شي جينپيڭ كۋبانىڭ مەملەكەت ءتوراعاسى دياز - كانەلمەن كەزدەستى

سول جەر ۋاقىتى 5 - ايدىڭ 9 - كۇنى تۇستەن كەيىن مەملەكەت ءتوراعاسى شي جينپيڭ ماسكەۋدە سوۆەت وداعى ۇلى وتان سوعىسى جەڭىسكە جەتكەندىگىنىڭ 80 جىلدىعىن قۇتتىقتاۋ سالتىنا قاتىناسقان كەزدە كۋبانىڭ مەملەكەت ءتوراعاسى دياز - كانەلمەن كەزدەستى.

سۋرەتتى شينحۋا اگەنتتىگىنىڭ ءتىلشىسى جاڭ ليڭ تۇسىرگەن

«حالىق گازەتى»، 5 - ايدىڭ 9 - كۇنى، ماسكەۋ (تىلشىلەر شيە ياحۇڭ، كۋاڭ شيشي). سول جەر ۋاقىتى 5 - ايدىڭ 9 - كۇنى تۇستەن كەيىن مەملەكەت ءتوراعاسى شي جينپيڭ ماسكەۋدە سوۆەت وداعى ۇلى وتان سوعىسى جەڭىسكە جەتكەندىگىنىڭ 80 جىلدىعىن قۇتتىقتاۋ سالتىنا قاتىناسقان كەزدە كۋبانىڭ مەملەكەت ءتوراعاسى دياز - كانەلمەن كەزدەستى.

شي جينپيڭ بىلاي دەپ اتاپ كورسەتتى: تاياۋ جىلداردان بەرى مەن ءتوراعا جولداسپەن تالاي رەت كەزدەسىپ، جۇڭگو - كۋبا قارىم - قاتىناسىنىڭ ساياسي ءوزارا سەنىمدىلىگى اناعۇرلىم تەرەڭ، ستراتەگيالىق سەلبەستىگى اناعۇرلىم تىعىز، حالىق رايى نەگىزى اناعۇرلىم بەرىك جاڭا كەزەڭگە وتۋىنە بىرگە جەتەكشىلىك ەتتىم. بيىل − جۇڭگو مەن كۋبانىڭ ديپلوماتيالىق قارىم - قاتىناس ورناتقاندىعىنىڭ 65 جىلدىعى، جۇڭگو جاق كۋبا جاقپەن مىزعىماس سۇيىسپەنشىلىكتى ونان ارى بەكەمدەپ، اناعۇرلىم تىعىز جۇڭگو - كۋبا تاعدىرلاس ورتاق تۇلعاسىن قۇرىپ، سوتسياليستىك مەملەكەتتەردىڭ ىنتىماقتاسا سەلبەسۋىنىڭ، وركەندەپ كەلە جاتقان ەلدەردىڭ شىن نيەتپەن ءوزارا قارايلاسۋىنىڭ ۇلگىسىن ورناتۋدى قالايدى. ەكى جاق ءار جىكتەگى بارىس - كەلىستىڭ، ءار سالاداعى سەلبەستىكتىڭ اناعۇرلىم تەرەڭدەۋىن، ناقتىلانۋىن جەبەپ، جوعارى دەڭگەيلى ساياسي ءوزارا سەنىمدىلىكتى باستان - اياق جۇڭگو - كۋبا ەكى پارتيا، ەكى ەل قارىم - قاتىناسىنىڭ ايقىن بەلگىسىنە اينالدىرۋى كەرەك. جۇڭگو جاق كۋبانىڭ مەملەكەتتىڭ يەلىك ۇقىعىن قورعاۋىن، سىرتتىڭ كيلىگۋى مەن قۇرساۋلاۋىنا قارسى تۇرۋىن باتىل قولدايدى، كۋبانىڭ ەكونوميكالىق، قوعامدىق دامۋىن قولدايدى. دۇنيە جۇزىندەگى وڭتۇستىكتىڭ ماڭىزدى مۇشەسى رەتىندە، ەكى جاق بريكس ەلدەرى، جۇڭگو - لاتىن امەريكاسى تالقى مىنبەرى سياقتى جۇلگەدە سايكەسۋ مەن سەلبەسۋدى كۇشەيتىپ، وكتەمدىك ساياسي مەن سىڭار جاقتى زورەكەرلىككە قارسى تۇرىپ، حالىقارالىق ادىلدىك پەن ادىلەتتىلىكتى قورعاۋى كەرەك.

دياز - كانەل مىنالاردى ءبىلدىردى: كۋبا مەن جۇڭگو − ەتەنە دوستار جانە باۋىرلاستار، كۋبا جاق جۇڭگو جاقتىڭ ۇزاق ۋاقىتتان بەرى كۋبانىڭ ەكونوميكاسىنىڭ، قوعامىنىڭ دامۋىن زور كۇشپەن قولداعاندىعىنا العىس ايتادى. كۋبا جاق ءبىر جۇڭگو پرينسيبىنەن بۇلجىمايدى، جۇڭگو جاقپەن ءوزارا ءتيىمدى سەلبەستىكتى كۇشەيتىپ، حالىقتىڭ دوستىق بارىس - كەلىسىن نىعايتىپ، حالىقارالىق جانە وڭىرلىك ىستەردەگى سايكەسۋدى، سەلبەسۋدى كۇشەيتىپ، تاعدىرلاس ورتاق تۇلعانى ىشكەرىلەي قۇرىپ، ەكى ەل قارىم - قاتىناسىنىڭ اناعۇرلىم زور دامۋعا قول جەتكىزۋىن ىلگەرىلەتۋدى قالايدى. كۋبا جاق ءۇش ءىرى دۇنيە جۇزىلىك باستامانى قولدايدى، جۇڭگو جاقپەن بىرگە سىڭار جاقتىلىققا، قورعانىمپازدىققا قارسى تۇرىپ، حالىقارالىق قوعامنىڭ ورتاق مۇددەسىن قورعاۋدى قالايدى.

ساي چي، ۋاڭ ي قاتارلىلار قاتىناستى.