شي جينپيڭ برازيليانىڭ زۇڭتۇڭى لۋلامەن كەڭەس وتكىزدى

5 - ايدىڭ 13 - كۇنى تۇستەن كەيىن مەملەكەت ءتوراعاسى شي جينپيڭ بەيجيڭدەگى حالىق سارايىندا جۇڭگوعا مەملەكەتتىك ساپارمەن كەلگەن برازيليانىڭ زۇڭتۇڭى لۋلامەن كەڭەس وتكىزدى. سۋرەتتە: شي جينپيڭ مەن حانىمى پىڭ لييۋان لۋلا جانە حانىمى روسانجەلامەن بىرگە سۋرەتكە تۇسۋدە.

سۋرەتتى شينحۋا اگەنتتىگىنىڭ ءتىلشىسى حۋاڭ جيڭۋىن تۇسىرگەن

5 - ايدىڭ 13 - كۇنى تۇستەن كەيىن مەملەكەت ءتوراعاسى شي جينپيڭ بەيجيڭدەگى حالىق سارايىندا جۇڭگوعا مەملەكەتتىك ساپارمەن كەلگەن برازيليانىڭ زۇڭتۇڭى لۋلامەن كەڭەس وتكىزدى. كەڭەستەن بۇرىن شي جينپيڭ حالىق سارايىنىڭ شىعىس قاقپاسىنىڭ سىرتىنداعى الاڭدا لۋلانى قارسى الۋ سالتىن وتكىزدى.

سۋرەتتى شينحۋا اگەنتتىگىنىڭ ءتىلشىسى يان يان تۇسىرگەن

«حالىق گازەتى»، 5 - ايدىڭ 13 - كۇنى، بەيجيڭ (تىلشىلەر دۋ شاڭزى، ۋاڭ دي). 5 - ايدىڭ 13 - كۇنى تۇستەن كەيىن مەملەكەت ءتوراعاسى شي جينپيڭ بەيجيڭدەگى حالىق سارايىندا جۇڭگوعا مەملەكەتتىك ساپارمەن كەلگەن برازيليانىڭ زۇڭتۇڭى لۋلامەن كەڭەس وتكىزدى.

شي جينپيڭ بىلاي دەپ اتاپ كورسەتتى: بىلتىر جۇڭگو مەن برازيليانىڭ ديپلوماتيالىق قارىم ـ قاتىناس ورناتقاندىعىنىڭ 50 جىلدىعى قارساڭىندا، ەكى جاق ەكى ەل قارىم ـ قاتىناسىن قول ۇستاسا اناعۇرلىم ادىلەتتى دۇنيە جانە اناعۇرلىم باياندى پلانەتا قۇراتىن جۇڭگو − برازيليا تاعدىرلاس ورتاق تۇلعاسى دەڭگەيىنە كوتەرۋدى بىرگە جاريالادى، وسى ستراتەگيالىق شەشىم جۇڭگو ـ برازيليا قارىم ـ قاتىناسىنىڭ كەلەسى ”التىن 50 جىلدىعىنا“ ايبىندى جوبا كەسكىندەدى. قىم ـ قۋىت حالىقارالىق جاعداي الدىندا جۇڭگو مەن برازيليا ادامزاتتىڭ العا باسۋى ءۇشىن جاۋاپكەرشىلىك ارقالاۋ، دۇنيە ءجۇزىنىڭ دامۋى ءۇشىن جاۋاپكەرشىلىگىن ادا ەتۋ اۋەلگى ماقساتىنان جازباي، جۇڭگو ـ برازيليا تاعدىرلاس ورتاق تۇلعاسى قۇرىلىسىن ىشكەرىلەي ىلگەرىلەتىپ، دامۋ ستراتەگياسىن ۇشتاستىرۋدى ۇزدىكسىز تەرەڭدەتىپ، دۇنيە جۇزىندەگى وڭتۇستىك ەلدەردى ىنتىماقتاسا سەلبەسۋدى كۇشەيتۋگە قول ۇستاسا باستاۋى كەرەك.

