ورتا، باستاۋىش مەكتەپتەردە جاساندى زەردەنى وقىتۋعا دەم بەرەدى 

حالىق گازەتىنىڭ ءتىلشىسى ديڭ يايۇڭ 5 – ايدىڭ 14 – كۇنى بەيجيڭنەن حابارلايدى. جۋىردا وقۋ – اعارتۋ مينيسترلىگىنىڭ نەگىزدىك وقۋ – اعارتۋ جانە وقىتۋعا جەتەكشىلىك ەتۋ كوميتەتى «ورتا، باستاۋىش مەكتەپتەردە جاساندى زەردەگە قاتىستى جالپىلىق بىلىمدەردى وقىتۋ باعدارناماسى (2025 – جىلعى نۇسقا)» مەن «ورتا، باستاۋىش مەكتەپتەردە تۋىندامالى جاساندى زەردەنى پايدالانۋ باعدارناماسىن (2025 – جىلعى نۇسقا)» جاريالاعان. وسى رەت جاريالانعان ەكى باعدارناما جاساندى زەردەگە قاتىستى جالپى وقۋ بارىسىندىق وقۋ – اعارتۋدى عىلىمي، جۇيەلى ىلگەرىلەتىپ، جاساندى زەردەدەن پايدالانۋ ورەسىنە يە جاسامپاز دارىندىلاردى جەتىلدىرۋدى ىشكەرىلەي تياناقتاندىرۋداعى ماڭىزدى شارا سانالادى.

«ورتا، باستاۋىش مەكتەپتەردە جاساندى زەردەگە قاتىستى جالپىلىق بىلىمدەردى وقىتۋ باعدارناماسىن» (2025 – جىلعى نۇسقا) دايىنداۋداعى ماقسات — جاساندى زەردەگە قاتىستى جالپىلىق بىلىمدەرگە ساياتىن عىلىمي دا كەمەلدى وقۋ – اعارتۋ جۇيەسىن ورناتۋ، اتالعان جۇيە ساپالىق جاقتان جەتىلدىرۋدى وزەك ەتىپ، بىرتىندەپ جوعارىلاۋ فورماسىنداعى ساباقتاردى جوبالاۋ ارقىلى تانىمدى وياتۋدان جاسامپازدىق امالياتىنا جەتۋ سىندى ساپالىق دامۋدى ىسكە اسىرادى: باستاۋىش مەكتەپ كەزەڭىندە اۋەسىن قالىپتاستىرۋ مەن نەگىزدىك تانىمدى قالىپتاستىرۋعا باسا ءمان بەرىلەدى، ورتالاۋ مەكتەپ كەزەڭىندە تەحنيكالىق قاعيدالار مەن نەگىزدىك قولدانىلىمداردى ۇيرەتۋ كۇشەيتىلەدى، ورتا مەكتەپ كەزەڭىندە جۇيەلى وي جەلىسى مەن جاسامپازدىق امالياتىنا باسا ءمان بەرىلەدى. ”ساباق قۇرىلىمىن قايتا قالىپتاستىرۋ، بايلىق قاينارىن توعىستىرۋ، باعا بەرۋ جانە جاڭالىق اشۋ، وقىتۋشىلار بايلىعىمەن دەم بەرۋ“ قاتارلى بىرلەسكەن مەحانيزم ارقىلى جاساندى زەردەگە قاتىستى وقۋ – اعارتۋدى ءىشىنارا جاقتاردا تۇيىندە سىناق ەتۋدەن بۇكىل سالا بويىنشا تولىق قامتۋ ىلگەرىلەتىلەدى.

كەلۋ قاينارى: حالىق تورابى