جۇڭگو جاق ا ق ش – نا باعىتتالعان كەدەن باجىسىن رەتتەدى 

5 – ايدىڭ 13 – كۇنى، مەملەكەتتىك كەڭەستىڭ كەدەندىك باجى ەرەجەسى كوميتەتى ا ق ش – ندا ءوندىرىلىپ يمپورت ەتىلگەن تاۋارلاردان كەدەن باجىسىن ۇستەمەلەپ الۋ شاراسىن رەتتەۋ جونىندەگى ۇقتىرۋدى جاريالاعان.

جۇڭگو – ا ق ش ەكونوميكا – ساۋدا جوعارى دارەجەلىلەر كەڭەسىندە قول جەتكىزگەن ماڭىزدى ورتاق تانىمدى تياناقتاندىرۋ ءۇشىن، «جۇڭحۋا حالىق رەسپۋبليكاسىنىڭ كەدەن باجىسى زاڭى»، «جۇڭحۋا حالىق رەسپۋبليكاسىنىڭ كەدەن زاڭى»، «جۇڭحۋا حالىق رەسپۋبليكاسىنىڭ سىرتقى ساۋدا زاڭى» قاتارلى زاڭ – تۇزىمدەر مەن حالىقارالىق زاڭنىڭ نەگىزگى پرينسيپتەرىنە ساي، مەملەكەتتىك كەڭەستىڭ بەكىتۋىمەن، 2025 – جىلى 5 – ايدىڭ 14 – كۇنى ساعات 12 دەن ءبىر مينۋت وتكەننەن باستاپ، ا ق ش – ندا ءوندىرىلىپ يمپورت ەتىلگەن تاۋارلاردان كەدەن باجىسىن ۇستەمەلەپ الۋ شاراسى رەتتەلەدى. قاتىستى جاعداي مىناداي:

ءبىرىنشى، «مەملەكەتتىك كەڭەستىڭ كەدەندىك باجى ەرەجەسى كوميتەتىنىڭ ا ق ش – ندا ءوندىرىلىپ يمپورت ەتىلگەن تاۋارلاردان كەدەن باجىسىن ۇستەمەلەپ الۋ جونىندەگى ۇقتىرۋىندا» (كەدەندىك باجى ەرەجەسى كوميتەتىنىڭ 2025 – جىلعى 4 – ءنومىرلى ۇقتىرۋى) بەلگىلەنگەن كەدەن باجىسىن ۇستەمەلەپ الۋ مولشەرى %34 تەن %10 كە رەتتەلەدى، 90 كۇن ىشىندە ا ق ش – نا باعىتتالعان %24 تىك كەدەن باجىسىن الۋ ۋاقىتشا توقتاتىلادى.

ەكىنشى، «مەملەكەتتىك كەڭەستىڭ كەدەندىك باجى ەرەجەسى كوميتەتىنىڭ ا ق ش – ندا ءوندىرىلىپ يمپورت ەتىلگەن تاۋارلاردان كەدەن باجىسىن ۇستەمەلەپ الۋ جونىندەگى ۇقتىرۋىندا» (كەدەندىك باجى ەرەجەسى كوميتەتىنىڭ 2025 – جىلعى 5 – ءنومىرلى ۇقتىرۋى) جانە «مەملەكەتتىك كەڭەستىڭ كەدەندىك باجى ەرەجەسى كوميتەتىنىڭ ا ق ش – ندا ءوندىرىلىپ ەلىمىزگە يمپورت ەتىلگەن تاۋارلاردان كەدەن باجىسىن ۇستەمەلەپ الۋدى اتقارۋ جونىندەگى ەرەجەسىندە» (كەدەندىك باجى ەرەجەسى كوميتەتىنىڭ 2025 – جىلعى 6 – ءنومىرلى ۇقتىرۋى) بەلگىلەنگەن كەدەن باجىسىن ۇستەمەلەۋ شارالارىن اتقارۋ توقتاتىلادى.

كەلۋ قاينارى: حالىق تورابى