شي جينپيڭ تەلەگرامما جولداپ البانيستىڭ اۆستراليانىڭ زۇڭليى بولىپ تاعى دا سايلانعاندىعىن قۇتتىقتادى

شينحۋا اگەنتتىگى، 5 ـ ايدىڭ 13 ـ كۇنى، بەيجيڭ. 5 ـ ايدىڭ 13 ـ كۇنى مەملەكەت ءتوراعاسى شي جينپيڭ انتوني البانيسكە تەلەگرامما جولداپ، ونىڭ اۆستراليا فەدەراتسيالىق ۇكىمەتىنىڭ زۇڭليى بولىپ تاعى دا سايلانعاندىعىن قۇتتىقتادى.

شي جينپيڭ بىلاي دەپ اتاپ كورسەتتى: وتكەن 3 جىلدا مەن زۇڭلي مىرزامەن ديدارلاسىپ، جۇڭگو - اۆستراليا قارىم - قاتىناسىنىڭ دامۋىنا ساياتىن ستراتەگيالىق، جالپى جاعدايلىق، باعىتتىق ماسەلەلەر جونىندە ىشكەرىلەي پىكىرلەستىم ءارى ماڭىزدى ورتاق تانىمعا كەلىپ، ەكى ەل قارىم - قاتىناسىنىڭ جاقسارۋى مەن دامۋىنا ستراتەگيالىق جەتەكشىلىك ەتتىم. جۇڭگو مەن اۆستراليانىڭ سەلبەستىكتى ونان ارى كۇشەيتۋى ەكى ەلدىڭ بىرگە دامۋىن جۇزەگە اسىرۋدا، دۇنيە ءجۇزىنىڭ بەيبىتشىلىگى مەن ورنىقتىلىعىن جەبەۋدە ماڭىزدى مانگە يە. مەن البانيس زۇڭليمەن بىرگە قۇلشىنىپ، جۇڭگو مەن اۆستراليانىڭ جالپى بەتتىك ستراتەگيالىق ارىپتەستىك قارىم - قاتىناسىنىڭ ورنىقتى، باياندى دامۋىن ىلگەرىلەتىپ، ەكى ەل حالقىنا ءتىپتى دە زور باقىت جاراتۋدى قالايمىن.

سول كۇنى مەملەكەتتىك كەڭەستىڭ زۇڭليى لي چياڭ البانيسكە قۇتتىقتاۋ تەلەگرامماسىن جولداپ، جۇڭگو جاقتىڭ اۆستراليانىڭ جاڭا كەزەكتى ۇكىمەتىمەن بىرگە اناعۇرلىم پىسىپ - جەتىلگەن، ورنىقتى، اناعۇرلىم ناتيجەلى جۇڭگو مەن اۆستراليانىڭ جالپى بەتتىك ستراتەگيالىق سەرىكتەستىك قارىم - قاتىناسىن ورناتۋدى ىلگەرىلەتۋدى قالايتىندىعىن ءبىلدىردى.

كەلۋ قاينارى: حالىق تورابى