كەمسىتۋ سيپاتتى، باعىتتامالى سيپاتتى سياقتى شەكتەۋ شارتتارىن قويۋعا بولمايدى

ءتىلشىنىڭ 5 – ايدىڭ 8 – كۇنى وقۋ – اعارتۋ مينيسترلىگىنەن ۇعىسۋىنشا، ادام كۇشى بايلىعى جانە قوعامدىق قامتاماسىزداندىرۋ مينيسترلىگى كەڭسەسى، وقۋ – اعارتۋ مينيسترلىگى كەڭسەسى تاياۋدا «ورتا، باستاۋىش مەكتەپتەردىڭ، بالالار باقشاسىنىڭ وقىتۋشىلارىن اشىق قابىلداۋ قىزمەتىن ويداعىداي ىستەۋ جونىندەگى ۇقتىرۋدى» ( تومەندە قىسقاشا «ۇقتىرۋ» دەلىنەدى) باسىپ تاراتىپ، جوعارى مەكتەپ بىتىرگەن وقۋشىلاردىڭ كاسىپتەنۋىن جەبەپ، تاڭداۋلى دارىندىلاردى وقىتۋعا باۋراپ، وقۋ – اعارتۋدىڭ جوعارى ساپالى دامۋىن ىلگەرىلەتەدى.

ۇقتىرۋدا مىنالار تالاپ ەتىلدى: جەر – جەر وقىتۋشىلاردى قابىلداۋ قىزمەت ورنىن عىلىمي تۇراقتاندىرىپ، ءمورال جانە زاڭمەن باسقارۋ، دەنە تاربيە جانە سالاماتتىق، عىلىم، ينفورماتسيا عىلىم – تەحنيكاسى، كوركەمونەر، ەڭبەك، پسيحيكالىق اقاۋسىزدىق، ەرەكشە وقۋ – اعارتۋ قاتارلى تاپشى پاندەر وقىتۋشىلارىن قابىلداۋ، تولىقتاۋ قىزمەتىن باعىتتامالى تۇردە كۇشەيتىپ، پاندەر اراسىنداعى، قالا – اۋىل اراسىنداعى وقىتۋشىلاردىڭ قۇرىلىمدىق قايشىلىعىن كۇش سالا شەشۋ كەرەك.

جەر ـ جەر نەگىزگى ساتى ءىسورىندارىن اشىق قابىلداۋ، بەيىمدەۋ ساياساتىن تىڭعىلىقتى تياناقتاندىرىپ، ءتىپتى دە كوپ جوعارى مەكتەپ بىتىرگەن وقۋشىلاردى، قوسىننان شەگىنگەن تاڭداۋلى اسكەريلەردى جانە قوسىننان شەگىنگەن تاڭداۋلى سپورتشىلاردى نەگىزگى ساتىعا، اسىرەسە، جاپالى، شەت ـ شالعاي وڭىرلەردەگى ورتا، باستاۋىش مەكتەپتەرگە، بالالار باقشاسىنا بارىپ وقىتۋشى بولۋعا شابىتتاندىرۋ جانە جەتەكتەۋ كەرەك.

ۇقتىرۋدا مىنالار دارىپتەلدى: جەر – جەر قىزمەتكەر قابىلداۋ ءتارتىبىن قاتايتىپ، قوعامعا قىزمەتكەر قابىلداۋ ينفورماتسياسىن اشىق جاريالاۋى كەرەك، كەمسىتۋ سيپاتتى، باعىتتامالى سيپاتتى جانە ۇيلەسىمسىز شەكتەۋ شارتتارىن قويۋعا بولمايدى. قىزمەتكەر قابىلداۋ ەمتيحانىنىڭ باعىتتامالىلىعىن، عىلىميلىعىن كۇشەيتىپ، قىزمەت ساپاسىن جوعارىلاتىپ، وقىتۋشىلاردىڭ كاسىپتىك ساپاسى مەن وقىتۋ قابىلەتىن تەكسەرۋدى كورنەكتىلەندىرىپ، شارت - جاعدايى، قاجەتى بار جەرلەردىڭ كاسىپتىك قابىلەت سىناعىن جۇرگىزۋىنە بولادى. وقىتۋشىلىق ءمورال، وقىتۋشىلىق ستيل ءبىرىنشى ولشەمىن قاتاڭ تياناقتاندىرىپ، قىزمەتكە كىرۋدەن بۇرىن قىزمەتكە شىعۋعا رۇقسات ەتۋدى تەكسەرۋ قىزمەتىن قاجەتتى بۋىن ەتىپ، وتكەلدى ويداعىداي يگەرىپ، وقۋ ـ اعارتۋدا قۇدىرەتتى ەل قۇرۋدى ىلگەرىلەتۋدى مىقتى وقىتۋشىلارمەن قامتاماسىز ەتۋ كەرەك.

كەلۋ قاينارى: حالىق تورابى