وقۋ – اعارتۋ مينيسترلىگى: اۋدان كولەمىندەگى ادەتتەگى ورتا مەكتەپتەردە تىرەكتى وقىتۋشى قىزمەت ورنى قۇرىلادى

ءتىلشىنىڭ 5 – ايدىڭ 12 – كۇنى وقۋ – اعارتۋ مينيسترلىگىنەن ۇعىسۋىنشا، «وقۋ – اعارتۋدا قۇدىرەتتى ەل قۇرۋ جوبا باعدارلاماسىن (2024 – جىلدان 2035 – جىلعا دەيىن)» جاپپاي تياناقتاندىرىپ، اۋدان كولەمىندەگى ادەتتەگى ورتا مەكتەپتەردە ءبىر توپ كوشباسشى وقۋ – اعارتۋ دارىندىلارىن تاربيەلەۋ ءۇشىن، وقۋ – اعارتۋ مينيسترلىگى كەڭسەسى تاياۋدا «مەملەكەت بويىنشا اۋدان كولەمىندەگى ادەتتەگى ورتا مەكتەپتەردە تىرەكتى وقىتۋشى قىزمەت ورنى جوسپارىن اتقارۋ جونىندەگى ۇقتىرۋدى» باسىپ تاراتقان.

ۇقتىرۋدا مىنالار اتاپ كورسەتىلدى: اۋداندا تىرەكتى وقىتۋشىلار قىزمەت ورنىن قۇرىپ، ساياسي ساپاسى، كاسىپتىك ساپاسى ىسىلعان، ادام تاربيەلەۋ ورەسى جوعارى، ۇيىمداستىرۋ، سايكەستىرۋ قابىلەتى كورنەكتى اۋدانداعى تاڭداۋلى وقىتۋشىلار ۇستىنە الىپ، ولاردىڭ قىزمەت كەڭسەسىن قۇرۋىنا قولداۋ كورسەتىپ، شابىت بەرىپ، اۋىس – كۇيىس جاساۋ، ءوسىپ – جەتىلۋ تەكشەسىن قۇرىپ، اۋدان كولەمىندەگى پاندەردىڭ كاسىپتىك دامۋ ورتاق تۇلعاسىن قۇرىپ، ۇيىمدىق عىلىمي زەرتتەۋدى ورىستەتىپ، وقۋ – اعارتۋ تانىمىندا جاڭالىق جاراتىپ، وقىتۋ ءادىسىن زەرتتەپ، اۋداندارداعى وقىتۋشىلار قوسىنى قۇرىلىسىنا ىقپال جاساۋ جانە جەتەكشىلىك ەتۋ كەرەك. تىرەكتى وقىتۋشىلاردىڭ قىزمەت ورنى جوسپارىندا ۇسىنىس ەتۋ مەرزىمى ءتۇزىمى اتقارىلادى، ءار توپتا ۇسىنىس ەتۋ مەرزىمى 3 جىل، العاشقى توپتا 600 ادام بولادى.

ۇقتىرۋعا ساي، وقۋ – اعارتۋ مينيسترلىگى قاتىستى جاقتاردى سايكەستىرىپ، قىزمەت كەڭسەلەرىن ”سايكەستى ساباقحانا“ دىبىس – كەسكىن جابدىقتارىمەن قامدايدى ءارى ورتا، باتىس بولەكتەگى رايونداردىڭ (شىعىس سولتۇستىك رايوندى قامتيدى) قىزمەت كەڭسەلەرىنە قاراجات جاعىنان قولداۋ كورسەتەدى، ناتيجەسى كورنەكتى ولكەلەردىڭ وقىتۋشىلار قوسىنى قۇرىلىسىنداعى كەلەلى رەفورما سىناق تۇيىندەرىندە، كەلەلى ينجەنەريا نىساندارى قۇرىلىسىندا بەيىمدەلۋىنە قولداۋ كورسەتەدى. تىرەكتى وقىتۋشىلاردى قولداۋعا قاتىناسقان جوعارى مەكتەپتەر مەن جەكەلەرگە، سونداي – اق تىرەكتى وقىتۋشىلاردىڭ وزىنە قاتىستى بەيىمدەلۋ، شابىتتاندىرۋ ارقىلى اۋداندارداعى جوعارى ساپالى، ماماندانعان وقىتۋشىلار قوسىنىن كۇش سالا قۇرىپ، وقۋ - اعارتۋدىڭ جوعارى ساپالى دامۋىن ىلگەرىلەتۋدى دارىندىلار تىرەگىمەن جانە ءتۇبىرلى كەپىلمەن قامدايدى.

كەلۋ قاينارى: حالىق تورابى