الەۋمەتتىك ساياسات پەن قوعامداعى حالىق تۇرمىسى سالاسىنا قاتىستى وسەك – اياڭ تاراتقان تىركەلگىلەردەن 2210 تىركەلگىنى انىقتاپ ءبىرجاقتى ەتتى 

ءتىلشىنىڭ 5 – ايدىڭ 12 – كۇنى ورتالىق كوميتەتتىڭ ينتەرنەت حاۋىپسىزدىگى جانە ينفورماتسيالاندىرۋ كوميتەتىنىڭ كەڭسەسىنەن ۇعىسۋىنشا، جۋىردا ءىشىنارا ينتەرنەتتىك تىركەلگىلەر AI تەحنيكاسىن الباتى پايدالانۋ، جالعاپ قۇراستىرۋ قاتارلى تاسىلدەر ارقىلى جالعاننان توساتتان تۋىلعان وقيعالاردى قۇراستىرىپ، الەۋمەتتىك ساياساتتاردى ويدان قيىستىرىپ، قوعامداعى حالىق تۇرمىسىنا ساياتىن وسەك – اياڭداردى ويدان شىعارىپ، ينتەرنەتتى قولدانۋشىلاردىڭ تانىمىن الجاستىرىپ، جۇرتشىلىقتى ۇرەيلەندىرىپ، قوعامدىق ءتارتىپتى بۇلدىرگەن. ينتەرنەت حاۋىپسىزدىگى جانە ينفورماتسيالاندىرۋ تاراۋلارى توراپتار مەن تەكشەلەردىڭ باقىلاۋ مەن ءبىرجاقتى ەتۋ، اشكەرەلەۋ تەبىنىن ۇزدىكسىز ارتتىرۋىنا، وسەك – اياڭدى العاش رەت تاراتقان تىركەلگىلەردى دەر كەزىندە تەكتەۋىنە جانە توقتاتۋىنا جەتەكشىلىك ەتىپ، زاڭ – تۇزىمگە قايشىلىق جاساعان تىركەلگىلەردەن 2210 تىركەلگىنى ءبىرجاقتى ەتكەن.

ورتالىق كوميتەتتىڭ ينتەرنەت حاۋىپسىزدىگى جانە ينفورماتسيالاندىرۋ كوميتەتىنىڭ كەڭسەسى ” AI ارقىلى ۇتىس بەلەتىنىڭ ءنومىرىن ءجۇز پايىز دۇرىس بولجاۋعا بولادى“ دەگەن وسەك – اياڭ، ”حاڭجوۋدىڭ بينجياڭ رايونىندا اۋىر قىلمىستىق ىستەر وقيعاسى تۋىلدى“ دەگەن وسەك – اياڭ، ”يۇننان ولكەسى دىحۇڭ وبلىسى ماڭشى قالاسىندا 5.8 بال جەر سىلكىندى“ دەگەن وسەك – اياڭ، ”جۇڭگو مۇگەدەكتەر بىرلەستىگىنىڭ ۇگىت – مادەنيەت ءبولىمى APP دەتالىن ينتەرنەتتە سىناق ەتتى“ دەگەن وسەك – اياڭ قاتارلى ءىشىنارا تيپتىك دەلولار جونىندە اشىق حابارلاندىرۋ شىعارعان.

ورتالىق كوميتەتتىڭ ينتەرنەت حاۋىپسىزدىگى جانە ينفورماتسيالاندىرۋ تاراۋىنىڭ قاتىستى جاۋاپتىسىنىڭ ايتۋىنشا، الدا ينتەرنەتتەگى وسەك – اياڭدى باقىلاۋ – سوققى بەرۋ تەبىنىن ۇزدىكسىز كۇشەيتىپ، وسەك – اياڭ تاراتقان تىركەلگىلەردى قاتاڭ تەكسەرىپ ءبىرجاقتى ەتىپ، زاڭ – تۇزىمگە قايشىلىق جاساعان تيپتىك دەلولاردى دەر كەزىندە اشكەرەلەپ، پارمەندى تۇردە تىكسىندىرۋ جانە ۇرەيلەندىرۋ اسەرىن قالىپتاستىرادى.

كەلۋ قاينارى: حالىق تورابى