردەن اسكەرگە ادام قابىلداۋدى ۇگىتتەۋ قىزمەتىن ويداعىداي ىستەۋ جونىندە ورنالاستىرۋ جاسادى

حالىق گازەتىنىڭ ءتىلشىسى ديڭ ياسۇڭ 4 – ايدىڭ 10 – كۇنى بەيجيڭنەن حابارلايدى. وقۋ – اعارتۋ مينيسترلىگى جۋىردا ۇقتىرۋ باسىپ تاراتىپ، جەر – جەردەگى جوعارى مەكتەپتەردىڭ اسكەرگە ادام قابىلداۋدى مەكتەپ اۋلاسىندا ۇگىتتەۋ قىزمەتىنىڭ تەبىنىن ارتتىرىپ، جوعارى مەكتەپ وقۋشىلارىنىڭ اسكەرگە قاتىناسىپ، وتانعا قىزمەت وتەۋ ىنتاسىن اناعۇرلىم تاسقىنداتۋى، جوعارى مەكتەپ وقۋشىلارىن، وتە – موتە، وقۋ بىتىرەتىن جىلدىقتاعى وقۋشىلاردى بەلسەندى تۇردە قوسىنعا قاتىناسۋعا شابىتتاندىرۋى جانە جەتەلەۋى جونىندە ورنالاستىرۋ جاساعان.

ۇقتىرۋدا مىنالار باسا دارىپتەلگەن: جوعارى مەكتەپ وقۋشىلارى — دۇنيە ءجۇزى بويىنشا ماڭداي الدى اسكەري قوسىن قۇرىپ شىعۋداعى ماڭىزدى دارىندىلار قاينارى. جوعارى مەكتەپ وقۋشىلارىنان اسكەرگە ادام قابىلداۋ جاعىنداعى ۇگىتتى ويداعىداي ىستەۋ مەملەكەت قورعانىسى مەن اسكەري قوسىنداردى وسىزامانداندىرۋ قۇرىلىسىنداعى نەگىزدىك ينجەنەريا بولىپ، ءمورال تىكتەپ، ادام تاربيەلەۋ سىندى ءتۇبىرلى مىندەتتى ورىنداۋدىڭ ماڭىزدى جولى، جاستاردىڭ، وقۋشىلاردىڭ ءوسىپ – جەتىلۋى، دارىندى بولۋى جولىنداعى ءونىمدى شارا، جاستاردى، وقۋشىلاردى وزدەرىنىڭ جەكە باسىنىڭ ارمانىن مەملەكەتتى قۇدىرەتتەندىرۋ، ارميانى قۇدىرەتتەندىرۋ ۇلى ىسىمەن توعىستىرۋعا جەتەلەيدى. تۇرگە ءبولىپ جەتەكشىلىك ەتۋدى باسا دارىپتەپ، تۇرلىشە وقۋ ماعلۇماتى ساتىسىنداعى جانە تۇرلىشە جىلدىقتاعى وقۋشىلاردىڭ ەرەكشەلىگىنە باعىتتاي وتىرىپ، پارىقتى تۇردە ۇگىت جۇرگىزۋدى ورىستەتۋ قاجەت. ۇگىتتىڭ ناقتى ونىمدىلىگىنە ءمان بەرىپ، قوسىنعا قاتىناسۋداعى ”جاسىل ءدالىزدى“ ىركىلىسسىزدەندىرىپ، اناعۇرلىم كوپ جاستاردى، وقۋشىلاردى، وتە – موتە، جوعارى مەكتەپ بىتىرگەن وقۋشىلاردى اسكەري قوسىنعا قاتىناسۋعا شابىتتاندىرۋ جانە جەتەلەۋ، 8 – ايدىڭ سوڭىنان بۇرىن، بيىل وقۋ بىتىرەتىن وقۋشىلاردان اسكەرگە قابىلداناتىنداردى الدىن الا بەلگىلەپ بولۋ قىزمەتىن ورىنداۋ كەرەك.

كەلۋ قاينارى: حالىق تورابى