ەلىمىزدىڭ تۇتاس وربيتا بويىنشا ءوزارا بايلانىستىرىلعان عارىشتىق ەسەپتەۋىش شوقجۇلدىزى جەلى قۇراۋ كەزەڭىنە قادام تاستادى 

حالىق گازەتىنىڭ ءتىلشىس لي جۇڭۋىن، ليۋ جۇنگو 5 – ايدىڭ 14 – كۇنى حاڭجوۋدان حابارلايدى. ءتىلشىنىڭ 5 – ايدىڭ 14 – كۇنى جىجياڭ ولكەسى جاڭا تيپتى زەرتتەۋ – اشۋ قۇرىلىمى جىجياڭ تاجىريبەحاناسىنان ۇعىسۋىنشا، عارىشتىق ەسەپتەۋىش جاساندى سەرىك شوقجۇلدىزىنىڭ سول كۇنى جيۋچۋان جاساندى سەرىك ۇشىرۋ ورتالىعىنان ءساتتى ۇشىرىلۋىنا بايلانىستى، ەلىمىزدىڭ تۇتاس وربيتا بويىنشا ءوزارا بايلانىستىرىلعان عارىشتىق ەسەپتەۋىش شوقجۇلدىزى — ”سانتي ەسەپتەۋىش شوقجۇلدىزى“ رەسمي جەلى قۇراۋ كەزەڭىنە قادام تاستاعان.

ۇعىسۋعا قاراعاندا، ”سانتي ەسەپتەۋىش شوقجۇلدىزى“ — جىجياڭ تاجىريبەحاناسى دۇنيە جۇزىندەگى سەلبەستىك سەرىكتەستەرىمەن بىرگە جاساعان مىڭ جاساندى سەرىك دەڭگەيىندەگى عارىشتىق ەسەپتەۋ نەگىزدىك قۇرىلعىسى. اتالعان قۇرىلعى وربيتادا ساندى مالىمەتتەردى دەر كەزىندە ءبىر جاقتى ەتۋ ارقىلى ءداستۇرلى جاساندى سەرىكتەردىڭ ساندى مالىمەتتەردى ءبىر جاقتى ەتۋ ونىمدىلىگىنە ساياتىن قيىن ماسەلەنى شەشىم ەتىپ، جاساندى زەردەنىڭ عارىشتا قولدانىلۋىن جانە دامىتىلۋىن ىلگەرىلەتەدى.

جۇڭگو ينجەنەريا اكادەمياسىنىڭ اكادەميگى، جىجياڭ تاجىريبەحاناسىنىڭ مەڭگەرۋشىسى ۋاڭ جياننىڭ ايتۋىنشا، ”سانتي ەسەپتەۋىش شوقجۇلدىزىنىڭ“ قالىپتاستىرىلۋى عارىشتىق قولدانىلىمنىڭ كوكجيەگىن كەڭەيتىپ، عارىش – اۆياتسيا كاسىپ سالاسىندا وزگەرىس جاساۋدا ماڭىزدى ءمان الادى.

كەلۋ قاينارى: حالىق تورابى