شي جينپيڭ بىلاي دەپ باسا دارىپتەدى: جاڭا تاريحي باستامادا جۇڭگو مەن برازيليا بىرىنشىدەن، ستراتەگيالىق ءوزارا سەنىمگە تاباندى بولىپ، جۇڭگو ـ برازيليا تاعدىرلاس ورتاق تۇلعاسىنىڭ نەگىزىن بەكەمدەپ، ءوزارا قۇرمەت ەتۋ، ءوزارا پايدا جەتكىزىپ، تەڭ يگىلىككە كەنەلۋ سىندى تاڭداۋلى ءداستۇردى ۇستانىپ، قارسى جاقتىڭ وزەكتى مۇددەسىنە جانە ءجىتى قاداعالاپ وتىرعان كەلەلى ىستەرىنە ساياتىن ماسەلەلەردە ءبىرىن ـ ءبىرى قولداپ، ءار جىكتەگى، جان ـ جاقتى بارىس ـ كەلىستى كۇشەيتىپ، ەكى جاقتى قارىم - قاتىناستىڭ ۇزاق ۋاقىت اقاۋسىز، ورنىقتى دامۋىنا كەپىلدىك ەتۋى كەرەك. ەكىنشىدەن، سەلبەستىكتى كەڭەيتۋگە تاباندى بولىپ، جۇڭگو - برازيليا تاعدىرلاس ورتاق تۇلعاسىنىڭ مازمۇنىن بايىتىپ، ”ءبىر بەلدەۋ، ءبىر جول“ باستاماسىنىڭ برازيليانىڭ دامۋ ستراتەگياسىمەن ءونىمدى ۇشتاسۋىن تەرەڭدەتىپ، ەكى ەلدىڭ ءتۇرلى سەلبەستىك مەحانيزمىنىڭ رولىن ويداعىداي ساۋلەلەندىرىپ، نەگىزدىك قۇرىلعى، اۋىل شارۋاشىلىعى، ەنەرگيا سياقتى ءداستۇرلى سالالارداعى سەلبەستىكتى كۇشەيتىپ، ەنەرگيانىڭ تۇرلەنۋى، اۆياتسيا، عارىش، سيفرلى ەكونوميكا، جاساندى زەردە سياقتى سەلبەستىكتىڭ جاڭا ءورىسىن كەڭەيتىپ، ەكى ەلدىڭ ناقتى سەلبەستىگىنە اناعۇرلىم كوپ كورىنەۋ تۇيىندەر جاراتۋى كەرەك. ۇشىنشىدەن، گۋمانيتارلىق اۋىس ـ كۇيىسكە تاباندى بولىپ، جۇڭگو ـ برازيليا تاعدىرلاس ورتاق تۇلعاسىنىڭ ومىرشەڭدىك كۇشىن ارتتىرىپ، كەلەر جىلى ”جۇڭگو ـ برازيليا مادەنيەت جىلىن“ وتكىزۋدى وراي ەتىپ، مادەنيەت، وقۋ ـ اعارتۋ، ساياحات، اقپارات قۇرالدارى، جەرگىلىكتى ورىندار سياقتى جاقتارداعى سەلبەستىكتى كۇشەيتىپ، ەكى جاقتىڭ ادامدارىنىڭ بارىس ـ كەلىسىنە اناعۇرلىم كوپ قولايلىلىق جاراتۋى كەرەك. تورتىنشىدەن، كوپ جاقتى سەلبەستىككە تاباندى بولىپ، جۇڭگو ـ برازيليا تاعدىرلاس ورتاق تۇلعاسىنىڭ ساپاسىن جوعارىلاتۋى كەرەك. شىعىس، باتىس جارتى شارداعى وركەندەپ كەلە جاتقان ەكى ءىرى ەل رەتىندە ەكى ەل بىرلەسكەن مەملەكەتتەر ۇيىمى، بريكس ەلدەرى، جۇڭگو - لاتىن امەريكاسى تالقى مىنبەرى سياقتى كوپ جاقتى مەحانيزمدەگى سايكەسۋدى، سەلبەسۋدى كۇشەيتىپ، كوپ جاقتىلىققا بىرگە تاباندى بولىپ، دۇنيە جۇزىلىك جونگە سالۋدى كەمەلدەندىرىپ، حالىقارالىق ەكونوميكا - ساۋدا ءتارتىبىن قورعاپ، سىڭار جاقتىلىق، قورعاىمپازدىق جانە زورەكەرلىك ارەكەتتەرىنە تۋدى ايقىن ۇستاپ قارسى تۇرۋى كەرەك.

