بەتتى ساقتاۋ | باس بەت ەتۋ
| حات ساندىعى
| حابارلاسىڭىز | ءبىز تۋرالى
جۇڭگو كوممۋنيستىك پارتياسى اقپارات تورابى
جۇڭگو كوممۋنيستىك پارتياسى اقپارات تورابى
جۇڭگو كوممۋنيستىك پارتياسى اقپارات تورابى
2025.05.12 15:19 كەلۋ قاينارى : حالىق تورابى
شينحۋا اگەنتتىگى، 5 - ايدىڭ 9 - كۇنى، بەيجيڭ. 5 - ايدىڭ 9 - كۇنى مەملەكەت ءتوراعاسى شي جينپيڭ شۆەتسيانىڭ پاتشاسى كارل XVI گۋستافپەن ءوزارا قۇتتىقتاۋ تەلەگرامماسىن جولداپ، ەكى ەلدىڭ ديپلوماتيالىق قارىم - قاتىناس ورناتقاندىعىنىڭ 75 جىلدىعىن قۇتتىقتادى.
شي جينپيڭ بىلاي دەپ اتاپ كورسەتتى: شۆەتسيا − جاڭا جۇڭگومەن ءبىرىنشى توپتا ديپلوماتيالىق قارىم - قاتىناس ورناتقان ەۆروپا ەلدەرىنىڭ ءبىرى. ديپلوماتيالىق قارىم - قاتىناس ورناتقان 75 جىلدان بەرى جۇڭگو - شۆەتسيا قارىم - قاتىناسى جالپى جاقتان ورنىقتىلىقتى ساقتاپ، ەكى ەلدىڭ ەكونوميكا - ساۋدا، عىلىم - تەحنيكا، وقۋ - اعارتۋ، گۋمانيتارلىق سياقتى سەلبەستىگى ۇزدىكسىز كەڭەيىپ، بەلسەندى جەتىستىكتەرگە قول جەتكىزدى. مەن جۇڭگو - شۆەتسيا قارىم - قاتىناسىنىڭ دامۋىنا ايرىقشا ءمان بەرەمىن، پاتشا كارل XVI گۋستافپەن بىرگە قۇلشىنىپ، ەكى ەلدىڭ ديپلوماتيالىق قارىم - قاتىناس ورناتقاندىعىنىڭ 75 جىلدىعىن جاڭا باستاما ەتىپ، ەكى ەلدى ساياسي ءوزارا سەنىمدىلىكتى ارتتىرۋعا، ناقتى سەلبەستىكتى تەرەڭدەتۋگە، ادامداردىڭ بارىس - كەلىسىن جيىلەتۋگە، كوپ جاقتىلىقتى جانە ەركىن ساۋدانى بىرگە قولداۋعا، ەكى ەل حالقىنا اناعۇرلىم كوپ ىرىس - قۇت اكەلۋگە، دۇنيە ءجۇزىنىڭ بەيبىتشىلىگىنە، گۇلدەنۋىنە اناعۇرلىم زور ۇلەس قوسۋعا باستاۋدى قالايمىن.
كارل XVI گۋستاف مىنالاردى ءبىلدىردى: شۆەتسيا مەن جۇڭگونىڭ ديپلوماتيالىق قارىم - قاتىناس ورناتقاندىعىنىڭ 75 جىلدىعى قارساڭىندا، مەن شۆەتسيا مەن جۇڭگونىڭ تىعىز سەلبەستىگىنىڭ ۇزدىكسىز تەرەڭدەۋىن شىن جۇرەكتەن تىلەيمىن، شۆەتسيا مەن جۇڭگونىڭ دوستىق قارىم - قاتىناسىنىڭ ۇزدىكسىز دامۋىن ءۇمىت ەتەمىن.
