جۇڭگو اۋا رايى مەكەمەسى قۋاڭشىلىققا قارسى تۇرۋدىڭ 4 - دارەجەلى شۇعىل جاعدايعا توتەپ بەرۋ ۇندەۋىن ىسكە قوستى

بيىل كوكتەمنەن بەرى، وڭتۇستىك جۇڭگو، سولتۇستىك جۇڭگو، جۇڭگونىڭ باتىس سولتۇستىگى قاتارلى جەرلەردە جاۋىن - شاشىن از بولىپ، تەمپەراتۋرا ءۇرتىس جوعارىلاپ، توپىراقتىڭ دىمقىلدىعى ۇزدىكسىز ازايىپ، قۋاڭشىلىق جاعدايى ءبىرشاما تەز دامىدى. مەجەگە قاراعاندا، جوعارعى رايونداردا الداعى ءبىر مەزگىلدە تەمپەراتۋرا ۇزدىكسىز جوعارىلاپ، جاۋىن – شاشىن از بولادى، قۇرعاقشىلدىق جالعاستى اۋىرلاسۋى مۇمكىن. مەملەكەتتىك تاسقىننان ساقتانۋ جانە قۋاڭشىلىققا قارسى اتتانۋ باس قولباسشىلىق شتابى 4 – ايدىڭ 24 – كۇنى ساعات 17 دە سانشي، گۋاڭشي، شانشي ولكەلەرىنە (رايوندارىنا) قاراتا قۋاڭشىلىققا قارسى تۇرۋدىڭ 4 - دارەجەلى شۇعىل جاعدايعا توتەپ بەرۋ ۇندەۋىن ىسكە قوسۋدى ۇيعاردى. جۇڭگو اۋا رايى مەكەمەسى ساعات 18 دە 4 - دارەجەلى شۇعىل جاعدايعا توتەپ بەرۋ كۇيىنە دەرەۋ كىرۋدى ۇيعاردى.