لۋلا مىنالاردى ءبىلدىردى: برازيليا مەن جۇڭگو ءوزارا قۇرمەت ەتەدى، تاعدىرلاس بولادى، ەكى ەل قارىم - قاتىناسى مىزعىمايدى، ءارقانداي سىرتقى فاكتوردىڭ كەدەرگىسىنە، بۇلدىرۋىنە جول بەرىلمەيدى. باسقا ءىرى ەلدەرگە ۇقسامايتىنى، جۇڭگو برازيليانى قامتىعان لاتىن امەريكاسىنداعى ەلدەردىڭ ەكونوميكالىق، قوعامدىق دامۋدى جۇزەگە اسىرۋىن باستان ـ اياق شىن نيەتىمەن قولدادى جانە كومەكتەستى. برازيليا جاق جۇڭگو جاقپەن ستراتەگيالىق سەلبەستىكتى تەرەڭدەتىپ، برازيليا ـ جۇڭگو تاعدىرلاس ورتاق تۇلعاسى قۇرىلىسىن ىلگەرىلەتىپ، اناعۇرلىم ءادىل، بەيبىت، گۇلدەنگەن دۇنيە ءجۇزىن قۇرىپ، ءار ەلگە ۇلگى بولۋدى قالايدى. برازيليا جاق ءوزىنىڭ دامۋ ستراتەگياسى مەن ”ءبىر بەلدەۋ، ءبىر جول“ باستاماسىن ۇشتاستىرىپ، ەكى ەلدىڭ ەكونوميكا ـ ساۋدا، نەگىزدىك قۇرىلعى، عارىش، فينانس سياقتى سالالارداعى سەلبەستىگىن تەرەڭدەتۋدى قالايدى. جاستار، مادەنيەت اۋىس - كۇيىسىن كەڭەيتىپ، ەكى ەل حالقىنىڭ بارىس - كەلىسى مەن دوستىق سۇيىسپەنشىلىگىن نىعايتۋ كەرەك. جۇڭگونىڭ كەدەيلىكتەن ارىلتۋ تابىسى ادامدى سۇيىندىرەدى، برازيليا جۇڭگونىڭ تاجىريبەلەرىن ۇيرەنىپ، ۇلگى الىپ، ءتىپتى دە كوپ ادامنىڭ كەدەيلىك پەن اشارشىلىقتان ارىلۋىنا مۇمكىندىك جاساۋدى قالايدى. قازىرگى جاعدايدا كوپ جاقتىلىقتى باتىل قورعاۋ توتەنشە ماڭىزدى، قورعانىمپازدىق، كەدەن باجىسىن بەتالدى الۋ دامۋ، گۇلدەنۋگە جەتكىزبەيدى، بىلىقپالىق قانا تۋدىرادى، جۇڭگو جاقتىڭ دۇنيە جۇزىلىك سىن ـ سايىستقا توتەپ بەرۋدەگى بەرىك پوزيتسياسى ءار ەلگە كۇش ـ قۋات جانە سەنىم باعىشتايدى. برازيليا جاق جۇڭگو جاقپەن حالىقارالىق ىستەردەگى ستراتەگيالىق سەلبەستىكتى كۇشەيتىپ، دۇنيە ءجۇزىنىڭ وڭتۇستىگىنىڭ ورتاق مۇددەسىن، حالىقارالىق ادىلدىك پەن ادىلەتتىلىكتى بىرگە قورعاۋدى قالايدى.

