ونەركاسىپ جانە ينفورماتسيالاندىرۋ مينيسترلىگى بالالارعا ارنالعان قول ساعاتتى ارناعا تۇسىرەدى 

جۇڭگو اقپارات اگەنتتىگىنىڭ ءتىلشىسى ليۋ يۇييىڭ 5 – ايدىڭ 14 – كۇنى بەيجيڭنەن حابارلايدى. جۇڭگو ونەركاسىپ جانە ينفورماتسيالاندىرۋ مينيسترلىگى 5 – ايدىڭ 14 – كۇنى تورابىندا «بالالارعا ارنالعان قول ساعاتتىڭ حاۋىپسىزدىگىنە قاتىستى تەحنيكالىق تالاپ» اتتى مەملەكەتتىك ءماجبۇرلى ولشەم (پىكىر الىناتىن نۇسقا) جونىندە پىكىر قابىلدادى. ولشەمدە باتەريا حاۋىپسىزدىگى، ينتەرنەت حاۋىپسىزدىگى، ينتەرنەتكە قۇمارتۋدان ساقتانۋ جانە ونى وڭالتۋ، اقى تولەۋدى باسقارۋ قاتارلى جاقتاردا ناقتى تالاپتار ورتاعا قويىلعان، ينتەرنەت حاۋىپسىزدىگى بولىمىندە قول ساعاتقا تۋىندامالى دىبىستى سۇراۋ – جاۋاپ قولدانىلمالى پروگرامماسىن ورناتۋعا بولمايتىنى ورتاعا قويىلعان.

انىقتاما بويىنشا، بالالارعا ارنالعان قول ساعات دەگەنىمىز 3 جاس جانە ودان جوعارى جاستاعى، 14 جاستان تومەنگى بالالاردىڭ پايدالانۋىنا ارنالعان قول ساعاتتاردى كورسەتەدى. بالالارعا ارنالعان زەردەلى قول ساعاتتار دەگەنىمىز تەلەفوندا سويلەسۋ، ورىن بەلگىلەۋ قاتارلى ينفورماتسيا ءبىر جاقتى ەتۋ يقۋاتىنا يە ءارى بالالاردىڭ ەرەكشە قاجەتىن قاناعاتتاندىراتىن، بالالارعا ارنالعان قول ساعاتتاردى كورسەتەدى.

اتالعان ولشەمدى دايىنداۋعا قاتىستى تۇسىندىرمەدە مىنالار اتاپ كورسەتىلگەن: تۇتىنۋشىلاردىڭ بالالارعا ارنالعان زەردەلى قول ساعاتتاردىڭ ينفورماتسيالىق جاقتاعى حاۋىپسىزدىگىنە ايرىقشا ءمان بەرەتىنىن، بۇيىمداردا ءالى دە زاڭسىز ۇرلاپ تىڭداۋ، ينفورماتسيانىڭ اشىلۋى قاتارلى ينفورماتسيالىق جاقتاعى حاۋىپسىزدىك قاتەرلەرى ساقتالىپ وتىرعانىن ويلاستىرا وتىرىپ، ولشەمدە ينفورماتسيا حاۋىپسىزدىگى، ساندى مالىمەت حاۋىپسىزدىگى جانە جەكەلىك ينفورماتسيانى باقىلاۋ، مازمۇن حاۋىپسىزدىگى قاتارلى جاقتاردا تالاپتار قويىلعان.

كەلۋ قاينارى: حالىق تورابى