ءتورت تاراۋ «2025 – جىلعى سيفرلاندىرىلعان اۋىل – قىستاقتى دامىتۋ قىزمەتىنىڭ باستى تۇيىندەرىن» باسىپ تاراتتى 

شينحۋا اگەنتتىگىنىڭ 5 – ايدىڭ 13 – كۇنى بەيجيڭنەن بەرگەن حابارى. ءتىلشىنىڭ 5 – ايدىڭ 13 – كۇنى ورتالىق كوميتەتتىڭ ينتەرنەت حاۋىپسىزدىگى جانە ينفورماتسيالاندىرۋ كوميتەتى كەڭسەسىنەن ۇعىسۋىنشا، ورتالىق كوميتەتتىڭ ينتەرنەت حاۋىپسىزدىگى جانە ينفورماتسيالاندىرۋ كوميتەتى كەڭسەسى، مەملەكەتتىك دامۋ – رەفورما كوميتەتى، ونەركاسىپ جانە ينفورماتسيالاندىرۋ مينيسترلىگى جۋىردا «2025 – جىلعى سيفرلاندىرىلعان اۋىل – قىستاقتى دامىتۋ قىزمەتىنىڭ باستى تۇيىندەرىن» باسىپ تاراتىپ، اۋىل شارۋاشىلىعىن گۇلدەندىرىپ، شارۋالارعا تيىمدىلىك جەتكىزۋ، شارۋالاردى بايىتۋ سىندى مىندەت نىساناسىن كوزدەي وتىرىپ، 9 ءتۇرلى جاقتاعى ءتۇيىندى مىندەتتەر جونىندە ورنالاستىرۋ جاساپ، اۋىل شارۋاشىلىعىنىڭ ونىمدىلىگىن ارتتىرۋدى، اۋىل - قىستاقتىڭ ومىرشەڭدىك قۋاتىن كۇشەيتۋدى، شارۋالاردىڭ كىرىسىن ارتتىرۋدى ىلگەرىلەتۋگە كۇش سالدى.

قىزمەتتىڭ باستى تۇيىندەرىندە سيفرلاندىرىلعان اۋىل – قىستاق قۇرىلىسىن دامىتۋ نەگىزىن بەكەمدەۋ، ”ەكى تومەنگى شەكتى“ بەكەمدەۋگە پارمەندى تىرەك ازىرلەۋ، پاراساتتى اۋىل شارۋاشىلىعىن دامىتۋدى جەدەل ىلگەرىلەتۋ، اۋىل – قىستاقتاعى جاڭا كاسىپ سالاسى مەن جاڭا كاسىپ كۇيىن زورايتۋ، اۋىل – قىستاقتاعى سيفرلاندىرىلعان مادەنيەتتى وركەندەتۋ، اۋىل – قىستاقتى سيفرلاندىرىپ جونگە سالۋدىڭ ونىمدىلىگىن جوعارىلاتۋ، اۋىل – قىستاقتى سيفرلاندىرۋ جاعىندا جالپىعا ءتيىمدى قىزمەت وتەۋمەن قامداۋدى ىشكەرىلەي ورىستەتۋ، پاراساتتى دا كورىكتى اۋىل – قىستاق قۇرىلىسىن ىلگەرىلەتۋ، سيفرلاندىرىلعان اۋىل – قىستاق قۇرىلىسىن ءبىرتۇتاس جوسپارلاپ ىلگەرىلەتۋ قاتارلى 9 ءتۇرلى جاقتاعى باستى مىندەتتەر جونىندە ورنالاستىرۋ جاسالدى.

قىزمەتتىڭ باستى تۇيىندەرىندە مىنالار ايقىندالدى: 2025 – جىلدىڭ سوڭىنا دەيىن، سيفرلىق تەحنيكانىڭ مەملەكەتتىڭ استىق حاۋىپسىزدىگىنە كەپىلدىك ەتۋ، كولەمدى سيپاتتاعى قايتا كەدەيلەنۋدىڭ تۋىلۋىنان ساقتانۋداعى رولىنىڭ اناعۇرلىم ايگىلەنۋىنە كەپىلدىك ەتۋ كەرەك. بۇكىل ەلىمىز بويىنشا اكىمشىلىك قىستاقتارعا 5G دىڭ جەتكىزىلۋ مولشەرى %90 تەن اسىرىلادى، اۋىل – قىستاقتارداعى ينتەرنەتتى جالپىلاستىرۋ مولشەرى ورنىقتى ارتتىرىلادى، اۋىل شارۋاشىلىعى ءوندىرىسىن ينفورماتسيالاندىرۋ ورەسى اناعۇرلىم جوعارىلاتىلادى، اۋىل شارۋاشىلىعى ونىمدەرىن ينتەرنەت ارقىلى ساۋدالاۋ مولشەرى ۇزدىكسىز ورنىقتى ارتتىرىلادى، اۋىل – قىستاقتاعى سيفرلىق جونگە سالۋ ونىمدىلىگى، ينفورماتسيالاندىرىلعان قىزمەت وتەۋ ورەسى ۇزدىكسىز كۇشەيتىلەدى، سيفرلىق تەحنيكا ارقىلى قالا مەن اۋىلدىڭ پارقىن ازايتۋ، قالا مەن اۋىلدىڭ توعىسا دامۋىن جەبەۋ جەدەل ىلگەرىلەتىلەدى.

كەلۋ قاينارى: حالىق تورابى