ەكى ەلدىڭ مەملەكەت باسشىلارى ۋكراينا داعدارىسى جونىندە پىكىر اۋىستىرىپ، بەيبىتشىلىكتى سۇيەتىن العاباسار كۇش رەتىندە، جۇڭگو مەن برازيليا قارىم - قاتىناس پەن سايكەسۋدى كۇشەيتىپ، ”بەيبىتشىلىك دوستارى“ توبىنىڭ رولىن ساۋلەلەندىرىپ، رەسەي مەن ۋكراينانىڭ تىكەلەي پىكىرلەسۋىن قولداپ، دۇنيە ءجۇزىنىڭ وڭتۇستىگىندەگى ەلدەرمەن بىرگە داعدارىستى شەشۋدە ۇزدىكسىز سىندارلى رول اتقارۋعا ءبىر اۋىزدان ماقۇل بولدى.

كەڭەستەن كەيىن ەكى ەل مەملەكەت باسشىلارى دامۋ ستراتەگياسىن ۇشتاستىرۋ، عىلىم ـ تەحنيكا، اۋىل شارۋاشىلىعى، سيفرلى ەكونوميكا، فينانس، تەكسەرۋ ـ كارەنتيندەۋ، اقپارات قۇرالدارى سياقتى سالالارداعى 20 سەلبەستىك قۇجاتىنا قول قويۋعا بىرگە كۋا بولدى.

ەكى ەلدىڭ مەملەكەت باسشىلارى تاعى تىلشىلەرمەن كەزدەستى.

ەكى جاق «جۇڭحۋا حالىق رەسپۋبليكاسى مەن برازيليا فەدەراتسيالىق رەسپۋبليكاسىنىڭ قول ۇستاسا اناعۇرلىم ادىلەتتى دۇنيە جانە اناعۇرلىم باياندى پلانەتا قۇراتىن جۇڭگو − برازيليا تاعدىرلاس ورتاق تۇلعاسىن قۇرىپ، كوپ جاقتىلىقتى بىرگە قورعاۋ جونىندەگى بىرلەسكەن مالىمدەمەسىن» جانە «جۇڭگو مەن برازيليانىڭ ۋكراينا داعدارىسى جونىندەگى بىرلەسكەن مالىمدەمەسىن» جاريالادى.

كەڭەستەن بۇرىن شي جينپيڭ مەن حانىمى پىڭ لييۋان حالىق سارايىنىڭ شىعىس قاقپاسىنىڭ سىرتىنداعى الاڭدا لۋلا مەن حانىمى روسانجەلاعا ارناپ قارسى الۋ سالتىن وتكىزدى.

لۋلا جەتكەن كەزدە قۇرمەت قاراۋىلى ساپ تۇزەپ قۇرمەت ءبىلدىردى. شي جينپيڭ لۋلامەن بىرگە كوزدەن كەشىرۋ مىنبەسىنە شىقتى، اسكەري وركەستر جۇڭگو مەن برازيليانىڭ مەملەكەت اندەرىن ورىندادى، تيان - انمىن الاڭىندا 21 رەت ساليۋت اتىلدى. لۋلا شي جينپيڭنىڭ سەرىك بولۋىندا جۇڭگو حالىق ازاتتىق ارمياسىنىڭ قۇرمەت قاراۋىلىن كوزدەن كەشىردى ءارى سالتانات قاتارىن كوردى.

سول كۇنى كەشتە شي جينپيڭ مەن پىڭ لييۋان لۋلا مەن حانىمىنا ارناپ قارسى الۋ قوناعاسىسىن بەردى. ۋاڭ ي جوعارىداعى قيمىلدارعا قاتىناستى.

كەلۋ قاينارى: حالىق تورابى