ەلىمىز بويىنشا قالالار ارا بىرلەسىپ جوعارى مەكتەپتەردەن وقۋ بىتىرگەندەردەن قىزمەتكە ادام قابىلداۋ ارناۋلى قيمىلى بويىنشا ەرەكشەلىككە يە قىزمەت وتەۋ قيمىلى ورىستەتىلدى 

حالىق گازەتىنىڭ ءتىلشىسى شىن تۇڭرۇي 5 – ايدىڭ 13 – كۇنى بەيجيڭنەن حابارلايدى. ءتىلشىنىڭ ادام كۇشى بايلىعى جانە قوعامدىق قامتاماسىزداندىرۋ مينيسترلىگىنەن ۇعىسۋىنشا، جۇمىستاندىرۋ ارقىلى بولاشاققا جول سىلتەۋ — ەلىمىز بويىنشا 2025 - جىلى قالالار ارا بىرلەسىپ جوعارى مەكتەپتەردەن وقۋ بىتىرگەندەردەن قىزمەتكە ادام قابىلداۋ قيمىلىنىڭ كوكتەمگى ارناۋلى قيمىلى بارىسىندا التى توپتاعى ەرەكشەلىككە يە قىزمەت وتەۋ قيمىلى ورىستەتىلەدى، جۇيەدەن وقۋ – اعارتۋ، عىلىم – تەحنيكا، جاساۋ كاسىبى، وسىزامانعى قىزمەت وتەۋ كاسىبى، سيفرلى كاسىپ سالاسى، جاڭا ەنەرگيا قاتارلى كاسىپتەر مەن سالالار بويىنشا ينتەرنەت ارقىلى جانە ينتەرنەتتەن سىرت فورمادا ارناۋلى تۇردە جانە مەكتەپ اۋلاسىندا قىزمەتكە ادام قابىلداۋ قيمىلى ورىستەتىلەدى؛ 2 رەت وڭىرلەر ارا شارلاپ ءجۇرىپ قىزمەتكە ادام قابىلداۋ قيمىلى وتكىزىلەدى؛ 42 رەت تىكە تاراتىلىم ارقىلى قىزمەت ورنىن تانىستىرۋ قيمىلى وتكىزىلەدى؛ 9 رەت ساياساتتى ۇگىتتەۋ – ءتۇسىندىرۋ جانە جۇمىستانۋعا جەتەكشىلىك ەتۋ جاعىنداعى تىكە تاراتىلىم (ءتۇسىرىلىمدى تاراتىلىم) ساباعى قاتارلىلار وتكىزىلەدى، وسى ارقىلى جوعارى مەكتەپتەن وقۋ بىتىرەتىن ستۋدەنتتەرگە جۇمىستانۋ جاعىندا دالمە – ءدال، كوپ نەگىزدەنگەن قىزمەت وتەۋدى ازىرلەيدى.

جوعارى مەكتەپتەردەن وقۋ بىتىرەتىن ستۋدەنتتەر مەن جۇمىس ورنىن ازىرلەيتىن ورىنداردىڭ جۇڭگو مەملەكەتتىك دارىندىلار تورابىنا جانە جۇڭگو الەۋمەتتىك قىزمەتكەر قابىلداۋ تورابىنا شىعىپ، قاتىستى ينفورماتسيالاردى سۇراستىرۋىنا جانە ءتۇرلى ارناۋلى قىزمەت وتەۋ قيمىلدارىنا قاتىناسۋىنا بولادى.

كەلۋ قاينارى: حالىق تورابى