شي جينپيڭ سەربيانىڭ زۇڭتۇڭى ۆۋچيچپەن كەزدەستى

سول جەر ۋاقىتى 5 - ايدىڭ 9 - كۇنى تۇستەن كەيىن مەملەكەت ءتوراعاسى شي جينپيڭ ماسكەۋدە سوۆەت وداعى ۇلى وتان سوعىسى جەڭىسكە جەتكەندىگىنىڭ 80 جىلدىعىن قۇتتىقتاۋ سالتىنا قاتىناسقان كەزدە سەربيانىڭ زۇڭتۇڭى ۆۋچيچپەن كەزدەستى.

سۋرەتتى شينحۋا اگەنتتىگىنىڭ ءتىلشىسى ديڭ حايتاۋ تۇسىرگەن

«حالىق گازەتى»، 5 - ايدىڭ 9 - كۇنى، ماسكەۋ (تىلشىلەر چىن جىنكاي، ليۋ شاۋحۋا). سول جەر ۋاقىتى 5 - ايدىڭ 9 - كۇنى تۇستەن كەيىن مەملەكەت ءتوراعاسى شي جينپيڭ ماسكەۋدە سوۆەت وداعى ۇلى وتان سوعىسى جەڭىسكە جەتكەندىگىنىڭ 80 جىلدىعىن اتاپ وتۋگە ارنالعان قۇتتىقتاۋ سالتىنا قاتىناسقان كەزدە سەربيانىڭ زۇڭتۇڭى ۆۋچيچپەن كەزدەستى.

شي جينپيڭ بىلاي دەپ اتاپ كورسەتتى: بىلتىر 5 - ايدا مەن سەربيادا مەملەكەتتىك ساپاردا بولدىم.

ءبىر جىلدان بەرى جاڭا داۋىردەگى جۇڭگو - سەربيا تاعدىرلاس ورتاق تۇلعا قۇرىلىسىنىڭ باستاماسى جاقسى بولدى، تابىستارى جۇرتقا ايان. دۇنيە ءجۇزىنىڭ 100 جىلدىق وزگەرىسىنىڭ جەدەل قۇبىلۋى، كوپ ءتۇرلى حاۋىپ - قاتەر مەن سىن - سايىستىڭ قاباتتاسۋى الدىندا، جۇڭگو مەن سەربيا ستراتەگيالىق تاباندىلىقتى ساقتاپ، زەيىن - زەردەنى شوعىرلاندىرا وتىرىپ ءوز ىستەرىن ويداعىداي ىستەپ، مىزعىماس دوستىققا مۇراگەرلىك ەتىپ جانە ونى ساۋلەلەندىرىپ، ءوزارا ءتيىمدى سەلبەستىكتى تەرەڭدەتىپ، كەڭەيتىپ، جۇڭگو مەن سەربيانىڭ تاعدىرلاس ورتاق تۇلعاسى قۇرىلىسىن جوعارى ساپامەن ىلگەرىلەتۋى كەرەك. جۇڭگو جاق سەربيا جاقپەن ستراتەگيالىق بايلانىستى تەرەڭدەتىپ، ءوزارا قولداۋدى كۇشەيتىپ، ساۋدا، قارجى قوسۋ سەلبەستىگىن كۇشەيتىپ، قاتىستى نىسان قۇرىلىستارى مەن اينالىمىن ۇزدىكسىز قولداپ، ۇلگى كورسەتۋ ونىمدىلىگىن تولىق ساۋلەلەندىرىپ، اناعۇرلىم كوپ ءوزارا پايدا جەتكىزىپ، تەڭ يگىلىككە كەنەلۋ جەتىستىكتەرىنە قول جەتكىزۋدى قالايدى.

شي جينپيڭ بىلاي دەپ باسا دارىپتەدى: 80 جىلدىڭ الدىندا جۇڭگو حالقى مەن سەربيا حالقى فاشيزمگە قارسى سوعىستا جەكە - جەكە ازيا مەن ەۆروپا سوعىس مايدانىنىڭ جەڭىسىنە ماڭىزدى ۇلەس قوستى. جۇڭگو جاق سەربيانى قامتىعان دۇنيە جۇزىندەگى ءار ەلمەن بىرگە سىن - سايىسقا ىنتىماقتاسا سەلبەسىپ توتەپ بەرۋدى، دۇنيە ءجۇزىنىڭ بەيبىتشىلىگىن جانە حالىقارالىق ادىلدىكتى، تۋراشىلدىقتى بىرگە قورعاۋدى، ەكونوميكانىڭ جاھاندانۋ جەتىستىگىن قورعاۋدى، ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتۋدى قالايدى.

ۆۋچيچ مىنالاردى ءبىلدىردى: جۇڭگو − سەربيانىڭ ەڭ قاستەرلى دوسى، سەربيانى قالتقىسىز قولداپ - قۋاتتاپ كەلەدى، سەربيانىڭ ەكونوميكانى دامىتۋىنا، حالىق تۇرمىسىن جاقسارتۋىنا دەم بەردى. سەربيا جاق ءبىر جۇڭگو پرينسيبىنە بۇلجىماي بويسۇنىپ، قاشان دا تايۋان − جۇڭگو تەرريتورياسىنىڭ ايرىلماس ءبىر بولىگى دەپ قارايدى. سەربيا جاق جۇڭگومەن ەكونوميكا - ساۋدا بارىس - كەلىسىن كەڭەيتۋدى قالايدى، اناعۇرلىم كوپ جۇڭگو كاسىپورىندارىنىڭ سەربياعا بارىپ قارجى قوسىپ، كاسىپتى گۇلدەندىرۋىن قارسى الادى، تاماشا شارۋاشىلىق - ساۋدا ورتاسىن ازىرلەيدى. جۇڭگو جاقتىڭ 2027 - جىلعى بەلگرادتىڭ كاسىپتىك تۇردەگى دۇنيە جۇزىلىك كورمەسىنە بەلسەنە قاتىناسۋىن ءۇمىت ەتەمىن. سەربيا جاق جۇڭگو جاقتىڭ كوپ جاقتىلىقتى باتىل قولداعاندىعىن القايدى، جۇڭگو جاقتىڭ ۇستانىمى مەن ارەكەتى حالىقارالىق قوعامنىڭ ورتاق مۇددەنى قورعاۋداعى باتىلدىعى مەن سەنىمىن كۇشەيتتى، سەربيا جاق جۇڭگو جاقپەن ىنتىماقتاسا وتىرىپ سىڭار جاقتىلىق، قورعانىمپازدىق اكەلگەن سىن - سايىسقا توتەپ بەرۋدى قالايدى.

ساي چي، ۋاڭ ي قاتارلىلار قاتىناستى.