شي جينپيڭ سلوۆاكيانىڭ زۇڭليى فيزومەن كەزدەستى

سول جەر ۋاقىتى 5 - ايدىڭ 9 - كۇنى كەشتە مەملەكەت ءتوراعاسى شي جينپيڭ ماسكەۋدە سوۆەت وداعى ۇلى وتان سوعىسى جەڭىسكە جەتكەندىگىنىڭ 80 جىلدىعىن اتاپ وتۋگە قاتىناسقان كەزدە سلوۆاكيانىڭ زۇڭليى فيزومەن كەزدەستى.

سۋرەتتى شينحۋا اگەنتتىگىنىڭ ءتىلشىسى ۋاڭ يە تۇسىرگەن

«حالىق گازەتى»، 5 - ايدىڭ 9 - كۇنى، ماسكەۋ (تىلشىلەر جياڭ جۇڭچي، لي بوۋىن). سول جەر ۋاقىتى 5 - ايدىڭ 9 - كۇنى كەشتە مەملەكەت ءتوراعاسى شي جينپيڭ ماسكەۋدە سوۆەت وداعى ۇلى وتان سوعىسى جەڭىسكە جەتكەندىگىنىڭ 80 جىلدىعىن اتاپ وتۋگە ارنالعان قۇتتىقتاۋ سالتىنا قاتىناسقان كەزدە سلوۆاكيانىڭ زۇڭليى فيزومەن كەزدەستى.

شي جينپيڭ بىلاي دەپ اتاپ كورسەتتى: جۇڭگو - سلوۆاكيا قارىم - قاتىناسىنىڭ جان - جاقتى، تەرەڭ ساتىلى، جوعارى دەڭگەيلى دامۋىن ىلگەرىلەتۋ ەكى ەل حالقىنىڭ ءتۇبىرلى مۇددەسىنە ۇيلەسەدى، ەسىك اشىپ سەلبەسەۋ، ءوزارا تيىمدىلىك جەتكىزىپ تەڭ يگىلىككە كەنەلۋ تاريحي اۋقىمىنا ۇيلەسەدى. بىلتىر 11 - ايدا ءسىز جۇڭگودا ساپاردا بولعان كەزىڭىزدە كەلىسكەن ماڭىزدى ورتاق تانىمدارىمىز بەلسەنە تياناقتانىپ، جۇڭگو مەن سلوۆاكيانىڭ ستراتەگيالىق سەرىكتەستىك قارىم - قاتىناسى ”جەدەل دامۋ ارناسىنا“ ءتۇستى. ەكى جاق ءداستۇرلى دوستىقتى ۇزدىكسىز تەرەڭدەتىپ، جوعارى جىكتەگىلەردىڭ بارىس - كەلىسىن جيىلەتىپ، ءوزارا قولداۋدى بەكەمدەپ، ءوزارا ءتيىمدى سەلبەستىكتى كەڭەيتىپ، ”ءبىر بەلدەۋ، ءبىر جولدى“ جوعارى ساپامەن بىرگە قۇرىپ، جۇڭگو - سلوۆاكيا، جۇڭگو - ەۆروپا قارىم - قاتىناسىنىڭ ورنىقتى، باياندى بولۋىن ىلگەرىلەتۋى كەرەك. جۇڭگو جاق سلوۆاكيانىڭ نەگىزگى قوناق ەل رەتىندە 4 - كەزەكتى جۇڭگو - ورتا، شىعىس ەۆروپا ەلدەرى كورمەسىنە قاتىناسۋىن قارسى الادى، سلوۆاكيانىڭ ساپالى ونىمدەرىن جۇڭگوعا ەكسپورت ەتۋدى ىلگەرىلەتىپ، ءتىپتى دە كوپ جۇڭگو كاسىپورىندارىنىڭ سلوۆاكياعا بارىپ قارجى قوسىپ، كاسىپتى گۇلدەندىرگەندىگىن قۋانا كورىپ وتىر. جۇڭگو جاق سلوۆاكيا سياقتى ءار ەلمەن بىرگە سايىستارعا ىنتىماقتاسا توتەپ بەرىپ، حالىقارالىق ادىلدىكتى، تۋراشىلدىقتى قورعاۋدى قالايدى. سلوۆاكيا جاقتىڭ جۇڭگو - ەۆروپا قارىم - قاتىناسىنىڭ ۇزدىكسىز جاقسارۋىن، العا قاراي دامۋىن ىلگەرىلەتۋدە بەلسەندى رول اتقارۋىن ءۇمىت ەتەمىن.

فيزو مىنالاردى ءبىلدىردى: سلوۆاكيا مەن جۇڭگونىڭ ستراتەگيالىق سەرىكتەستىك قارىم - قاتىناسىن تەرەڭدەتۋ − سلوۆاكيانىڭ ديپلوماتيالىق ساياساتىنىڭ ەڭ ماڭىزدى ءتۇيىنى. سلوۆاكيا ءبىر جۇڭگو ساياساتىنا تاباندى بولىپ، جۇڭگومەن دوستىق جانە ءوزارا ءتيىمدى سەلبەستىكتى بەلسەنە ىلگەرىلەتىپ، ساۋدا، قارجى قوسۋ سەلبەستىگىن كۇشەيتىپ، گۋمانيتارلىق اۋىس - كۇيىستى جيىلەتىپ، ەكى ەل قارىم - قاتىناسىنىڭ اناعۇرلىم زور دامۋعا قول جەتكىزۋىن ىلگەرىلەتەدى. ەۆروپا مەن جۇڭگونىڭ اقاۋسىز، ورنىقتى قارىم - قاتىناسى ەكى جاقتىڭ ورتاق مۇددەسىنە ۇيلەسەدى، سلوۆاكيا جاق ەۆروپا - جۇڭگو قارىم - قاتىناسىنىڭ دامۋىن ىلگەرىلەتۋگە كۇش سالادى. سلوۆاكيا جاق جۇڭگو جاق العا قويعان ادامزاتتىڭ تاعدىرلاس ورتاق تۇلعاسىن قۇرۋ سياقتى كەلەلى باستامالاردى قولدايدى، جۇڭگو جاقتىڭ ۋكراينا، ورتا شىعىس سياقتى ماسەلەلەردەگى تۇرعىسىن جانە سىندارلى رولىن القايدى، جۇڭگو جاقپەن بىرگە كوپ جاقتىلىققا تاباندى بولۋدى، ەركىن ساۋدا ەرەجەسىن قورعاۋدى، دۇنيە جۇزىلىك كاسىپ سالاسى تىزبەگىنىڭ، قامداۋ تىزبەگىنىڭ ورنىقتىلىعىن قورعاۋدى قالايدى.

ساي چي، ۋاڭ ي قاتارلىلار قاتىناستى.